ასტროლოგია

ჩემს სიყვარულს ასტოერიდების მიმართ ჩემს წინა სტატიებიდანაც მიხვდებოდით : ) დღეს ასტეროიდ კარმაზე მინდა მოგიყვეთ. მზე, მერკური, ვენერა, მთვარე და მარსი პიროვნულ პლანეტებად არიან მიჩნეულნი, ვინაიდან ისინი იდენტობის, ინტელექტის, ღირებულებების, ემოციებისა და სწრაფვების პიროვნულ ასპექტებს მართავენ – იუპიტერი და სატურნი სოციალური პლანეტების სახით მოქმედებენ და განასახიერებენ იმ ეთიკასა და კანონებს, რომლითაც საზოგადოება ოპერირებს. ურანი, ნეპტუნი და პლუტონი გალაქტიკის უნივერსალური პლანეტები არიან და ფართომასშტაბიანი კოსმოსური ძალების მიმართ ვიბრირებენ. ასტეროიდები კი მეტწილად, მარსსა და იუპიტერს შორის არსებულ სარტყელს იკავებენ, რითაც ფიზიკურ და სულიერ ხიდს ქმნიან, რომელიც პიროვნულს და სოციალურს – კოსმიურ ცნობიერებასთან აკავშირებს.

სანამ ასტეროიდ კარმას ასტროლოგიურად გავარჩვდე მინდა მის ზოგად მნიშვნელობას შევეხო – სიტყვა კარმა სანსკრიტიდან მოდის და მოქმედებას, სამუშაოს აღნიშნავს, მიზეზ-შედეგობრიობის კანონის მიხედვით, ადამიანთა ბედის მნიშვნელოვან ნაწილს კარმა განაპირობებს. კარმის დაბალანსება, ანუ კარმული ვალებისაგან განთავისუფლება არსებობის ერთ-ერთი დანიშნულებაა. ამისთვის ცოდვებისაგან განწმენდა, კეთილი უანგარო საქმეები, ცხოვრებისეული გამოცდების ღირსეულად ჩაბარება, სულიერი განვითარებაა საჭირო.

ანგელოზებიც კი არ ერევიან კარმაში, მაგრამ ადამიანს, თავისი თავისუფალი ნების წყალობით, შეუძლია მისი კორექცია: დამძიმება ან განეიტრალება. დღევანდელი დღე გუშინდელის შედეგია, ხვალინდელი კი იმაზეა დამოკიდებული, თუ როგორია დღეს აზრები, ემოციები, ქმედებები, სიტყვები, არჩევანი და ა.შ. კარმას განსაზღვრავს წინა ცხორებისეული გამოცდილებაც, ანუ ძველი ინკარნაციები. როდესაც ადამიანი იცვლება, იცვლება კარმაც.

კარმის კანონის მიხედვით, ნებისმიერი მოქმედება, რომელიც სულიერ განვითარებას ეწინააღმდეგება და რომელიც ანაზღაურებას მოელის ან პირადი სარგებლობისთვისაა, ქმნის კარმულ დავალიანებას. ამასთანავე, კარმა არ ნიშნავს მხოლოდ წარსულის შედეგს, ზოგჯერ ის მომავალი ბედნიერების საზღაურია. ზეციურ მფარველებს შეუძლიათ ადამიანთა დაცვა, სწორი გზის მითითება, მაგრამ კარმულ ვალებს მათ ნაცვლად ვერ გამოისყიდიან. კარმა ნაკლებად უწყობს ხელს განვითარებას, მაგრამ იცავს ცოდვებისგან. კარმა ძლიერდება, როდესაც ადამიანი პასიურია, ღალატობს თავის კოსმიურ მისიას ან კარგავს ზეციურ იერარქიასთან კავშირს.

კარმაზე მეტია სულიერი მისია და ამაღლებული სიყვარული. მათ შეუძლიათ კარმის შეცვლა ისევე, როგორც აქტიურობასა და მოქმედებას. კარმის გაცვლა ხდება სექსის დროსაც. რაც მეტი პარტნიორი ჰყავდა ადამიანს, მით დაბინძურებულია მისი კარმა. 

სამყაროში ნებისმიერი მოქმედება, აზრი, ემოცია, სიტყვა ბადებს ენერგიას, რომელიც ოდესმე ბუმერანგივით უკან დაუბრუნდება მის ავტორს და მის შთამომავლობას. რაც უფრო იგვიანებს სასჯელი, მით მკაცრია. რაც უფრო დაბალია ადამიანის და მისი გარემოს ენერგიის ვიბრაციები, მით ძლიერად მოქმედებს კარმის კანონი. ზეენერგიებში მისი ძალა შესუსტებულია.

ადამიანი არც ტანჯვისათვის იბადება და არც ბედნიერებისათვის – ის მოდის განვითარებისა და მოქმედებისათვის, ანუ “ტალანტების” გასამრავლებლად. ვინც საკუთარი ნებით ცდილობს სრულყოფას, მისი დასჯის საჭიროება აღარ ჩნდება. ტანჯვის მოთმენა არ უშველის ადამიანს, თუ ჭეშმარიტების შეცნობაზე, თავის განვითარებაზე არ იზრუნა.

უკვე რამოდენიმე წელია ვაკვირდები ასტეროიდ კარმას (3811) და რაც უფრო მეტ რუკას ვეცნობი უფრო ვრწმუნდები რომ ეს ასტეროიდი მართლაც ემანირებს კარმულ ნარატივს ჩვენს რუკაში. ნუმეროლოგიურად იგი 11(3+8):11 ვიბრაციებს ატარებს რაც ბედისწერის კიდევ ერთი მანიშნებელი ვიბრაციაა, ეს ასტეროიდი ეხება როგოც ჩვენს წარსულ ინკარნაციებს ასევე ახლანდელ ცხოვრებისეულ მოვალეობასაც და სამომავლო ჯილდოებს.

იგი ჩვენს რუკაში, სახლების და ზოდიაქოს არქეტიპული ენერგიებით, გვამცნობს თუ რა კარმული ვალები გადმოვიტანეთ წინა ცხოვრებიდან და რაზე უნდა ვიმუშავოთ ამ ინკარნაციაში. ასტროლოგიური სახლები აღნიშნავენ ჩვენ როლს ვინ ვიყავით და ნიშნები – აღნიშნავენ იმას თუ რამ შეგვიშალა ხელი კარმული მისიის შესრულებაში.

მაგალითად კარმა 4 სახლში, მშვილდოსანში აღნიშნავს რომ ადამიანის კარმა იყო ყოფილიყო ოჯახის მოყვარული, პატრიოტი, მგრძნობიარე პერსონაჟი, მან კი ეს გარემოება მიატოვა მოგზაურობის, თავგადასავლების ან შესაძლებელია რელიგიის გამო, ამ ცხოვრებაში მისი კარმული ვალია დაუბრუნდეს საკუთარ ფესვებს, ოჯახს და რა მიზეზითაც მიატოვა ეს გარემოება, იმ სფეროში შეძენილი უნარით და გამოცდილებით უნდა გამოისყიდოს კარმა – ამ შემთხვევაში ეს პიროვნება შეიძლება გახდეს ასკეტი, მოგზაური, მწერალი, რომელიც შეიგრძნობს ყველა ემოციას რაც მის ოჯახთან გააერთიანებს.

ასევე ძალიან მნიშვნელოვანია ასტეროიდი კარმა სინასტრიაში, როდესაც ერთი ადამიანის კარმა უერთდება მეორე ადამიანის კარმას ეს აღნიშნავს რომ მათ ერთიდაიგივე კარმული მისია აქვთ, როდესაც თქვენი კარმა უერთდება მის დესცედენტს ეს აღნიშნავს რომ თქვენ აღასრულებთ თქვენ კარმულ მისიას მასთან ურთიერთობის მეშვეობით.

ასევე საყურადღებოა ასტეროიდ კარმის შეერთება ანგულარულ სახლებთან და პერსონალურ პლანეტებთან. რეტროგრადული კარმა ნიშნავს, რომ აღნიშნულ სფეროებში უფრო მეტი ნეგატიური კარმა გვაქვს გაცემული, ვიდრე პოზიტიური. კარმის კვადრატი მარსთან, სატურნთან ან პლუტონთან ნეგატიური კარმის ტიპური ინდიკატორია. კარმის „ტრინი“ იუპიტერთან, ვენერასთან ან მზესთან პოზიტიური კარმის ტიპურ ინდიკატორად გვევლინება.

რათა გავიგოთ, რა ადგილი უჭირავს ამ ყველაფერს თქვენს ნატალურ ან სინასტრიულ რუკაში, ეწვიეთ ვებგვერდს astro.com და შეიყვანეთ თქვენი დაბადების დეტალები. შემდეგ, Free horoscopes რომ ჩამოშლით შეხვალთ Extended chart selection, გვერდის სულ ბოლოში, additional objects -ის ქვეშ მარჯვენა მხარეს manual entry-ს ფანჯარაში ჩაწერთ 3811. როცა ამ რიცხვს შეიყვანთ, შეგიძლიათ რუკა დააგენერიროთ! გადახედეთ რა კარმული მისია გაქვთ ამ ცხოვრებაში, მომწერეთ კომენტარებში და ერთად განვიხილოთ

© SHEN

გამოყენებული მასალები:  Asteroid Karma in Signs and Houses: Why You Are Here!

ნაწყვეტი წიგნიდან “სიყვარული და ყოველდღური მაგია”

ტიბეტური ტრადიციის მიხედვით, ფორმების მანიფესტაცია უფორმო სივრციდან ხდება, ეს კი ელემენტთა კონკრეტული თანმიმდევრობით მიიღწევა: ცნობიერება წმინდა სიბრძნის სივრციდან აღმოცენდება და ამ პროცესში ქმნის მოძრაობას ან ქარს (ჰაერს), რომელიც მხურვალებას (ცეცხლი) აღმოაცენებს, რაც წყლად კონდესირდება და, საბოლოოდ, ქმნის მიწას.

ამრიგად, ამ სულიერი პერსპექტივიდან, ვხედავთ, რომ პლანეტები საკუთრივ ცნობიერებიდან ფორმირდებიან და, აქედან გამომდინარე, ბუნებრივად უნდა მოიცავდნენ იმ ცნობიერებას, საიდანაც აღმოცენდებიან. შესაბამისად, ყოველი პლანეტა იმ ენერგიის ფორმაციას წარმოადგენს, რომელიც ცნობიერების უნიკალურ სფეროს მოიცავს. პლანეტები განსხეულებული ცნობიერებაა, კონკრეტული ვიბრაციის და სიხშირის შემცველნი.

რა, როგორ, სად

როცა ამა თუ იმ პლანეტასთან ასტროლოგიური კავშირები გვაქვს, მით უფრო შეგვიძლია მათთან ცნობიერი კავშირი დავამყაროთ, შესაბამისად ისინი მნიშვნელოვან კოსმიურ მატარებლებს წარმოადგენენ ჩვენი გამოღვიძების გზაზე, ეს კი მათი უნარის დამსახურებაა, მოიცვან კონკრეტული ვიბრაცია, გამცდილება და ცნობიერების სფერო, რომელთაც მათი ემანაციით ჩვენ განვიცდით.

სწორედ ამიტომაა, რომ როცა ასტროლოგიასთან გაცნობას ვიწყებთ, ვამბობთ, რომ პლანეტები წარმოადგენენ „რა“-ს. მაგალითად, მთვარე წარმოადგენს ემოციებს; ამდენად, როცა თქვენს ასტროლოგიურ რუკაში მთვარეს ვუყურებთ და მასზე ვსმჯელობთ, თქვენი ემოციური ენერგიის გარკვეული ასპექტი გვაქვს მხედველობაში. ზოდიაქოს არქეტიპი იმას ასახავს, თუ „როგორ” გამოხატავს საკუთარ თავს ეს ენერგია, ხოლო სახლი „სად”-ს განასახიერებს (იმ თვალსაზრისით, თუ თქვენი ცხოვრების რომელი სფეროა ჩართული).

მაგალითად, ავიღოთ მთვარე ლომში, მეორე სახლში: მთვარე არის „რა,”-  ლომი „როგორ,“-  მეორე სახლი კი „სად.“ ლომი შემოქმედებითობის ნიშანია, ხოლო მეორე სახლი თქვენი შინაგანი რესურსებისა და ფინანსების სფეროს წარმოადგენს; ასე რომ, მთვარე ლომში, მეორე სახლში ნიშნავს, რომ თქვენ, ემოციური უსაფრთხოებისა და კმაყოფილებისათვის, კრეატიულად უნდა გამოიყენოთ შინაგანი რესურსები, რითიც შეძლებთ შემოსავლების მოზიდვას.

ამბობენ, რომ პითაგორას „ციურ სხეულთა მუსიკის გაგონება“ შეეძლო. ეს ნიშნავს, რომ მას ჰქონდა უნარი, თითოეული პლანეტის სიხშირესთან დაემყარებინა კავშირი. ამ უნარის განვითარება უბრალოდ პლანეტებზე კითხვით არ გამოგვივა, რადგანაც მენტალური ცნებებისა და იდეების გონებაში ფლობა ინტელექტის სიხშირესთან ჰარმონიას იწვევს და ბლოკავს ჩვენს უნარს, უფრო მაღალი სიხშირეები აღიქვათ.

იმისათვის, რომ იმგვარად დავუკავშირდეთ პლანეტარულ სიხშირეებს, როგორც ეს პითაგორას შეეძლო, საჭიროა, შევიმუშავოთ ყოველდღიური პრაქტიკა, რითაც ყოველდღიური ფიქრებისა და დარდებისგან გონებას გავინთავისუფლებთ და საკუთარ თავს საშუალებას მივცემთ, განიცადოს ის, რასაც ტიბეტელები სუფთა სინათლის გონებას უწოდებენენ: წმინდა, სუფთა სინათლეს ცნობიერებისა, რომელიც აზროვნებისა თუ ფიქრის მიღმაა. ამიტომაა, რომ სულიერი გამოღვიძების გზაზე სასიცოცხლო მნიშვნელობა აქვს მედიტაციის ყოველდღიურ პრაქტიკას, რომელიც თვით–შეცნობაში გვიწყობს ხელს. 

ორი ჭეშმარიტება

ტიბეტურ ბუდიზმში ორი ჭეშმარიტების კონცეფცია გვხვდება: საყოველთაო ჭეშმარიტება, რომელსაც ყველა ვხედავთ, რომელიც ყველას გვესმის და რომელზეც ყველა ვთანხმდებით… ეს ჭეშმარიტება შეთანხმების და იარლიყების მეშვეობით იქცევა სიმართლედ. მაგალითად, მე ვიზვარ სკამზე. თუ თქვენ მხედავთ, დამეთანხმებით, რომ ეს ჭეშმარიტებაა.    

უზენაესი ჭეშმარიტება კი ჩვენი უზენაესი რეალობის ჭეშმარიტებას გულისხმობს. ამდენად, მართალია, ჩვეულებრივი გაგებით მე სკამზე ვზივარ, კვანტური ფიზიკის წარმომადგენელი კი, შესაძლოა, საკითხს უფრო ღრმად ჩაეძიოს და განაცხადოს, რომ არავითარი სკამი არ არსებობს, მხოლოდ ცარიელი სივრცე და ატომები, ხოლო მაჰაიანას ბუდისტები თვით–შეცნობის ღრმა შრეებში ჩავლენ და, შესაძლოა, განაცხადონ, რომ არც არავითარი „მე“ არ არსებობს. მისი კვალიც კი არსადაა! ასე რომ, მართალია, ჩვეულებრივ მე სკამზე ვზივარ, უზენაესი სიმართლით არავინ არაფერზე ზის! ☺️

რათა ისე გავიგოთ პლანეტარული ენერგიები, როგორც ეს პითაგორას ესმოდა, პირველ რიგში, უნდა გავუშინაურდეთ როგორც პლანეტათა საყოველთაოდ მიღებულ ცოდნას, ისე უზენაეს ცოდნას, რისთვისაც უკვე ჩვენი განცდისმიერი ცოდნა (საკუთარი გამოცდილებით მიღებული ცოდნა და წვდომის უნარი) უნდა გამოვიყენეთ. გამოღვიძების გზაზე ჩვენ ყოველი პლანეტა გვეხმარება და ჩვენი ბუნების ჩვეულებრივ გამოხატულებიდან უფრო მაღალ სულიერ დონეზე გადასვლაში გვიწყობს ხელს, რომელიც უფრო მეტადაა უზენაეს სიმართლესთან თანხვედრაში.

პლანეტათა კონვენციური და უზენაესი მახასიათებლების სპექტრი:

მზე – ეგოდან > ბრწყინვალებამდე

მთვარე – ემოციური მიჯაჭვულობიდან > მიმღებლობამდე

მერკური – მენტალური ცნებებიდან > წმინდა ინტელექტამდე

ვენერა – რომანტიკული მიჯაჭვულობიდან > ღვთაებრივ სიყვარულამდე

მარსი – აგრესიიდან > ღვთაებრივ ნებამდე

იუპიტერი – სიხარბიდან > ხელგაშლილობამდე

სატურნი – შეზღუდულობიდან > აუთენტურობამდე

ურანი – დესტუქციიდან > გამოღვიძებამდე

ნეპტუნი – დამოკიდებულობებიდან > თანაგრძნობამდე

პლუტონი – განადგურბიდან > სიცარიელემდე

ადამიანის ცნობიერების ევოლუცია

ეზოთერული ასტროლოგია გვასწავლის, რომ კაცობრიობა, როგორც კოლექტივი, ინსტინქტიდან ინტელექტამდე გადის ევოლუციას, ინტელექტიდან – ინტუიციამდე და ინტუიციიდან – გასხივოსნებამდე. ეს არა მხოლოდ ადამიანის ცნობიერების ევოლუციას ასახავს, არამედ ასახავს ჩვენს ინდივიდუალურ გზას სულიერი გამოღვიძებისა, რადგანაც როცა ინდვიდიუალურ გამოღვიძებას აქვს ადგილი, ყოველი ჩვენგანი ცნობიერების ამ „ეტაპთა“ მონაცვლეობის მოწმე ხდება. მართლაც, სწორედ ინდივიდების გამოღვიძება დგას ფრონტის წინა ხაზზე, რომელიც ცნობიერების კოლექტიურ ევოლუციას წარმართავს.

მოდით სათითაოდ შევხედოთ ყოველ ამ ეტაპს და მათ პლანეტარულ ასოციაციებს, თუმცა გვახსოვდეს, რომ ჩვენ ვსაუბრობთ როგორც ადამიანის ცნობიერების ევოლუციაზე, ისევე ჩვენი სულიერი გამოღვიძების ინდივიდუალურ გზაზე, რამდენადაც ეს ორი ერთსა და იმავეს წარმოადგენს. მინდა, კიდევ ერთი, სულ ბოლო ეტაპი დავამატო: სიცარიელე. ამრიგად, ჩვენი გზა სრულყოფილი სახით ასე გამოიყურება:   

ინსტინტქტი > ინტელექტი > ინტუიცია > გასხივოსნება > სიცარიელე

რას ვგულისხმობ „სიცარიელეში“? სიცარიელე სუფთა სახის „აქ და ახლა“ ყოფნაა, გამოღვიძებული ცნობიერება, მენტალური ცნებების გარეშე. გასხივოსნებასა და სიცარიელეს შორის მნიშვნელოვანი სხვაობა არსებობს. გასხივოსნებისას ჩვენ სინათლით ვივსებით, დიდი დოზით განვიცდით ნეტარებას და ნირვანას მსგავსი გამოცდილება გვაქვს. მიუხედავად ამისა, მაინც შეიძლება, დუალობის მდგომარეობაში ვიყოთ. „სიცარიელის“ ეტაპზე კი წმინდა, არა–დუალური ცნობიერება გვაქვს. ტიბეტური ტრადიციის თანახმად, უმაღლესი სიბრძნე სიცარიელის გაცნობიერების სიბრძნეა.

მოდით, ახლა პლანეტებს, როგორც კოსმიურ მატარებლებს, შევხედოთ და ვნახოთ, როგორ უკავშირდებიან ისინი ზემოთ აღწერილ თითოეულ ევოლუციურ ეტაპს. პირველ რიგში მინდა აგიხსნათ, რას იგულისხმება ასტროლოგიური თვალსაზრისით ტერმინში „მმართველი“. მართვა ძალიან ძველი ტერმინია – იმ დროიდან მოყოლებული, როცა მეფე ან „მმართველი“ საკუთარი მიწისა და ხალხის ზედამხედველი იყო. თანამედროვე ეპოქაში, მართვა დადებით ასოციაციებს ნამდვილად არ იწვევს, ვინაიდან ავისმყოფელი „მართვის,“ დიქტატორების, ომისა და ძალაუფლების თამაშთა არაერთი მავნე ეფექტის მომსწრენი ვართ ყოველდღიურ ახალ ამბებში, მაგრამ ასტროლოგიური გაგებით, „მართვაში” სხვა რამ იგულისხმება.       

მართვა ის კი არაა, რომ რაღაცას ან ვიღაცას ჩვენზე ძალაუფლება აქვს, არამედ რაღაც ისეთი, რასაც წვლილი შეაქვს ჩვენი ზრდის ხელშემწყობ პირობებში. აი, კეთილი მებაღე წარმოიდგინეთ, რომელმაც ზუსტად იცის, რა პირობებია საჭირო არა მხოლოდ იმისთვის, რომ მცენარეები გადარჩნენ, არამედ იმისთვისაც, რომ აყვავდნენ და მაქსიმალურ პოტენციალს მიაღწიონ. ამდენად, ამ თვალსაზრისით, პლანეტარული „მმართველი“ უფრო მცველს ჰგავს ან მეურვეს, რომელიც ჩვენი სულის ზრდის ხელშემწყობ პირობებს ქმნის. 

ასტროლოგიაში, პლანეტარულ „მმართველებს“ მრავალ დონეზე განვიხილავთ. გვყავს ნატალური რუკის მმართველი – პლანეტა, რომელსაც, როგორც წესი, ყველაზე დიდი ძალაუფლება და გავლენა აქვს ჩვენზე მთელი სიცოცხლის მანძილზე და ის ჩვენი სულის ზრდის პირობებს უზრუნველყოფს. რუკის მმართველთან ერთად, ასევე ყოველ სახლს ჰყავს თავისი პლანეტარული მმართველი: ჩვენ მხედველობაში ვიღებთ სახლის ბუნებრივ მმართველს (მაგალითად, პირველი სახლის ბუნებრივი მმართველი მარსია) და ასევე მხედველობაში ვიღებთ რეალურ მმართველსაც. მაგალითად, თუ მეხუთე სახლის დასაწყისში (ე.წ. cusp-ზე) სასწორი გყავთ, მაშინ ვენერა (როგორც სასწორის მმართველი) თქვენი მეხუთე სახლის პლანეტარული მმართველი იქნება. აქ არ მინდა, კონკრეტული სახლების მმართველებზე გადავიტანო თქვენი ყურადღება, უბრალოდ მინდა, ილუსტრაცია მოვახდინო იდეისა, რომ თქვენს ცხოვრებაში ყველა პლანეტა კოსმიურ მატარებელს წარმოადგენს და ამ როლში მხოლოდ თქვენი მმართველი პლანეტა არ მონაწილეობს. 

ადამიანის ცნობიერების ევოლუციისა და თქვენი სულიერი გამოღვიძების ინდივიდუალური გზის თვალსაზრისით, პლანეტები თქვენთვის ქმნიან პირობებს, რომლებიც კონკრეტულ ეტაპებს უწყობენ ხელს:

ინსტინქტი: მზე, მთვარე, მერკური, ვენერა, მარსი

ინტელექტი: იუპიტერი, სატურნი

ინტუიცია: ურანი

გასხივოსნება: ნეპტუნი

სიცარიელე: პლუტონი

ეს ეტაპები სიხისტით არ გამოირჩევა, არამედ ზოგადი მეგზურის როლს ითავსებენ და ხშირად ერთმანეთშიც გადადიან, მაგალითად, როცა ნეპტუნის ტრანზიტს განიცდით, გექნებათ სხვადასხვა გამოცდილება, რომლებიც თქვენს ცნობიერებას გააფართოვებს, ამავე დროს, შესაძლოა, ასევე მარსის მძლავრ ტრანზიტს გადიოდეთ, რა შემთხვევაშიც ნეპტუნის „გასხივოსნება“ დაგეხმარებათ იმაში რომ მარსის ინსტინტქური აგრესიულობა ცნობიერ მიზანსწრაფულობად აქციოთ.

როგორც ქვემოთ გაეცნობით, პლანეტარულ ენერგიათა ურთიერთქმედებები იდეალურ პირობებს ქმნიან, რომლებიც სულიერი გამოღვიძების გზაზე გვეხმარებიან.

პლანეტარულ–კოსმიური მატარებლები

მზე საკუთრივ სიცოცხლისთვის ქმნის პირობებს, რათა არსებობა იყოს შესაძლებელი. ჩვენ მზის სისტემაში ვცხოვრობთ, ხოლო მზის ცნობიერება მთავარი „კოსმიური მატარებელია“ იდეალური პირობებისთვის, სიცოცხლემ რომ იარსებობს. ფსიქოლოგიურ დონეზე, მზე პრანაა – თავად სიცოცხლის ძალა, რომელიც სიცოცხლესა და სუნთქვას შთაბერავს „ცხოვრებას” და მას ფიზიკურ ფორმებს ანიჭებს.

მთვარე ქმნის პირობებს, რათა სიცოცხლემ მიიღოს ფორმა. მთვარეს „ყოველგვარი ფორმის დედას“ უწოდებენ, რომელიც ფიზიკურ მატერიაში ფორმის მიცემაზე ახდენს გავლენას. შეიძლება, ითქვას, რომ მთვარე მაგნიტურ მიჯაჭვულობებს უზრუნველყოფს (ემოციურსა და ა.შ), რომელიც ფორმებს ერთმანეთთან აკავშირებს. ჩვენს მაგნიტურ იმპულსებს (ინსტინტქებს) რომლებსაც ერთი სიცოცხლიდან მეორეში გადავყავართ – რაც კარმასთან გვიქმნის მჭიდრო კავშირს.

მერკური ჩვენი შესაბამისი გონებრივი განვითარებისთვის, მენტალური გადამუშავებისა და კომუნიკაციისთვის ქმნის პირობებს. ფსიქოლოგიურ დონეზე, მერკური ნერვულ სისტემასა და უჯრედულ კომუნიკაციებს მართავს.

ვენერა გვიქმნის პირობებს რითიც ვხვდებით ჩვენს შინაგან საჭიროებებს, ვენერა სიყვარულთან, სილამაზესთან, ჩვენს ესთეტიკურ შეგრძნებებთან, ხელოვნებისა და პიროვნულ მაგნიტურ მიმზიდველობასთან ასოცირდება. სხვა სიტყვებით რო ვთქვათ, ვენერა რუკაში გვაჩვენებს, სად გვხვდება (ან არ გვხვდება) მიზიდულობის კანონი ჩვენს ცხოვრებაში..   

მარსის მიერ შექმნილი პირობები საშუალებას გვაძლევს, რომ, როგორც ინდივიდებმა, მტკიცედ გამოვხატოთ საკუთარი მოსაზრებები, გაბედულად ვიმოქმედოთ და სამყაროში ისე გავიკაფოთ გზა, რომ სასურველი და საჭირო მოვიპოვოთ. მარსი სისხლის, სქესობრივი აქტივობისა და ჩვენი სხეულის ანთებითი რეაქციების მმართველია. ინსტინქტურ დონეზე, მარსი დაცვასა და გადარჩენას უკავშირდება.   

იუპიტერი გვიქმნის პირობებს, რომ მყისიერი ცნობიერის მიღმა გავიფართოვოთ გონება. იუპიტერის საშუალებით, ჩვენ სწავლის არეალს ვზრდით, გავცემთ და ვიღებთ განათლებას და ვავრცელებთ ცოდნას. იუპიტერის განმამტკიცებელი გავლენით გვეძლევა უნარი, მივწვდეთ ჩვენს კოსმიურ დებს და ძმებს და დავუკავშირდეთ მათ არა, როგორც მოქიშპეებს, არამედ, როგორც ერთი დიდი ოჯახის წევრებს. 

სატურნი იმგვარ პირობებს ქმნის, რომლითაც საშუალება გვეძლევა, სტრუქტურათა აგება და სისტემათა ორგანიზება მოვახდინოთ. როცა უფრო დიდი ჯგუფების და საზოგადოების ნაწილი ვხდებით, წარმატების მისაღწვეად გარკვეული სახის სტრუქტურა და ორგანიზება ხდება საჭირო. სატურნის ფორმირებით და გავლენით ჩვენ ვაცნობიერებთ, რომ სიცოცხლე განუწყვეტლივ არ ფართოვდება, არამედ ევოლუციის მანძილზე ჩვენ შეზღუდვებისა და სიკვდილის მიღებაც უნდა შეგვეძლოს. 

ურანი რეფორმატორია რომელიც ჩაგვრისა თუ შევიწროებისაგან გვანთავისუფლებს, შემდეგ, ჩვენი ინდივიდუალობის კვლევის გზით, ჩვენ საკუთარ ინტუიციას აღმოვაჩენთ და სულიერი განვითარების შემდეგი ეტაპიზე გადავდივართ.

ნეპტუნი სამ–საფეხურიანი პროცესის მეშვეობით „გვასულიერებს.“ ეს სამი საფეხურია ილუზია, ილუზიის ნგრევა და, ბოლოს, გასხივოსნება. ვიდრე სულიერი გასხივოსნებისა და ნეტარების ეგზალტირებულ სტადიას მივაღწევდეთ, ილუზიისა და ილუზიების ნგრევის ხანგრძლივ, ურთიერთმონაცვლე პროცესში გვიწევს ნავიგაცია. 

პლუტონი დიადი „მამხილებელია“. იგი ავლენს იმას რაც ზედაპირის მიღმა იმალება – ჩვენი საკუთარი ცნობიერების ბნელ მხარეში. ამ გზით, პლუტონი გვაჩვენებს, თუ რა უნდა შევცალოთ საკუთარ თავში, რათა სიბნელე სინათლედ გარდავქმნათ.  

მიზიდულობის კანონი

მიზიდულობის კანონი, ერთ–ერთი ყველაზე ფუნდამენტური ბუნებრივი კანონია, ვენერას მიზიდულობის ენერგია აქტიურ მაგნეტიზმს წარმოადგენს. იგი იზიდავს მას რაც სურს როგორც მაგნიტის ორი პოლუსი იზიდავს ერთმანეთს.ხოლო ამ ორი პოლუსის განცალკევებისთვის კი დიდი ძალაა საჭირო. სადაც არ უნდა იყოს ვენერა ჩვენს რუკაში, მას სარგებლის მოზიდვის ძალა აქვს – მეტანაკლებად, რაც, თავის მხრივ, ნიშნის, სახლისა და ასპექტის მიხედვით გამოკვეთილ პირობებზეა დამოკიდებული; ასევე, მხედველობაში უნდა მივიღოთ რუკის სხვა ფაქტორებიც, რომლებიც მის მიზიდულობის ძალას, შესაძლოა, აძლიერებდნენ ან ასუსტებდნენ. 

ითვლება, რომ ტრადიციულ ასტროლოგიაში ვენერა იმ სახის „ბენეფიტებს“ გასცემს რომელ ნიშანშიც იგი გვხვდება, ხოლო მისი გავლენის მატარებელ ცხოვრების სფეროზე მინიშნებას სახლის მდებაროება იძლევა, რომელშიც ის ბინადრობს. როცა ვენერაზე მიდგება საქმე, ყოველთვის რაღაცა სახის სარგებელზე შეიძლება, ვილაპარაკოთ, თუმცა როცა ის დაზიანებულია,* შესაძლოა, სარგებლის ერთგვარი „ზედოზირების,“ სიზარმაცის, ამაოების ან/და მოჭარბებული ჰედონიზმის რეჟიმში გადავიდეს.

(*პლანეტების დაზიანება მაშინ ხდება, როცა მათ ბევრი ან მთლიანად ნეგატიური ასპექტები აქვთ, მაგ., მხოლოდ კვადრატები, და მცირედი პოზიტიური ასპექტები, მაგ., ტრინები).     

მერკურის გავლენით აღმოცენებული „მე“-ს საწყისი იდეის შემდეგ, ჩვენი განვითარების მოგზაურობის მომდევნო ეტაპი სულიერი მეგობრის, მეწყვილის პოვნაა. ჩვენ დროებით თავს ვანებებთ ჩვენი „მე”-თი გატაცებას და ვერთვებით „სხვა”-სთან დაკავშირებულ ცნობისმოყვარეობაში. სხვებიც ჩემნაირები არიან? როგორ ვუკავშირდები „მე” მათ და „ისინი“ – მე? – რაც მეწყვილის ძიებაში განსაკუთრებულ მნიშვნელობას იძენს – მიმზიდველი ვარ? ისინი მიმზდიველები არიან? ურთიერთობათა დამყარების, მოწონებისა და ამაოების მთელი ველი სწორედ ვენერას გავლენით აღებს კარს.

ვენერა ჩვენს შეგრძნებებს აღვიძებს. ის ჩვენი მუზაა. ადრე თუ გვიან, ამა თუ იმ ფორმით, ის სიყვარულის გზაზე გვაცდუნებს. პიროვნულ დონეზე, ვენერა ჩვენი სურვილებისა თუ ჟინების ბუნებას ასტიმულირებს და ჩვენში სილამაზის, გემოვნების, ესთეტიკის შეგრძნებებს აღძრავს. ყველა ჩვენი შეგრძნება სწორედ მისი გავლენით იძღვიძებს და ჩვენც ვაცნობიერებთ ჩვენს მგრძნობიარე ბუნებას. მიუხედავად ამისა, მალევე აღმოვაჩენთ იმ ტკივილს და ტანჯვას, რაც გრძნობისმიერ სიამოვნებებზე მიჯაჭვულობისგან მოდის. როდესაც ვენერას ზღრუბლზე დაბალი დონის ცნობიერებიდან შევდივართ, ჩვენ მიდრეკილნი ვხდებით არაერთი პოტენციური დამოკიდებულებისადმი.

“A goddess on a mountain top
Was burning like a silver flame
The summit of beauty and love
And Venus was her name”

–“Venus,” Shocking Blue, 1969

მართალია, ბერძნულ მითოლოგიასა და პოპ კულტურაში ვენერა „სიყვარულის ქალღმერთად“ მიიჩნევა, მაგრამ ეზოთერული თვალსაზრისით, ის „სიყვარულს და სიბრძნეს“ – კი არ ეხმიანება, არამედ უფრო – კონკრეტულ ცოდნას.“ ამდენად, ეზოთერულად, ვენერა ცოდნის გზის კარს გვიხსნის და არა სიყვარული–სიბრძნისა (რაც მზისა და იუპიტერის სფეროს წარმოადგენს). აქედან გამომდინარე, ეს ყველაფერი იმის გააზრებაში დაგვეხმარება, თუ რატომ განვიცდით რომანტიკულ სიყვარულში თავიდან ამაღლებულ, ეიფორიულ მდგომარეობას, რასაც შემდეგ ამ სიყვარულის თანხმლები ტკივილი და „გატეხილი“ გული მოჰყვება. სიყვარული, რომელზეც ვენერას კონტექსტში ვსაუბრობთ, ჯერ არ არის ღვთაებრივი სიყვარული. ის უფრო მიწიერი ტიპის რომანტიკული სიყვარულია. 

თუ მარსი სექსთანაა ასოცირებული, ვენერა რომანტიკასა და ეროსს უკავშირდება, ანუ იმას, რაც ეროტიკულია. გაიხსენეთ, რომ ჩვენს ევოლუციურ მოგზაურობაში, ჩვენ კვლავაც „ინსინტქის“ დონეზე ვართ და, ეს-ესაა, რაც მერკურის მენტალურ სფეროში გავბედეთ ფეხის შედგმა. ასე რომ, როცა სიყვარული რომანტიკულ ან/და ეროტიკულ დონეზე განიცდება, აქ კონცეპტუალიზების, ფანტაზიისა და პროექციის მენტალური ელემენტია მნიშვნელოვნად ჩართული. მას სხვა ადამიანთან ნაკლები აქვს საერთო და მხოლოდ იმასთან აქვს საერთო, რაც ჩვენივე თავში ხდება.

რათა უკეთ გავიგოთ ვენერას „სიყვარული“ და თუ როგორ უკავშირდება ის ცოდნის გზას, მკაფიოდ უნდა გავმიჯნოთ რომანტიკული, ეროტიკული სიყვარული – ღვთაებრივი სიყვარულთან. საბოლოო ჯამში, რომანტიკული სიყვარულის ჩვენეულ გამოცდილებებს აქვთ პოტენციალი, უნივერსალური ღვთაებრივი სიყვარულისა და თანაგრძნობისადმი გახსნან ჩვენი გულები და გონება, სწორედ ამიტომ ითვლება, რომ ვენერა თევზებშია ეგზალტირებული, მაგრამ კვლავ რომანტიკისა და სექსუალური მიზიდულობის დონეზე, ღვთაებრივი სიყვარული, უმეტესწილად, აქ მხოლოდ პოტენციალის დონეზეა.

კონვენციურად, ვენერა სიყვარულთან, სილამაზესთან, ხელოვნებასა და ესთეტიკასთან ასოცირდება. მიიჩნევა, რომ ის აცოცხლებს და აღვიძებს ჩვენს შეგრძნებებს, ხოლო ის, თუ რამდენად მგრძნობიარენი ვართ (ან არ ვართ), ხშირად უშუალოდ ჩვენს რუკაში ვენერას მდგომარეობაზეა დამოკიდებული. ეს ლოგიკურია ამ წინდა პლანეტისათვის, ვინაიდან ჩვენი სულიერი გამოღვიძების მთელი პროცესი ძალიან პიროვნულად და უშუალოდ განიცდება, ჩვენი ხუთი შეგრძნების (მხედველობის, სმენის, შეხების, გემოსა და ყნოსვის) მეშვეობით.

ეზოთერულ ასტროლოგიაში, ვენერა წმინდა პლანეტად და დედამიწის “კომპანიონად” არის მიჩნეული. ტიბეტელების თანახმად, არა–წმინდა პლანეტები, პირველ ყოვლისა, ცხოვრებაზე ჩვენს ყოველდღიურ ყოფაზე ახდენენ გავლენას მაშინ, როცა წმინდა პლანეტებს წვლილი შეაქვთ სულისა და სხეულის, ცნობიერებისა და ფორმის შერწყმაზე ზემოქმედ პროცესებში. 

„წმინდა პლანეტის ლოგოსის* … ამოცანაა, ცნობიერი რეაქციისა და აქტივობის ერთ ერთეულში მოახდინოს უმაღლესი ღვთაებრივი ასპექტის სინთეზირება … ნების ასპექტისა.

როცა ეს მიიღწევა, ნება, სიყვარული და ინტელექტი ერთმანეთს ერწყმის,

ხოლო სული და სხეული ჰარმონიაში მოდიან.

შემდეგ კი ღვთაებრივი გამოვლინება ღვთაებრივ მიზნად იქცევა, რომლის ბიძგის მიმცემ იმპლუსს ნება წარმოადგენს,

რომელიც სიყვარულითაა მოტივირებული და ინტელექტის საშუალებით მიიწევს წინ.“ 

SHEN ©

როგორც მუსიკაში ოქტავა წარმოადგენს მანძილს ორ ნოტს შორის, რომელთაც იდენტური ჰარმონიული სტრუქტურა აქვთ, მაგრამ ტონის სიმაღლის მიხედვით ერთმანეთისაგან განსხვავდებიან, კონკრეტული ნოტი კი წამში გარკვეული რაოდენობის ვიბრაციებისგან შედგება, უფრო მაღალი ოქტავა [მაგ.„მაღალი დო“] ზუსტად ორმაგი რაოდენობის ვიბრაციებს შეიცავს, ხოლო უფრო დაბალი ოქტავა – მის ზუსტად ნახევარს – ანალოგიურად, ასტროლოგია – ციურ სხეულთა მუსიკის სისტემური შემსწავლელი დისციპლინა – მოიცავს ოქტავის პრინციპის მისეულ ვერსიას.

პლანეტარულ წყვილებს – მერკური–ურანს, ვენერა–ნეპტუნსა და მარსი–პლუტონს – ენერგიის მსგავსი სტრუქტურები აქვთ, თუმცა განსხვავებულ დონეზე გამოხატული. უფრო დაბალი ოქტავის პლანეტები – მერკური, ვენერა და მარსი – პიროვნული ზრდისა და ცოდნის მამოძრევებელ ძალებს წარმოადგენენ. რაც შეეხება უფრო მაღალი ოქტავის პლანეტებს, – ურანს, ნეპტუნსა და პლუტონს, – ისინი უფრო სწრაფ, კეთილხმოვან ვიბრაციებსა და იმგვარ კოსმოსურ ენერგიას განასახიერებენ, რომელიც მთელ კაცობრიობაზე ზემოქმედებს. მათი მთავარი არსი მზის სისტემის ევოლუციური პროცესის აჩქარებაა.

ასტეროიდები, რომელთაც, პირველ ყოვლისა, მარსსა და იუპიტერს შორის არსებული სივრცე უკავიათ, ქმნიან მაკავშირებელ ხიდს უფრო დაბალი და უფრო მაღალი ოქტავის პლანეტებს შორის.

ასტეროიდები სიმბოლური გარდამქმნელები არიან ენერგიის ამ ორ სისტემას შორის და იმ ტექნიკებზე მიუთითებენ, რომლებითაც უფრო დაბალი ოქტავის ვიბრაციები, შესაძლოა, შესაბამის მაღალ ოქტავებს მიუახლოვდნენ. ასტროლოგიაში ასტეროიდების გამოყენების დაწყება ისტორიის ამ ეტაპზე ნათლად წარმოაჩენს იმ ინდივიდთა მზარდ რიცხვს, რომლებიც კოლექტიურად რეაგირებენ პლანეტარული ცნობიერებისა და ერთიანობის კოლექტიურ თემაზე.

ცხრილში 12-2 დეტალურადაა ნაჩვენები, თუ როგორ ასრულებს თითოეული ასტეროიდი ხიდის როლს უფრო დაბალი და უფრო მაღალი ოქტავის ფუნქციათა შორის.

როგორც ქვემოთ მოტანილი ცხრილიდან ჩანს, ასტეროიდის ყოველი წყვილი მასკულინურ და ფემინურ სხეულებს აერთიანებს, თითოეული მათგანი კი ბიპოლარული პრინციპის ერთ პოლუსს გამოხატავს.

მოდით, ახლა ტრანსფორმაციის ეს აგენტები უფრო დეტალურად განვიხილოთ.

შეყვარებულები: ეროსი და ფსიქეა

ფსიქეა

ასტეროიდი ფსიქეა სხვა ადამიანთან ფსიქიკური შეწყობისა და კავშირის პრინციპს წარმოადგენს. ხშირად ქალწულ პეპელად წარმოჩენილი, ფსიქეა ლამაზ მოკვდავად დაიბადა, ხოლო თავის საყვარელთან, ეროსთან, ერთობის დამყარების ძიებაში გმირულ საქმეებში დაოსტატდა, რომელსაც მას მრისხანე აფროდიტე ავალებდა. ყოველი ამ დავალების შესრულებებისას, ფსიქეა თავისი შინაგანი ტელეპათიური არხების სენსიტიზირებას ახდენდა. ფსიქეამ, რომელიც სულის მოგზაურობას გამოხატავს მოკვდავი ცხოვრებიდან ღვთაებრივ ცხოვრებამდე, წარმატებით გარდაქმნა თავისი მიწიერი ბუნება ღვთაებრივად ისე, რომ შეძლო და გახდა ეროსის – ეროტიკული სიყვარულის ღმერთის – ზეციური ცოლი. მათ ქალიშვილი ეყოლათ სახელად – ვოლუპია, იგივე ნეტარება. ფსიქეასა და ეროსის სიყვარული სულიერი ერთობის სიმბოლოდ იქცა.

ლილითისა და იუნონას ურთიერთობის პროგრესიის სრულქმნის გზით, ფსიქეა, როგორც პარტნიორი, ფემინურობის განვითარების სრულყოფილ ფაზას წარმოადგენს. ასტროლოგიურად, ის ვენერას მაღალი ოქტავაა და გამოხატავს დახვეწრილ პიროვნულ სიყვარულსა და სხვა ადამიანთან ფსიქიკურ ჰარმონიას. ფსიქეს გზით სიარული ცნობიერ სიყვარულს ნიშნავს, რომელიც სულიერ გასხივოსნებას უხსნის გზას.   

პირად რუკაში, ფსიქეს წინა პლანზე ყოფნა სხვა ადამიანის გონებისა და გრძნობისადმი ფსიქიკურ მგრძნობიარობას მოასწავებს. ასეთმა გაძლიერებულმა სენსიტიურობამ, შესაძლოა, მისტიკური, სულიერი კავშირის წადილში იჩინოს თავი. ფსიქეს სტრესული განლაგება შეიძლება სხვებისადმი სრულ უგრძნობლობაზე მიანიშნებდეს, ბლოკირებულ ფსიქიკურ ცნობიერებასა თუ პირადი ურთიერთობების დამყარების უუნარობაზე. ფსიქე–ინდივიდები ღრმა, ინტუიციურ კომუნიკაციას ესწრაფვიან და, ამიტომ, ხშირ შემთხვევებში, შეიძლება უარი თქვან ზედაპირულ ან მოკლევადიან ურთიერთობებზე. ასე რომ, შესაძლოა, ბევრი თაყვანისმცემელი ჰყავდეთ, მაგრამ, ფაქტობრივად, მარტო ამჯობინებდნენ ყოფნას.

შესაბამისი ელემენტის მიხედვით თუ გავაანალიზებთ, ჰაერის ნიშანში არსებული ფსიქე მენტალურ ტელეპათიას ასახავს; წყლის ნიშანში ის ემპათიად გვევლინება; ცეცხლში – ენერგოდინებათა კონტროლისა და მართვის უნარად; ხოლო მიწის ნიშანში ფიზიკურად გამოხატულ მიღწევებში იჩენს თავს. 

ფსიქეს ასპექტები პლანეტის საზრისს გამძაფრებულ მგრძნობიარობასთან აკავშირებს. მაგალითად, ფსიქე–ურანი წინარეშემეცნებას აღნიშნავს, ფსიქე–ქირონი – ფსიქიკური განკურნვის უნარებს, ფსიქე–ცერერას კი შეუძლია ბავშვებთან ან მცენარეთა სამყაროსთან კომუნიკაციის უნარებს დაეუფლოს.

სინასტრიაში – კავშირები ფსიქესთან გარკვეულ ინტუიციურ ცოდნას განასახიერებს და პიროვნებათშორისი ურთიერთობების წვდომას (ან კი მის სრულ დეფიციტს). ფსიქე–ეროსის კავშირები სულიერი ერთობის პოტენციალზე მეტყველებს.

ეროსი

ეროსი – ეროტიკული სიყვარულის ღმერთი – ვნებიანი წადილის პრინციპს განასახიარებს. მითოლოგიურად, ეროსი პირველყოფილი, ფალოსური ღმერთი იყო, რომელიც ქაოსმა (სიცარიელემ) შვა სამყაროს დასაბამის ჟამს. ეს მასკულინური სექსუალობის განსხეულება, გენერაციული მასკულინური ძალის როლს ასრულებდა, რამაც სამყაროს შექმნა გახადა შესაძლებელი. ამდენად, მოგვიანებით, ოლიმპოს პანთეონში, ის მარსისა და ვენერას ვაჟად მოგვევლინა.

ასტროლოგიური თვალსზარისით, ეროსი მარსის მაღალი ოქტავის სახით მოქმედებს. ეროსმა შეძლო და დახვეწა საკუთარი არაცნობიერი, ინსტინქტური სექსუალური ლტოლვა და ის ეროტიკულ სიყვარულად აქცია; ეს იყო გზა სულიერი გასხივოსნებისკენ ფსიქესთან რომანის მეშვეობით. კლასიკურ საბერძნეთში, ეროსი ჰომოსექსუალური სიყვარულის მფარველად მოგვევლინა და შეიძლება სექსუალური გემოვნების ერთ ინდიკატორად იქნეს მიჩნეული. სექსუალობის მიღმა, ეროსის ვნება განცდილია უბრალოდ, როგორც ნებისმიერი რამ, ,,რაც აღგაგზნებს,“ ჟინს ან სურვილს გიჩენს. ეროსი, ასევე, ძლევამოსილი ემოციური ძალაა, რომელიც ყოვლისმომცველი ლტოლვებისა და ხედვებისკენ გვიბიძგებს.

პირად რუკაში, ეროსი ადამიანის ვნების, სექსუალური მიზიდულობის, სექსუალური გემოვნებისა და სასიცოცხლო ენერგიის მაჩვენებელია. ეროსის მქონე პიროვნებას მუდმივად სჭირდება, განიახლოს შეყვარებისა და სიყვარულის სასიამოვნო მღელვარება. აქედან გამომდინარე, ეროსი, ტრანზიტული თვალსაზრისით, სექსუალური აქტივობის ,,წამზომია.“ 

სინასტრიაში, ეროსის ასპექტები სექსუალურ თავსებადობასა და და ორმხრივ ვნებაზე მიუთითებს.

ავტორი: დემეტრა ჯორჯი “ასტეროიდი ქალღმერთები”

SHEN ©

ამ ვიდეოში საუბარია რამხელა დახმარების გაწევა შეუძლია მშობელს ბავშვისთვის როდესაც ის მის კარმულ მიდრეკილებებს, ძლიერ და სუსტ მხარეებს იცნობს მანამდე სანამ ეს ბავშვის ცხოვრებაში გამოვლინდება. ბავშვებისთვის პირადი ნათალური რუქის გაკეთებით ჩვენ შეგვიძლია უამრავი ტრამვა და დაკარგული დრო ავარიდოთ და ხელი შევუწყოთ მის ჰარმონიულ განვითარებას.

*****************************

შემეცნებითი პლათფორმა SHEN.GE წარმოგიდგენთ, ექსპერიმენტალურ პროექტს – ვიდეობითების სერიას ”შენთან” .

‘შენ’ – კონცეფცია უძველესი ფილოსოფიური სწავლებებიდან მრავალ კულტურაში იკვეთება.

SHEN (神) პირდაპირი თარგმანი სულს, უმაღლეს ცნობიერებას ნიშნავს.

”შენ” კონცეფცია მოიცავს პიროვნების ფიზიოლოგიურ, ფსიქოლოგიურ და სოციოლოგიურ ასპექტებს. გზა შენამდე.. ანუ გონების გულის და სხეულის გამთლიანებამდე პროექტის

ავტორი და რეჟისორი: ნინო ტოგონიძე

პროექტის წამყვანი და თანაავტორი: ნიკოლოზ ნავინი (ასტროფსიქოლოგი)

https://shen.ge/

https://www.facebook.com/Nikoloz.astropsychology/

2020 წლის 21 დეკემბერის კოსმოგრამას წელიწადზე მეტია ვაკვირდები და რაც უფრო ახლოვდება ეს დღე უფრო და უფრო მეტი ჯადოსნობა მეხსნება✨  ჩემი უდიდესი სიყვარული ასტროლოგიის, სიმბოლოზმის და მითოლოგიის მიმართ, ჩემს სამყაროს აღქმის პალიტრას უფრო და უფრო მეტ ფერს სძენს. როდესაც მას არა მხოლოდ ერთი ჭრილიდან უყურებ არამედ რამოდენიმე დისციპლინის დახმარებით სინთეზურად აღიქვავ, გეხსნება შრე სადაც სინქრონულობა ყოველდღიური მოვლენა ხდება და თვით სამყარო ხდება შენი მასწავლებელი. 

21 დეკემბრის გარშემო უკვე ძალიან ბევრი ინფორმაციაა ზოგი რას ამტკიცებს ზოგი რას, მე წინასწარმეტყველებისაგან თავს შევიკავებ და მხოლოდ ჩემს დაკვირვებებზე მოგიყვებით, გაჩვენებთ სურათს, რაც სხვადასხვა წერტილების შეერთებით მივიღე და ვთვლი რომ ამ ჭრილში დანახული ეს მოვლენა ძალიან საინტერესოა.

მზებუდობას უძველესი დროიდან მისტიური მნიშვნელობა ენიჭებოდა, ამ დღეს ზღვარი განზომილებებს შორის ყველაზე დათხელებულია, ადამიანები ბევრად გახსნილები ვართ და ვგრძნობთ კავშირს დედა გაიასთან(დედამიწასთან). ამ დღეს ყველაზე მოკლე დღე და ყველაზე ხანგრძლივი ღამეა, ასტრონომიულად სწორედ ამ დღეს იწყება ზამთრის ათვლა, როდესაც „კვდება“ მზე ხოლო სამი დღის შემდეგ განახლებული და უდიდესი სასიცოცხლო ენერგიით გაჯერებული იბადება. წლევანდელი მზებუდობა ჩვენს ცხოვრებაში ალბათ უმნიშვნელოვანესი დღე იქნება რადაგნ მომსწრენი ვხდებით კოსმიური დრამის კულმინაციის – ეპოქალური კარიბჭეს გაღების 👁

2020 წლის 21 დეკენბერის უიშვიათესი პლანეტარული წყობაა კოსმოსში, რომელსაც “დიად შეერთბას” უწოდებენ. ჩვენს მზის სისტემაში, ორი უდიდესი პლანეტა სატურნი და იუპიტერი მერწყულის 0° გრადუსზე ერთდებიან, უძველესი დროიდან ამ პლანეტების შეერთება კოლექტიურ მოვლენებს მოასწავლებდა. ამავდროულად მზე და მერკური ასევე ერთდებიან 0° გრადუსზე თხის რქაში,ამ დროს მარსი კი 22° გრადუსზე იმყოფება ვერძის ნიშანში – ვინც ქირომანტია იცით დამეთანხმებით ეს პლანეტარული კონფიგურაცია ზუსტად შეესაბამება – “კოჰანიმს” (ცნობილი როგორც ღვთიური კურთხევა) თორას მიხედვით, როდესაც აარონმა (მოსეს ძმამ) დალოცა თავის ხალხი მათ გადასცა ღმერთის დაპირება ” მე ჩემს სახელს მათ ხელებზე ავღბეჭდავ და დავლოცავ მათ”.

“კოჰანიმი” ასევე ცნობილია იუდაიზმში როგორც სამღვდელო კურთხევა და დღემდე გამოიყენება სინაგოგებში მსახურების დროს. ასევე ხელის ეს სიმბოლო ებრაულ ასო ש “შინს” აღნიშნავს (ვისაც უფრო სიღრმისეული კავშირების დანახვა დააინტერესებს ამ ბმულზე შეგიძლიათ ნახოთ)

მოკლედ რომ ავღწერო ש შინი კაბალისტური ანბანის 21 ასოა. შინის რიცხვით ღირებულებას 300 წარმოადგენს. 21-ის ციფრებს თუ ერთმანეთს დავუმატებთ, სამს მივიღებთ (2+1). 300-იც, თავის მხრივ, სამს უდრის (3+0+0=3). ასე რომ, ასო ש შინის ფარული ციფრი სამია, რაც როგორც ამას შინის გამოსახულებაშიც ვხედავთ, ასო ש შინის შვერილებს უკავშირდება. შინის სამი შვერელი სამი ალის სიმბოლოს განასახიარებს. ასო შინი ש ცეცხლის სიმბოლოა. 

ეს ფორმა, არაერთ ტრადიციაში,ნეპტუნის(პოსეიდონის)სამკაპითა და შივას ტრიშულათი (სამკბილათი) არის ცნობილი. ესღმერთების იარაღია. ש შინიც სამ მთავარ ძალასთან არის დაკავშირებული, რასაც, ქრისტიანობაში მამა ღმერთი, ძე ღმერთი და სული წმინდა ეწოდებათ. ასევე, ინდუიზმში, სამი ღვთაებრივი საწყისი – ბრაჰმა, ვიშნუ და შივას სახელით არის ცნობილი.

ქირომანტიაში ყველა თითი პლანეტას უკავშირდება როგორც ხედავთ ზემოთ ფოტოზე – მარსი ცერა თითს დასაწყისშია, საჩვენებელი თითი იუპიტერია, შუა თითი სატურნი, არა თითი მზეს ეკუთვნის და ნეკა თითი მერკურს. ეხლა გავაკეთოთ შინის სიმბოლო და დავაკვირდეთ რა ხდება – იუპიტერი და სატურნი ერთდება და მზე და მერკური ერთდება ქვემოთ კი მარსია, ეხლა შევხედოთ კოსმოგრამას – სატურნი და იუპიტერი მერწყულის 0 გრადუსზე ერთდებიან, მზე და მერკური კი თხის რქის 0 გრადუსზე ამ დროს მარსი 22 გრადუსზე,    ვერძში იმყოფება 😳 

ამ ყველაფერს კიდევ ერთი ჩემი საყვარელი სფერო- ტაროლოგია უნდა დავუკავშირო რომელიც უფრო მეტ სიღრმეს სძენს ამ საოცარ დღეს. ტარო ერთ-ერთი ლეგენდით პალესტინაში მოსემ შემოიტანა, როდესაც მან თავისი ხალხი ეგვიპტიდან წაიყვანა (მოსე ხელდასხმული გახლდათ ეგვიპტურ მისტერიებში). პალესტინაში მათ დაემატა კაბალა, საიდუმლო ცოდნა, რომელიც დაფუძნებული იყო ივრითული ანბანის 22 ასოზე. ამის მნიშვნელოვან მტკიცებულებად ითვლება ამ ასოების და მაღალი არკანების რაოდენობის დამთხვევა. ასევე მაღალ არკანებთან აკავშირებენ იოანეს სახარებას, რომელშიც 22 თავია. ივრითული ანბანის 21 ასო შინი ש – არკან “სამჯავროს” უკავშირდება, ამ არკანს ძალიან საინტერესოდ ხსნის ჰაიო ბანცჰაფი წიგნში -“ტარო და გმირის მოგზაურობა” 

ნახატი ტაროზე, აღდგომის სცენას განასახიერებს სადაც  მთავარანგელოზ მიქაელის საყვირზე მიბმული თანაბარ გვერდებიანი დროშა აღნიშნავს სტიქიების ჯვარს, ანუ ჩვენს სამყაროს, საყვირი ნიშანია რომელიც ტანჯვის პერიოდის დასასრულს აღნიშნავს, ხოლო სამი ადამიანი, რომლებიც ოთხკუთხა კუბოდან ღდგებიან, განასახიერებენ ფემინურ და მასკულინურ პრინციპებს – აისისს და ოსირისს და შუაში მესამე მათი ერთიანობის ნაყოფს ჰოროსს. მოდით კიდევ ერთხელ ავხედოთ კოსმოგრამას და დავაკვირდეთ მერწყულის ნიშანში 3° გრადუსზე აისის და ოსირისის ზუსტი შეერთებაა და იქვე ასტეროიდი ჰოროსი 3° გრადუისიანი ორბით 6°გრადუსზე უერთდება მშობლებს 😳

ეს ასტროლოგიური პოზიციები ჩვენი სულიერი ამაღლებისა და მანიფესტაციის უნარების მზარდ დონეებს გამოხატავს. სინათლესა და სიყვარულში გაფართოებასთან ერთად, ჩვენ ვრზდით ჩვენს შემოქმედების უნარს. ტომ კენიონი ჰოროსს ალქიმიურ გასაღებად აღწერს: „ჰოროსი მტაცებელი ფრინველის თავიანი კაცის სახითაა წარმოჩენილი. როგორც აისისის და ოსირისის ვაჟი, ის, სიმბოლურად, სულისა და მატერიის შეერთებას განასახიერებს. არაერთ ანტიკურ კულტურაში, ფემინური პრინციპი (დედა) მატერიად იყო განხილული ხოლო მასკულინური პრინციპი (მამა) სულად განიხილებოდა. ამრიგად, სიმბოლურ დონეზე, ჰოროსი სულისა და მატერიის შეერთების შედეგს წარმოადგენს.“ სული და მატერია ერთიანდებიან, რათა უმაღლეს მეს შეასხან ხორცი.

ქრისტეს შობის ღამესაც “დიადი შეერთება” იყო მოგვებმა სწორედაც იუპიტერის და სატურნის ერთობლივი სინათლით გაიკვლიეს გზა.იგი ტექსტებში მოიხსენიებოდა როგორც”ბეთლემის ვარსკვლავი”. ქრისტიანულ ხატებში ასევე ხშირად ვხდებით თითთა წყობის სიმბოლიკას – რაც უკვე ჩვენთვის კარგად ცნობილ სატურნის და იუპიტერის შეერთებას განასახიერებს. 

ზოგადად უდიდესი პლანეტების 0 გრადუსზე შეერთება კოლოსალური ენერგიაა ახალი ცხოვრების დასაწყებად. ამ პერიოდისთვის უამრავი სული განსხეულდა რაგდან შანსი ეძლეოდა ამ უძლიერეს ენერგეტიკულ ტალღას ცნობიერების მაღალ განზომილებაში აყოლოდა. ეს შეერთება ანეიტრალებს სატურნის და იუპიტერის პრინციპებს (შეზღუდვა – გაფართოებას) და მოცემული ასპექტის მნიშვნელობა – წონასწორობა, საღი აზრი, თვითკონტროლი და თვითგანმტკიცება ხდება, ასევე მზე ასხივებს თავის უძლიერეს ენერგიას მერკურს და გონება ხდება უფრო ნათელი და დაწმენდილი და ფაქიზ სამყაროებთან კომუნიკაცია კი უფრო აღქმადი.

როდესაც სხვადასხვა დისციპლინის დახმარებით სურათს ერთიანობაში აღიქვავ, კოსმიური გონის მიმართ აღტაცება განუზომელია, როგორ შეიძლება ასეთ ჯადოსნობაში ვცხოვრობდეთ და სულიერად გვეძინოს 🙆‍♀️  შემოგვიერთდი 21 დეკემბერს 22 საათსა და 22 წუთზე ერთობლივ მედიტაციაზე! ეს არის უდიდესი გარდაქმნების დასაწყისი ყველა სფეროში – ძველი სისტემის დანგრევა და ახლის შემოსვლა. ეს ტრანსფორმაცია იწყება ადამიანთა ცნობიერებიდან და ვრცელდება და ვლინდება შემდეგ ცხოვრების ყველა სფეროში.

ახალი რეალობა ნატიფ პლანებზე უკვე არსებობს, და საჭიროებს მის გამოვლენას ადამიანთა სიყვარულით აღსავსე ერთიანი ცნობიერების ძალით. ერთადერთი ძალა, რომელიც მართავს დედამიწას და მის მომავალს, არის – ადამიანების გაერთიანებული ცნობიერება, გაერთიანებული გული. ერთობლივი მედიტაციის დროს ჩვენი გულებიდან გადმოსული სინათლე ერთიანდება ერთ უდიდეს ველად, რომელიც სრულიად გარდაქმნის არსებულ რეალობას და თანდათან გამოავლენს, რასაც დავბადებთ ჩევნი გულწრფელი სურვილით და წარმოსახვით. 🖖🏻 

ავტორი: ნინო ტოგონიძე

მითი აისისის და ოსირისი შესახებ კაცობრიობის ისტორიაში ერთერთი უძველესია, იგი მოგვითხრობს ერთგული აისისის შესახებ რომელმაც მთელი დედამიწა შემოიარა, რათა შეეგროვებინა მისთვის უსაყვარლესი ადამიანის ოსირისის სხეულის ნაწილები. 

აისისი და ოსირისი ტყუპი სულები არიან, რაც მითოლოგიურად იმითაა გამოხატული, რომ ისინი ცოლ–ქმარიც არიან და და–ძმაც და, ამდენად, სულის საერთო დნმ–ს ატარებენ. აისისის და ოსირისის მითის თანახმად, ოსირისს მისი მრისხანე ძმა, სეთი, კლავს და ცხედარს ანაწევრებს. ამ მკვლელობით განრისხებული აისისი  მიდის ოსირისის ცხედრის მოსაძებნად, ის პოულობს ყველა ნაწილს და მაგიური კავშირის მეშვეობით შეეცდება მკვდრეთით აღადგინოს. იგი 13-ივე ნაწილის მოძებნას მოახერხებს, მაგრამ ვერ იპოვის მეთოთხმეტე ნაწილს – ფალოსს. მეთოთხმეტე ნაწილს, მაგიის საშუალებით ოქროსგან აღადგენს თოთი. აისისი დაამყარებს მაგიურ კავშირს ოსირისთან და ამგვარად წარმოიშვება შემოქმედებითი ენერგიის ნაკადი, რომელიც ოსირისის მკვდრეთით აღადგენს და მას უკვდავებას მიანიჭებს. ეგვიპტური თვალთახედვით, უკვდავების მიღწევა სწორედ სექსუალური ენერგიის მეშვეობით ხდება. ამ ალქიმიური კავშირის შედეგად იბადება ჰოროსი.

ოსირისის დანაწევრება ჩვენი სულის ფრაგმენტაციის მეტაფორაა. როდესაც გამთლიანების გზაზე ვდგებით, და ნათლად ვხედავთ საკუთარი არსების გახლეჩილობას, ამ პროცესში ამაღლებული ღვთაებრივი ფემინური ენერგია გვეხმარება რომელიც ამ ნაწილებს უპირობო სიყვარულით კურნავს და აერთიანებს – ზუსტად ისე, როგორც აისისმა განკურნა ოსირისის დანაწევრება და, როგორც მისი სულის მეორე ნაწილი, მას შეუერთდა და გამთლიანდა. 

სულიერი გამთლიანება ჩვენი შეხედულებების და რწმენათა სისტემის ცვლილებას მოითხოვს, რათა პირველ რიგში შევძლოთ საკუთარი თავის შეყვარება, თანაგრძნობა და პატიება. მხოლოდ ამის შემდეგ შევძლებთ სხვების შეყვარებას და შიშზე დაფუძნებული, პოლარული აზროვნებიდან გამოსვლას და სულიერ ამაღლებას.

იმ ადამიანებს, ვინც მიიღეს ინიციაცია ან მიაღწიეს სულიერი განვითარების შესაბამის დონეს (განკურნეს სულიერი დანაწევრება და სოციალური პოგრამირება) მათ აისისი და ოსირისის განღმრთობის გზა ერთობისკენ მიუძღვით. ეს არა მხოლოდ შინაგანი ღვთაებრივი ფემინური და მასკულინური ენერგიების დაბალანსებული მდგომარეობაა, არამედ პოლარობის ინტეგრაციაც.

მათთვის, ვინც “ტყუპი სულის” გზას ადგას, ეს პროცესი წარმოადგენს ჩვენი პოლარული ნახევრის და ჩვენი ენერგიების ინტეგრირებას და ურთიერთგადაბმას. ეს მოვლენა პირველ რიგში ხდება შიდა პლანზე რის შემდეგაც აღარ არსებობს განცალკევების შეგრძნება, სწორედ ეს წარმოადგენს გამთლიანებას აქ და ახლა! ეს იმას არ ნიშნავს რომ აუცილებად სტერეოტიპული ურთიერთობა მაშინვე მატერიალიზდება, მაგრამ ეს მნიშვნელოვანი ცვლილებაა ცნობიერებაში და წარმოადგენს პორტალს ჩვენს უმაღლეს მესთან დასაკავშირებლად.

დჯედი ანტიკური ეგვიპტური სიმბოლოა, სვეტის ფორმის, რომელიც ოსირისის ხერხემალს განასახიერებს.(რატომღაც მგონია რომ ჯორჯ ლუკასმა ჯედაის ინსპირაცია სწორედ აქედან მიიღო : ) დჯედი მთავარი ენერგეტიკული არხია ე.წ. ფუძის ჩაკრადან ე.წ. გვირგვინოვან –ჩაკრამდე. ეს კუნდალინის გზაა. ოსირისი დჯედის სვეტია, აისისი კი გამააქტიურებელი ენერგია. ღვთაებრივი ფემინური და ღვთაებრივი მასკულინური ენერგიების გაერთიანება დჯედში კარიბჭეს გვიხსნის უფრო მაღალი განზომილებებისკენ, ააქტიურებს ჩვენს სინათლის სხეულებს და აფართოვებს და ამაღლებს ჩვენს ცნობიერებას. სინათლის ეს გაფართოება კი უმაღლეს მეს საშუალებას აძლევს, უფრო მეტად შეერწყას ფიზიკურ სხეულს. განწმენდის ინტენსიური პროცესი, ხელსუწყობს და აჩქარებს ამ გარდასახვას, რათა სხეულს შესაძლებლობა მიეცეს,უფრო მეტი სულის სინათლე დაიჭიროს.

ასტროლოგიურად ეს პერიოდი უმნიშვნელოვანესია ეცადეთ თქვენი ცხოვრება, სხეული და გონება გაწმინდოთ ყველაფერი იმისგან რაც აღარ ემსახურება თქვენს განვითარებას. 2020 წლის 21დეკემბერს მერწყულის ნიშანში 3° გრადუსზე აისის და ოსირისის ზუსტი შეერთებაა ეს ენერგია უფრო ინტენსიურდება იმის გათვალისწინებით, რომ იქვე ასტეროიდი ჰოროსი 3° გრადუისიანი ორბით 6°გრადუსზე უერთდება მშობლებს, ეს კი ადასტურებს, რომ კოლექტიური ცნობიერების ამაღლებას ექნება ადგილი. ეს შეერთება ნამდვილად საოცარი მოვლენაა რადგანაც აისისის და ოსირისის ღვთიური კავშირი მესამე ენერგიას წარმოშობს, რაც მითში, ჰოროსის დაბადებით აღინიშნება.  

ეს ასტროლოგიური პოზიციები ჩვენი სულიერი ამაღლებისა და მანიფესტაციის უნარების მზარდ დონეებს გამოხატავს. სინათლესა და სიყვარულში გაფართოებასთან ერთად, ჩვენ ვრზდით ჩვენს შემოქმედების უნარს. ტომ კენიონი ჰოროსს ალქიმიურ გასაღებად აღწერს: „ჰოროსი მტაცებელი ფრინველის თავიანი კაცის სახითაა წარმოჩენილი. როგორც აისისის და ოსირისის ვაჟი, ის, სიმბოლურად, სულისა და მატერიის შეერთებას განასახიერებს. არაერთ ანტიკურ კულტურაში, ფემინური პრინციპი (დედა) მატერიად იყო განხილული… მასკულინური პრინციპი (მამა) სულად განიხილებოდა. ამრიგად, სიმბოლურ დონეზე, ჰოროსი სულისა და მატერიის შეერთების შედეგს წარმოადგენს.“ სული და მატერია ერთიანდებიან, რათა უმაღლეს მეს შეასხან ხორცი და ჩვენი ოცნებები რეალობაში გადმოიტანონ.

ასტეროიდ აისისის მნიშვნელობას რამდენიმე შრე აქვს, რაც ადამიანის კარმულ გამოცდილებაზეა დამოკიდებული. ზოგადად ასტეროიდები ნატალურ რუკაში, მხოლოდ მას შემდეგ მუშაობს, როდესაც ადამიანი სულიერი განვითარების გარვეულ დონეს მიაღწევს, სულიერად მთვლემარე და პასიური ადამიანები იშვიათად განიცდიან ოკულტური თემების ასტეროიდთა ეფექტებს თავიანთ რუკებში (ძალიან ძლიერ ტრანზიტებს ზოგჯერ შეუძლიათ ცნობიერების პროვოცირება, რომ ადამიანმა სულიერი თემების ასტეროიდთა ეფექტების შეგრძნება დაიწყოს).

მათთვის, ვინც ანტიკური ეგვიპტის ხანიდან მოყოლებული , განმეორებითი ინკარნაციების მქონე სულებს წარმოადგენენ, აისისი წარსული ცხოვრების კარმული ვალების დასტურს უზრუნველყოფს ანტიკურ ეგვიპტეში, რასაც საქმე აქვს სამეფო კართან, მისტერიის სკოლებთან და ჰერმეტულ სიბრძნესთან; აისისზე ამბობენ, რომ იგი მისტერიების ინიციაციებზე პასუხისმგებელი ქალღმერთია.

მათთვის, ვისი ინკარნაციები უფრო რენესანსიდან ან მოდერნული ხანიდან იღებს სათავეს, აისისი მათ სულიერ გამოღვიძებას განასახიერებს „ღვთიური ფემინური“ენერგიის მეშვეობით – მათ მიერ ხელოვნების ფორმის, სიმბოლიზმისა და იმის აღმოჩენას, თუ როგორაა მათში ღმერთის შეცნობის წყურვილი გამოხატული. აქ პირდაპირი კორელაცია გვაქვს „კუნდალინის“ ვედურ ეზოთერულ კონცეფციასთან, სადაც შაქტი კაცობრიობაში ლატენტურად არსებულ ღვთაებრივ ფემინურ ძალას წარმოადგენს, რომელიც, როცა ღმერთის მარადიული სული სწყურია, მაღლდება, რათა „შივას“ ცენტრს (ოსირისი) შეხვდეს ჰიპოფიზთან.

მათთვის, ვისი სულებიც ატლანტიდანაა, აისისი იმ სულების მფარველია, რომლის დახმარებითაც ატლანტიდას განადგურების შემდეგ სხვადასხვა კონტინენტზე გადარჩენილთა რეკონსტრუქცია და რეაბილიტაცია მოხდა. ამ შემთხვევაში, აისისი, ქალღმერთია სირიუსის ვარსკვლავთა სისტემიდან.   

ინკარნაციის ისტორიისა თუ გეოგრაფიისგან განურჩევლად, ყველა ადამიანისთვის ასტეროიდი აისისი ტვინის მარჯვენა ნახევარსფეროს საუკეთესო თვისებებს განასახიერებს – თანაგრძნობას, იტუიციას, შინაგან ცნოდნას და რაც მთავარია, გნოზის/თვით–რეალიზების შესახებ.

აისისი ჩვენი ღვთაებრივი ფეინური არქეტიპის ენერგიებს წარმოადგენს – ოსირისი კი ღვთაებრივ მასკულინურ სიბრძნეს. მათი შეერთება ნატალურ რუკაში, ფემინური და მასკულინური ენერგიების ბალანსის თვალსაზირისით, უაღრესად განვითარებულ სულზე მეტყველებს. 

აისისი და ოსირისის კავშირი სინასტრიაში, შესაძლოა, იმას მიანიშნებდეს, რომ, დიდი ალბათობით, თქვენ ტყუპი სულები ხართ და ამ ინკარნაციაში სულის გამთლიანების შესაძლებლობა გეძლევათ.

ნატალურ რუკაში ამ წყვილი ასტეროიდების, შეერთება, პრაქტიკულად, 99%-იანი გარანტიაა, რომ ამ იკნარნაციაში, სულ მცირე, ერთ სულიერი დონის ურთიერთობას ექნება ადგილი. ასე რომ, აისისის და ოსირისის, ეროსისა და ფსიქეას, შივასა და პარვატის შეერთების ნებისმიერი ასპექტი ინდივიდისთვის ძალიან პოზიტიურ მოვლენას წარმოადგენს. 

რათა გავიგოთ, რა ადგილი უჭირავს ამ ყველაფერს თქვენს ნატალურ რუკაში, ეწვიეთ ვებგვერდს astro.com და შეიყვანეთ თქვენი დაბადების დეტალები. შემდეგ, Free horoscopes რომ ჩამოშლით შეხვალთ Extended chart selection, გვერდის სულ ბოლოში, additional objects -ის ქვეშ მარჯვენა მხარეს manual entry-ს ფანჯარაში ჩაწერთ აისისისთვის 42, ოსირისისთვის კი 1923. როცა ამ რიცხვებს შეიყვანთ, შეგიშლიათ რუკა დააგენერიროთ! გადახედეთ თქვენი ცხოვრების რა ასპექტებზე მოქმედებენ აისისი და ოსირისი? მომწერეთ კომენტარებში და ერთად განვიხილოთ ☯︎⚕︎

© SHEN

ყოველთვის განსაკუთრებით მხიბლავდა ივნისის თვე, ჯერ კიდევ რომ არ ცხელა მაგრამ სასიამოვნოდ თბილა – ბევრი მზე, ფეხშველა სიარული..ბედნიერი მცენარეები : ) მოგვიანებით როცა ასტროლოგია შემიყვარდა აღმოჩნდა რომ ივნისს სახელად იუპიტერის ცოლის ქალღმერთ იუნონას სახელი ერქვა, იგი ერთგულების, ქორწინების და ზოგადათ ყველანაირი პარტნიორობის მფარველია. იუნონა (ჯუნო) ნატალურ რუკაში ჩვენს შინაგან ანიმას განასახიერებს. ჩემი ნატალური იუნონა კირჩხიბში აღმოჩნდა, საკუთარი გამოცდილებაზე დაკვირვებით სოწორედაც რომ ჩემი ანიმას ანუ კირჩხიბის თვისებების ბიჭები მომწონდა მთელი ცხოვრება და თუ ამ ყველაფერს მე-6 არკანსაც დაუმატებთ ივნისი სიყვარულის თვე ყოფილა და ტყუილადაც არ მხიბლავდა თურმე : ))

იუნონას მითოლოგია

იუნონა, კანონიერ ქორწინებაში მყოფი ორი ქალიდან ერთ-ერთი იყო ოლიმპოზე. მეორე ვენერა AKA აფროდიტე გახლდათ : ) მაგრამ თუ ვენერამ ერთბაშად უგულვებელყო ქორწინების ფიცი, იუნონას, როგორც ზევსის/იუპიტერის ცოლს, ეთაყვანებოდნენ თავისი ლოიალობისა და ერთგულების გამო. იუნონა საბერძნეთში ჰერას სახელით იყო ცნობილი, რაც ლათინური ძირიდან, he ra–დან მოდის და ,,დედამიწას” ნიშნავს, თუმცა თარგმნილია, ასევე, როგორც ,,ქალბატონი” – ,,გმირის” (“hero”) ფემინური ვერსია. ის წარმოჩენილია, როგორც ლამაზი და დიდებული ქალი, დიადემათი შეკრული თმით (გვირგვინით, რომელიც განასახიერებს Horae-ს – სეზონთა ქალღმერთებს) და თავის უკანა მხრიდან გადმოფენილი ვუალით. ფარშევანგის და, ხშირად, ცისარტყელას თანხლებით, მარცხენა ხელში ბროწეული ეჭირა (რაც მისი, როგორც მიცვალებულთა ერთ-ერთი პირველი ქალღმერთის, იდენტიფიცირებას ახდენს), მარჯვენაში კი გუგულით დაგვირგვინებული სკიპტრა. 

რომაელთა თანახმად, ყოველი კაცი შინაგანად მუდმივ რეპროდუქციულ ძალას ატარებდა, სახელად genius-ს, ხოლო ყოველი ქალი თავის juno-ს (იუნონა) ფლობდა – ბავშვის ჩასახვისა და გაჩენის ძალას. juno-ს (იუნონანას) ღირსებები ქალღმერთ იუნონაში ჩაისახა, ბავშვის გაჩენისა და დედობის მფარველში. Juno Lucretia-ს სახით, ის ციური სინათლის ფემინურ პრინციპად იქცა, ხოლო Juno Lucina-ს სახით, ის დაბადების ქალღმერთს განასახიერებდა, რომელიც ბავშვს სინათლეში მიუძღვის.

მიუხედავად ამისა, იუონანას ყველაზე მნიშვნელოვანი ფუნქცია გათხოვილი ქალების მფარველობაში მდგომარეობდა. იუნონა კანონიერი ქორწინების ყველა რიტუალსა და საორგანიზაციო საკითხს თაოსნობდა. ივნისი, მეექვსე თვე წმინდა იყო მისთვის და დღემდე, არაერთი ქალი თავის კურთხევას ,,ივნისის/იუნონას პატარძლის” რანგში ეძიებს. ამასთან, იუნონა ქალის რეპროდუქციულ ციკლსაც განაგებდა, ხოლო, როგორც კალენდრის ქალღმერთი, მენსტრუალურ ციკლს დროის კანონზომიერი სვლის სიმბოლოდ იყენებდა. შესაბამისად, რომაელი ქალები მას Calends-ის დროს – მთვარის ყოველი თვის პირველ დღეს – სცემდნენ თაყვანს.     

იუნონას ასტროლოგია

როგორც ის წერტილი მანდალაზე, სადაც ფემინური პრინციპი მასკულინურთან ერთიანდება, იუნონაც ურთიერთდაკავშირებულობის პრინციპს განასახიერებს. ერთგული, სერიოზული ურთიერთობის მეშვეობით, ის ცდილობს სრულქმნილი და დაბალანსებული ერთობის განსხეულებას. ამდენად, იუნონას ძლიერი, მმართველი ხასიათის ასოციაციაციები აქვს სასწორსა და მორიელთან – ქორწინებისა და საქორწინო სქესობრივი აქტის ნიშნებთან. 

ნახევარ-სექსტილის ასპექტი სასწორსა და მორიელს შორის ამ ორ ნიშანს ერთმანეთთან აკავშირებს, თუმცა ეს გარკვეულ კონფლიქტსაც გულისხმობს, რაც მათი განსხვავებული რესურსების გაერთიანებისა და გამოყენების მცდელობაში გამოიხატება. ანალოგიურად, იუნონას მთავარი ფრუსტრაცია მდგომარეობდა მის უუნარობაში, მისი და იუპიტერის ქორწინებაში არსებული პოტენციალის სრული აქტუალიზება მოეხდინა.  

იუნონას ფსიქოლოგიური ფუნქციის უკეთ გაგება მაშინაა შესაძლებელი, თუ მას მის თანამგზავრთან, ვესტასთან კონტრასტში განვიხილავთ. ორივე ქალღმერთი ვენერას სექსუალურ ენერგიას იყენებს, თუმცა ძალიან განსხვავებული მიზნებისთვის. ვესტა, სექსუალური ურთიერთობების შემდეგ, კვლავ თავის იდენტობაში იძირება. ის ქალწულია, საკუთარი თავით სრულქმნილი. მეორე მხრივ, იუნონა, სერიოზული ურთიერთობების მეშვეობით, თავის სექსუალობას პიროვნული იდენტობის ტრანსცენდეტირებისთვის იყენებს. ამრიგად, იუნონა ქალწულის სრულ ქალურ ფაზაში გარდაქმნას განასახიერებს. ის არის ტრანზიცია ქალწულის ,,თვითობიდან” “Hera Telia”-მდე – პატარძლისა და პარტნიორის სრულყოფილ მდგომარეობამდე.

იუნონა სრული მისტიკური კავშირის წადილს განასახიერებს, რომელიც დამაკმაყოფილებელია როგორც ემოციურად, ისე სექსუალურად და ფსიქოლოგიურად. იუნონას ისტორიის ზოგი ვერსიის მიხედვით, ის ძალდატანებით მიათხოვეს იუპიტერს, თუმცა სხვა ვერსიების თანახმად, მან განზრახ თქვა თავის ძალაუფლებაზე უარი, რათა gamos-ის (,,ქორწინების”) სრულყოფილი განხორციელება განეცადა. მაგრამ იუპიტერს მისი იდეალები და მოლოდინები არ გაუმართლებია. იუპიტერმა მიიღო იუნონას ძალაუფლება და სუვერენიტეტი, მერე კი ის მონოგამიაში გამოამწყვდია, აუკრძალა რელიგიური პრაქტიკები, დაეხმარა ქალღმერთის კულტების განადგურებაში, ტრაბახით გამოავლინა ორგულობა და თავისი შვილები მის გარეშე შექმნა. ,,ზევსი აღარაა ტელეიოსი – ,,სრულქმნილების მომტანი” – ჰერასთვის, არამედ უფრო მისი ატელეიოსია – ,,სრულქმნილების დამანგრეველი.” ” იუნონას განსაცდელი მისი ქორწინების ღრმა კავშირის დარღვევაში უნდა ვეძიოთ. შესაბამისად, ის ეჭვიანობის პათოლოგიას გამოხატავს – იმ ჯანმრთელი იუნონას დამახინჯებულ ასპექტს, რომელიც თანამედროვე ფსიქეას გადაეცა.

აქედან გამომდინარე, ასტროლოგიურად, იუნონა განასახიერებს ღრმად ერთგული და სამართლიანი ურთიერთობის მოთხოვნილებას ისევე, როგორც ტანჯვასა და ნევროტულ კომპლექსებს, რაც ამ ურთიერთობის რღვევისა თუ მასზე უარის შემთხვევაში აღმოცენდება.

იუნონა, როგორც ურთიერთობის მომასწავებელი

ჰოროსკოპში, იუნონა იმ ემოციურ და ფსიქოლოგიურ მოთხოვნილებებს განასახიერებს, რომლებიც საქორწინო კავშირის მოტივაციას აღგვიძრავს. სხვა ფემინური ასპექტები, როგორიცაა ნაყოფიერება, სექსუალობა, ბავშვის გაჩენა და აღზრდა, გაცილებით ნაკლებ მნიშვნელოვანია იუნონასთვის, ვიდრე მისი მოთხოვნილება, მეორე ადამიანს შეერწყას. ამდენად, ის ინდივიდები, – როგორც ქალები, ისე კაცები – რომელთაც რუკებში იუნონა გამოკვეთილი აქვთ, სერიოზული ურთიერთობებისკენ მიმავალი გზისკენ არიან მიდრეკილნი. ისინი ცხოვრებას მუდმივად მეშვიდე სახლის გაკვეთილების გათავისებაში გადიან, რომლებიც მათ სხვა ადამიანებთან თანამშრომლობის, კომპრომისის, გაგებისა და ჰარმონიის განვითარებას ასწავლით.   

იუნონა, ზოგადად, პარტნიორს (ან იმ თვისებებს, რასაც პარტნიორს მივაწერთ) წარმოადგენს, მაგრამ სხვა ფაქტორებისდა მიხედვით, ასტეროიდმა, შესაძლოა, განასახიეროს ნებისმიერი ერთი-ერთზე ახლო ურთიერთობა, როგორიცაა მასწავლებლისა და მოსწავლის, თერაპევტისა და კლიენტის, ბიზნეს-პარტნიორებისა თუ მეგობრების ურთიერთობა. ამასთან, როცა იუნონა ,,მნიშვნელოვან პარტნიორს” გულისხმობს, არ არის აუცილებელი, წყვილი კანონიერ ქორწინებაში იყოს, როგორც ეს მითის შემთხვევაში მოხდა., ცვალებადი სოციალური ადათების დღევანდელ სამყაროში, ნებისმიერი თანაცხოვრება, იქნება ეს ჰეტეროსექსუალური თუ ჰომოსექსუალური, იუნონას ურთიერთობად კვალიფიცირდება. 

ტრანზიტის თვალსაზრისით, იუნონა ურთიერთობათა ჩასახვის ეტაპს განასახიერებს ისევე, როგორც კრიზისისა და განშორების პერიოდებს. ის ფლირტის, ნიშნობის, ქორწინების, ქორწინების იუბილეთა და განქორწინების რიტუალებს განაგებს. სინასტრიაში, იუნონა თავსებადობის და კარმული კავშირის მთავარი ინდიკატორია. ამდენად, იუნონას, როგორც ურთიერთობის მომასწავებლის, გამოყენება ამარტივებს რუკის ანალიზის პროცესს და ძირეულ ინფორმაციას იძლევა, რომელთა მოპოვება ურთიერთობის ტრადიციული მმართველებისგან (ვენერა, მარსი, მზე, მთვარე და მეხუთე, მეშვიდე და მერვე სახლების გადაკვეთები) არ არის შესაძლებელი.

იუნონას და მთვარისა და ვენერას გამოხატულებებში, როგორც ეს რუკის ტრადიციულ ინტერპრეტაციებშია მოცემული, ასტროლოგებმა, შესაძლოა, მსგავსებები დაინახონ. ეს მსგავსებები არსებობს, ვინაიდან მთვარე ფემინური ენერგიის საფუძველია, ვენერა კი მთვარის აქტიურ სექსუალურ გამოხატულებას წარმოადგენს, საიდანაც იუნონა აღმოცენდება. მიუხედავად ამისა, იუნონა მთვარე-ვენერას ენერგიის სპეციფიკურ დიფერენციაციას წარმოადგენს, რაც მისი, როგორც ცოლისა და პარტნიორის, როლით არის გამოვლენილი.

იუნონას ერთგულება

როგორც მითოლოგიის განყოფილებაშია მოცემული, იუნონა ურთიერთდაკავშირებულობის უნივერსალურ, სამმაგ ციკლს გამოხატავს, რომელიც პარტნიორთან ერთიანობისა და მასთან განშორების თანშობილ რიტმს განასახიერებს. ქალის ცხოვრების სამ ცალკეულ სტადიასთან ერთად, იუნონას სამი ასპექტი – Parthenia (ქალიშვილი), Teleia (პატარძალი) და Chera (ქვრივი) – გულისხმობს იმ ბუნებრივ რიტმს, რომელიც მის ქორწინების მდგომარეობას ახლავს. იუნონა ციკლურად აღიდგენს თავის ქალწულობას პატარძლის აბაზანაში ან წმინდა ნაკადულში, რათა, როგორც პატარძალი, საქორწინო სქესობრივი აქტისთვის მოემზადოს. ეს ციკლი კულმინაციას აღწევს იუპიტერთან კონფლიქტსა და განშორებაში, მერე კი იუნონა იზოლირდება და იმალება. იუნონას განშორებაში უკან დაბრუნებისა და შერიგების იმედია ნაგულისხმევი.   

ფემინურობის, როგორც პარტნიორისა და ცოლის, ფსიქიკური განვითარების სიმბოლოდ შეიძლება, ქალღმერთების, ლილითის, იუნონასა და ფსიქეს თანმიმდევრული სტადიები გამოვიყენოთ. მართალია, ლილითმა ადამთან გადაწყვიტა დაქორწინება, მან, კონფლიქტის აღმოცენებისას, მისი დატოვება ამჯობინა და დაქვემდებარებულ ცხოვრებას იზოლაცია და მარტოობა არჩია. იუნონამ დაიწყო ურთიერთობა და, მართალია, ჭეშმარიტი ბედნიერებისა და კმაყოფილებისთვის არასდროს მიუღწევია, მან აჩვენა მზაობა, კონფლიქტების მოგვარების მიზნით, განშორებიდან უკან დაბრუნებულიყო. ამ ერთგულებამ შეუქმნა საფუძველი ფსიქეას, განეხორციელებინა სულიერი ერთობა თავის საყვარელთან, ეროსთან.  

ამდენად, იუნონა ასტროლოგიურად მოასწავებს სერიოზულ ურთიერთობას, საიმედოობას, ლოიალობას, ერთგულებასა და, განქორწინების და დაბრუნების კონტექსტში, ურთიერთობაში დარჩენის მზაობას. 

იუნონას ოკულტური სწავლებანი

ოკულტურ დონეზე, იუნონა ერთგულ ქორწინებაში, სექსუალური ენერგიის სპირიტუალურ გამოყენებას გვთავაზობს. საწოლი იუნონას ტაძრის ცენტრში, სიმბოლოა ქორწინების შემდგომი სქესობრივი აქტის რიტუალური განსხეულებისა. იუნონა ფლობს სექსის ტანტრული პრაქტიკებისა და სრულქმნილების მდგომარეობის საიდუმლო სწავლებებს, რომელთა რეალიზებაც ამ გზის გაყოლითაა შესაძლებელი.  

ჭეშმარიტად ოკულტური თვალსაზრისით, ქორწინება ტრანსცენდენტურობის გზაა, რომელიც ეგოს განცალკევებულობის ტრანსფორმაციას ახდენს უფრო დიდ მთელში. საქორწინო ცერემონია წმინდა რიტუალია, რომელიც განცალკევებულ მე-ებს მესამე საზრისში აერთიანებს და ბევრი ქიმიური რეაქციის მსგავსად, ეს პროცესიც შეუქცევადია. იუნონას სპირიტუალური ნიჭი თითოეულ პარტნიორს საშუალებას აძლევს, ქორწინების კავშირი გამოიყენოს პლატფორმად, რითაც ყოველგვარი სიცოცხლის მომცველი ღვთაებრივი სიყვარულის ერთობაში შეაბიჯებს.

იუონონას ფსიქოლოგიური თემები

ურთიერთდაკავშირებულობის პრინციპი

ურთიერთობა, როგორც თვით-გამოხატვა / თავისუფლება და თანასწორობა / ინტიმურობა და გაზიარება / ორმხრივი ნდობა და გაგება / ურთიერთობათა ახალი ფორმების შექმნა

პათოლოგია ურთიერთობაში

ორგულობა / ეჭვიანობა / დაქვემდებარებულობა / ღალატი / ემოციური მიჯაჭვულობა და მესაკუთრეობა / ემოციური და სექსუალური ძალაუფლების თამაშები / პროექცია და რეფლექსია / ძალაუფლების დათმობა / ძალაუფლების აღდგენის მცდელობა / იდენტიფიკაცია პარტნიორის ან შვილების მეშვეობით / უკამყოფილო ქალი / უჩინარი მანიპულაციები / ფემინური ეშმაკობები

ოკულტური თემები

ტანტრული სექსუალობა / სულიერი პარტნიორები / ქორწინება, როგორც ალქიმიური ერთობა / სპირიტუალური ურთიერთობები

ტრანსფორმაციის თემები

განშორება და დაბრუნება

ავტორი: დემეტრა ჯორჯი “ასტეროიდი ქალღმერთები”

SHEN ©

კარლ იუნგი მითებს ,,კაცობრიობის დიდ სიზმრებს“ და ,,კოლექტიური არაცნობიერის არქეტიპებს“ უწოდებდა. არქეტიპები აზროვნების ფუნდამენტური, უნივერსალური ფორმებია, რომლებიც ადამიანის ცნობიერებისთვის ნებისმიერ დროს არის ხელმისაწვდომი. პლანეტებსა და ასტეროიდებს სწორედ ამ პირველყოფილი ძალების შესატყვის ღვთაებათა სახელები ჰქვიათ. რომ გავიგოთ, როგორ მოქმედებენ ასტეროიდები, საჭიროა, მათთან ასოცირებული მითები განვიხილოთ.

მითის მნიშვნელობის ინტერპრეტირება რამდენიმე დონეზეა შესაძლებელი. გარეგან დონეზე, მითები ზეპირ თქმულებებს წარმოადგენენ ჩვენი წარმომავლობისა და ისტორიის შესახებ, ვინაიდან მათი გადმოცემა თაობიდან თაობაზე ხდებოდა. დამწერლობამდე და, ცხადია, ბეჭდური პრესის გამოგონებამდე, მითი და ზეპირი სწავლებები დაგროვილი ცოდნის შენახვის მთავარი საშუალება იყო. მითის განვითარებისა და ცვლილებისთვის თვალის მიდევნება ანტიკურ ისტორიულ ეპოქებთან დაკავშირებით ბევრ რამეს ხდის ფარდას. კულტურაში მიმდინარე ზრდისა და ცვლილებათა პერიოდების გამო, ერთი და იმავე მითის სხვადასხვა ვერსია გვხვდება. მართალია, მკვლევრები ჩაიკარგნენ უსასრულო დებატებში, თუ მითის რომელი ვერსიაა სარწმუნო, მაგრამ ფაქტია, რომ, ხშირ შემთხვევაში, ყველა თქმულება ჭეშმარიტია და არც ერთი არის ექსკლუზიური.

იმ მითის განვითარების პროცესი, რომელიც მოცემული ეპოქის მიმდინარე მოვლენებს ეხმიანება, გვაჩვენებს, რომ ამ მითის ყოველი ხელახალი მოყოლა კაცობრიობის ცნობიერების პროგრესულ განვითარებას ასახავს დროის შესაბამის მონაკვეთებში. ღვთაებათა განვითარებადი ბუნების კრიტიკული ცვლილებები ადამიანური პოტენციალის გამოხატვის მნიშვნელოვან განვითარებაზე მეტყველებს. ასე, მაგალითად, ერთ–ერთ თხზულებაში, აღწერილია ქალღმერთი პალას ათენას სიბრძნე, რომელიც მამამისის, იუპიტერის გვირგვინის ჩაკრადან აღმოცენდება. ეს მითი გვიამბობს, რომ ფემინური პრინციპის გამოხატვა, იმხანად, ცვლილებას განიცდიდა: თუ ნაყოფიერების ქალღმერთის ღვთაებრივი შემოქმედებითი ენერგია მხოლოდ გენიტალიების საშუალებით ვლინდებოდა და პროკრეაციული ფუნქცია ჰქონდა, ახლა ფემინური ენერგიის გამოხატვა თავის მეშვეობითაც ხდებოდა. ამ ცვლილებამ განხორციელება ჰპოვა ფემინური ენერგიის ახალ შესაძლებლობაში, რომელიც შემოქმედებითი ინტელექტის გამოხატვასა და იდეათა დაბადებაში მდგომარეობს.

მითის დამახინჯება

ისტორიულად, რადგანაც მითოლოგიური ღვთაებები ყოველი მომდევნო პოლიტიკური ან რელიგიური დინასტიის ყალიბს ერგებოდნენ, ისინი შესაბამისადვე იცვლებოდნენ და შესაბამასიდავე იყვნენ წარმოჩენილნი კაცობრიობის თვალში. მათი ადრეული მახასიათებლები ან დავიწყებას ეძლეოდა, ან კი განზრახ ხდებოდა მათი უგულვებელყოფა, მით უფრო, თუ იმჟამინდელი წესრიგისთვის რაიმე საფრთხეს წარმოადგენდნენ. ერთია, როცა არქეტიპული ენერგია ნორმალური ევოლუციური განვითარების ჭრილში განიცდის ცვლილებას, მაგრამ სულ სხვაა, როცა ცვლილებას კონიუნქტურის დამახინჯება განსაზღვრავს. ამგვარი დამახინჯების მაგალითს წარმოადგენს კუროს პრეცესიული ეპოქიდან ვერძისაზე ტრანზიცია. ამ პერიოდში, მთვარეზე დაფუძნებული (მთვარე კუროშია გამოხატული) მატრიარქალური, სასოფლო–სამეურნეო საზოგადოებები მზეზე დაფუძნებული (მზე ვერძშია გამოხატული) პატრიარქალური და მომთაბარე საზოგადოებებით ჩანაცვლდა. დედამიწის ქალღმერთის დომინაციამ ცის ღმერთის დომინაციას დაუთმო გზა. ქალღმერთთა ძალაუფლების შემცირების კვალდაკვალ, მათი ფუნქციებიცა და აქტივობებიც შემცირდა. როცა ქრისტეშობამდე დაახლოებით 1100 წელს ოლიმპოს მითოლოგია აღმოცენდა და იუპეტერი ზეციური სამყაროს უზენაეს ღმერთად მოგვევლინა, ქალღმერთები უწინდელი დიდების მკრთალ აჩრდილებად იქცნენ. ბევრ შემთხვევაში, მათი როლები მათი საწყისი ბუნების საპირისპიროდ იქნა განსაზღვრული. მაგალითად, ანტიკური შუმერის ქალწულმა ქურუმებმა, რომლებიც რიტუალურ სექსუალობას რელიგიური ღვთისმოსაობის სახით ასხამდნენ ხორცს, პატრიარქალური კულტურის მეშვეობით მუტაცია განიცადეს, რომაულ ვესტალ ქალწულებად იქცნენ და ქორწინებისგან თავშეკავების აღთქმა დადეს.

სამწუხაროდ, ფემინური ღვთაებების ეს დამახინჯებული იმიჯები თანამედროვე ფსიქიკაში ჩაიბეჭდა. შესაბამისად, თავდაპირველი არქეტიპის გამოხატვა დაითრგუნა და დამახინჯდა. ამ პათოლოგიამ თავი იჩინა ფრუსტრაციაში, უბედურებასა და დაავადებებში, რომლებიც თანამედროვე ფსიქიკაში არსებობს, განსაკუთრებით, როცა საქმე ფემინურ ბუნებას ეხება. მაგალითად, ასტეროიდი ვესტა პიროვნებაში, შესაძლოა, სექსუალური შიშის, გულგრილობის და გაუცხოების სახით გამოვლინდეს. ეს შიში ახსნადია, როცა აღმოვაჩენთ, რომ ერთი პერიოდი, ტაძრის ქალწულ ქურუმებს ეკრძალებოდათ სექსუალური მისწრაფებები, აღთქმის დარღვევის შემთხვევაში კი მათ ცოცხლად მარხავდნენ.

მართალია, თავდაპირველი ქალღმერთის ბუნების ადრეული ვერსიები ღრმადაა ჩაფლული ისტორიული მიწის ფენებში და, ასე თუ ისე, მიუწვდომელია ცნობიერი გონებისთვის, ისინი მაინც აგრძელებენ არსებობას კოლექტიურ არაცნობიერში.

„არაცნობიერი, შეიძლება, ითქვას, ორ შრეს აერთიანებს: პიროვნულსა და კოლექტიურს. პიროვნული შრე ბავშვობის პირველ მოგონებებში სრულდება, მაგრამ კოლექტიური შრე მოიცავს ბავშვობამდელ პერიოდს, სხვა სიტყვებით – წინაპართა ცხოვრების ნარჩენებს. მაშინ, როცა პიროვნული არაცნობიერის მოგონება–ხატები ერთგვარად შევსებულია იმის გამო, რომ ისინი ინდივიდის მიერ პიროვნულად განცდილ იმიჯებს წარმოადგენს, კოლექტიური არაცნობიერის არქეტიპები არაა შევსებული, ვინაიდან ეს ფორმები არ არის პიროვნულად განცდილი. მეორე მხრივ, როცა ფსიქიკური ენერგიის რეგრესს აქვს ადგილი, – თვით ადრეული ბავშვობის მიღმა რომ მიდის და წინაპართა ცხოვრების მემკვიდრეობაში იჭრება, – მაშინ მითოლოგიური იმიჯები ცოცხლდებიან: სწორედ ისინი წარმოადგენენ არქეტიპებს.“

ეს იმას როდი ნიშნავს, რომ იმას ვუბრუნდებით, რაც იყო. რეგრესი არა მხოლოდ შეუძლებელი, არამედ არასასურველიცაა. მიუხედავად ამისა, არქეტიპული იმიჯის სუფთა ან საწყისი არსის მკაფიო დანახვას შეუძლია, გამოაცოცხლოს მიმდინარე ტრანსფორმაციული პროცესის სულიერი მუშაობა ამ ტრანზიტულ ხანაში.

მითის ფუნქცია თერაპევტულ პროცესში

მითის უფრო ღრმა ან ,,საიდუმლო“ მნიშვნელობის ძიება არქეტიპულ მოდელთა დინამიკის ილუსტრირებას წარმოადგენს – მოდელებისა, რომლებიც არაცნობიერად მართავენ ადამიანთა ცხოვრების დრამებს. მითები ცხოვრების ფუნდამენტურ სცენარებს განასახიერებენ, რომლებიც საკუთარ თავს გამოხატავენ და სწორედ ამ გზით არიან კაცობრიობისთვის ხელმისაწვდომნი. რამდენადაც ინდივიდები ამ მითებს სიცოცხლეში ახორციელებენ, მათ არქეტიპთა არაცნობიერი ენერგიები ინდივიდთა ცნობიერებამდე მიჰყავთ. იუნგი ამ პროცესს ინდივიდუაციად მოიხსენიებდა, ხოლო ძველ ხალხში ის ,,ინციაციის“ სახელით იყო ცნობილი. აქედან გამომდინარე, ნატალურ რუკაში არსებული პლანეტარული თემების ცოდნით მიღებული ინფორმაცია ინდივიდის პიროვნული მითოლოგიის შესახებ ამ ინდივიდს დაეხმარება, უფრო ცნობიერად გაიროს საკუთარი ბედისწერის გზა.

მაგალითად, ცერერას მითში მოთხრობილია მისი ქალიშვილის, პერსეფონეს დაკარგვისა და შემდგომ ამ უკანასკნელის პლუტონთან ნაწილობრივი გაზიარების შესახებ. ამდენად, ცერერა–პლუტონის ასპექტები პიროვნულ რუკაში ხშირად ცხოვრების იმ გაკვეთილებს მიუთითებს, რომელიც შვილების დაკარგვასა და მათ სხვებთან გაზიარებას უკავშირდება. პროგრესის ტრანზიტის მეშვეობით ამ თემის გააქტიურება, შესაძლოა, ბავშვის მეურვეობასთან დაკავშირებულ გადაწყვეტილებებს მიგვანიშნებდეს. აქ, ჩვენ ვხედავთ, რომ ამ მითის კრიტიკული მომენტი შეესატყვისება ინდივიდის ცხოვრების იმ მომენტებს, რომლებიც საჭიროს ხდის გადაწყვეტილების მიღებასა თუ მოქმედების დაწყებას.

მიუხედავად ამისა, ხშირ შემთხვევებში, ინდივიდმა, შესაძლოა, ფიქსირება განიცადოს მითოლოგიური პროცესის კონკრეტულ მომენტზე და ქცევის ჩვეული მოდელების გამეორებას მიჰყოს ხელი, რომლებიც უარყოფითი ან არაპროდუქტიულია. ყოველ ჯერზე, როცა ცნობიერი გადაწყვეტილებისთვის გვერდის ავლა ხდება, ინსტინქტური არაცნობიერი მოდელები ღრმავდება. ,,გარდაქმნის ციკლების“ ავტორის, ალექსანდერ რუპერტის სიტყვებით, ,,ის, რაც ბავშვობაში უბრალო ჩვევა იყო, მოგვიანებით მახედ იქცევა, ბოლოს კი საფლავად.“

მაგალითად, შეგვიძლია, დავაკვირდეთ ფემინურობის განვითარებას პარტნიორის ან მეუღლის როლში. საწყისი ფაზაზე ‘ლილითმა’ (მცირე ფემინურმა ასტეროიდმა) ურთიერთობა წამოიწყო, შეეჩხა პრობლემებს და დატოვა ეს ურთიერთობა. შუამავალ ფაზაში ‘იუნონამაც’ წამოიწყო ურთიერთობა, ისისც წააწყდა პრობლემებს, მაგრამ გააგრძელა ურთიერთობაში ყოფნა. სრულყოფილი ფაზაში კი ‘ფსიქემაც’ დაიწყო ურთიერთობა მაგრამ ტრანსფორმაციული პროცესის მეშვეობით, სრულქმნა სულიერი კავშირის ფორმა. ხშირად, ბლოკი ამ პროცესში, ‘ლილითის’ სტადიაზე ხდება. ამ ფაზაში, ურთიერთობის კონფლიქტებთან გამკლავებას ინდივიდი გაქცევით არიდებს თავს. ამგვარი თავის ამრიდებლური ქცევა ხელს უშლის მოძრაობას, შემდგომი ეტაპების გავლასა და საბოლოო გამოხატულების პოვნას ფსიქეას ფაზაში.

ამდენად, მითოლოგიის ცოდნით, თერაპევტს, ასტროლოგსა თუ კონსულტანტს შეუძლია არქეტიპული ფიქსაციების ამოცნობა და განთავისუფლებისკენ მიმავალი გზის გამონახვა. თუ თერაპევტი გზამკვლევად პლანეტარულ მითებს გამოიყენებს, ის შეძლებს კლიენტის ბლოკთა ბუნების აღმოჩენას, განკურნვის პროცესის ხელშეწყობასა და ამ პროცესის მიყვანას მის ბუნებრივ და ჰარმონიულ ფინალამდე. აქედან გამომდინარე, პირადი ნატალური რუკა უზრუნველყოფს დიაგნოზს, მითსა და განკურნებას.

ბოლო ოთხი–ხუთი ათასი წლის განმავლობაში, ქალღმერთის ძალაუფლება ღრმა ძილის მდგომარეობაშია. ასტეროიდების აღმოჩენასთან ერთად, ფემინური ენერგია, სულ მცირე, გააქტიურდა და გამონთავისუფლდა ჩვენს ცნობიერში. ასტეროიდების შესწავლით, მათთან მუშაობის გზით და ჭეშმარიტი არქეტიპული სახე–ხატების აღდგენით, ასტროლოგებს შეუძლიათ, დაეხმარონ კაცობრიობას ორივე სქესში არსებული ფემინური და მასკულინური პრინციპების შინაგანი ბალანსის აღდგენაში.         

ისტორიულად, კოსმოსურ სივრცეში პლანეტარული სხეულების აღმოჩენა, მათთვის სახელების მიცემა და მათი იდენტიფიცირება ადამიანის ცნობიერების ევოლუციურ ნახტომებსა და თანამდევ კულტურულ ცვლილებებს ემთხვევა. მაგალითად, 1781 წელს ურანის – თანასწორობისა და თავისუფლების პლანეტის – აღმოჩენამდე სულ ცოტა ხნით ადრე, კაცობრიობა ამერიკისა და საფრანგეთის რევოლუციების მომსწრე გახდა. როცა 1846-ში მისტიციზმისა და ილუზიის პლანეტა ნეპტუნი აღმოაჩინეს, აღმოცენება იწყო ისეთმა იდეალისტურმა მოძრაობებმა, როგორიცაა ტრანსცენდენტალიზმი და სპირიტუალიზმი. 1930 წელს, მასობრივი ტრანსფორმაციის პლანეტის, პლუტონის იდენტიფიცირების კვალდაკვალ, კოლექტიური კეთილდღეობის განცდის გაჩენამ და ბირთვული ეპოქის ჩასახვამ კაცობრიობა სიკვდილ–სიცოცხლის არჩევანის პირისპირ დააყენა. ყოველი ახალი ციური სხეულის აღმოჩენა მოასწავებდა, რომ კაცობრიობა მზად იყო შესაბამისი პლანეტისთვის დამახასიათებელი არქეტიპული პრინციპის აქტივირებისა და ინტეგრირებისთვის. 

ასტეროიდები – დიდწილად მარსისა და იუპიტერის ორბიტებს შორის განთავსებული ციური სხეულების სარტყელი – 1800-იანების დასაწყისში აღმოაჩინეს. პირველ ოთხ იდენტიფიცირებულ ასტეროიდს სახელები დიდ ანტიკურ ქალღმერთთა საპატივცემულოდ დაარქვეს: ცერერა, პალას ათენა, იუნონა და ვესტა. მითოლოგიური თვალსაზრისით, ეს ქალღმერთები რანგით ღმერთებს, იუპიტერს, ნეპტუნსა და პლუტონს უტოლდებოდნენ. ვესტა, ცერერა და იუნონა იუპიტერის, ნეპტუნისა და პლუტონის დები იყვნენ, დაბადებულნი ტიტანი ღმერთი სატურნისა (კრონოსი) და რეას კავშირის შედეგად. ახალი ცის ღმერთის, იუპიტერის საყვარელი ქალიშვილი პალას ათენა კი იუპიტერმავე ჩასახა და იუპიტერისვე თავიდან დაიბადა. სიმბოლურად, ეს ოთხი ასტეროიდი არქეტიპული ფემინური პრინციპის ასპექტებს წარმოადგენს, რომლებიც დღეს მასობრივ ცნობიერებაში იჩენენ თავს (არქეტიპი აზროვნების უნივერსალური ფორმაა, პროტოტიპი, პირველყოფილი ხატი, რომელსაც ღრმად აქვს ფესვი გადგმული ადამიანთა კოლექტიურ ფსიქიკაში).

ასტეროიდებამდე, ფემინურობას ნატალურ რუკაში მხოლოდ მთვარე და ვენერა გამოხატავდნენ. სოციალურად მისაღები როლები ქალებისთვის იყო მთვარე, როგორც დედა, და ვენერა, როგორც პარტნიორი. ამ ინტერპრეტაციამ შეცვლა მე-19 საუკუნეში დაიწყო, ქალის სახელებიანი ოთხი ასტეროიდის აღმოჩენისა და ქალთა მოძრაობის აღმოცენებასთან ერთად, რომელსაც სიუზან ბ. ენთონი და ელიზაბეთ ქეიდი სტენტონი ედგნენ სათავეში, და რომელიც საზოგადოებრივ ცხოვრებაში ქალების ჩართულობის გაზრდას ისახავდა მიზნად. მაგრამ ამ ძალისხმევას ნაყოფი 1970-იანების დასაწყისამდე არ გამოუღია; ეს პერიოდი ელინორ ბაქის მიერ ასტეროიდთა პირველი ეფემერიდების გამოქვეყნებას ემთხვევა. იმ მომენტისთვის, ფემინური გამოხატულების ახალი ასპექტები სრულად შეჭრილიყო კაცობრიობის ცნობიერებაში. ქალებში ჩაისახა შემოქმედებისა და ინტელექტის იმგვარი შესაძლებლობები, რომელიც ცდებოდა დედისა და ცოლის ტრადიციულ როლებს. შედეგად, საზოგადოება მოწმე გახდა ქალების ფართო ინტეგრირებისა ისეთ დარგებში, როგორიცაა პოლიტიკა, ხელოვნება, განათლება, სპორტი და სხვა პროფესიული კარიერები. ეს, აგრეთვე, იყო პერიოდი, როცა ხელახლა აღმოაჩინეს ქალების ისტორია და ქალთა სპირიტუალობაში ქალღმერთი გააცოცხლეს.

ცერერა, პალას ათენა, იუნონა და ვესტა მიძინებული ფემინურობის ამ ახალ ხმებს განასახიერებენ – ხმებს, რომლებიც ბოლო დროს გააქტიურდნენ და დღეს ძალაუფლებას, აღიარებას, სამართლიანობასა და თანასწორობას ითხოვენ ჩვენს საზოგადოებაში.

მნიშვნელოვანია, ხაზი გავუსვათ, რომ ეს ფენომენი მარტო ქალებით არ შემოიფარგლება. ფემინური გამოხატულების ახალ ასპექტთა გამოღვიძებას თანაბრად მძლავრი გავლენა აქვს კაცებზეც. თუ ქალები თავიანთ ტრადიციულ როლთა გამოვლინებებს ცვლიან, კაცები რეაგირების ახალ მოდელებს იმუმაშავებენ ტრანსფორმირებული ქალებისთვის. ძველი მოდელები დღეს უკვე აღარაა მისაღები და კაცებს მოლოდინებისა და როლების ახალი კომპლექტები მოეთხოვებათ.

წარსულში, თავიანთივე ემოციის, ზრუნვისა და მგრძნობიარობის ფემინური თვისებების პროეცირებას კაცები ქალებზე ახდენდნენ. ასტეროიდების სახით წარმოდგენილი ფემინური ცენტრების ბოლოდროინდელი აქტივაციის კვალდაკვალ, კაცები ერთგვარ წნეხსა და წახალისებას განიცდიან, რომ თავადაც ,,ფლობდნენ“ ამ თვისებებს და ივითარებდნენ მათ. შესაბამისად, კაცების სულ უფრო მზარდი ოდენობა უარს ამბობს ,,მაჩოს“ სტერეოტიპულ იმიჯზე და აღიარებს და გამოხატავს თავის ინტუიციურ და მგრძნობიარე მე–ს. დღეს,

ეს საკითხი მდედრობითისა და მამრობითის ჩარჩოს სცდება. ფემინურობის აღორძინება ცნობიერების გაფართოების ზოგადი მოძრაობის საძირკვლად იქცა, რომელიც ადამიანის ტვინშია ასახული. ფსიქოლოგთა თანახმად, ჩვენს ტვინს მარცხენა და მარჯვენა ნახევარსფეროების ფუნქციები გააჩნია. მარცხენა ნახევარსფერო ინფორმაციის სტრუქტურირებასა და ორგანიზებას წრფივი კონცეპტუალური ათვლის სისტემის ფარგლებში ახდენს. ეს რაციონალური ლოგიკური აქტივობა მასკულინური ან იან პოლუსია და ყველაზე მეტად თავს იჩენს თანამედროვეობის ანალიტიკურ, ტექნოლოგიურ ინტელექტუალიზმში. მეორე მხრივ, მარჯვენა ნახევარსფერო უკავშირდება და ამუშავებს მიზეზ–შედეგობრივ მიმართებებს მოკლებულ, გამოცდილებაზე დაფუძნებულ ინფორმაციას. მას ტვინის ინტუიციურ, არტისტულ და ფარდობით ნახევარსფეროდ მოიხსენიებენ – ფემინურ ან ინ პოლუსად.

ასტეროიდები თავიანთი მითოლოგიური სახელწოდებებით გამოხატულ ფემინურ არქეტიპს შეესაბამებიან. არსებითად, ფემინურობა უკავშირდება სამყაროს ყოვლისმომცველ ძალას, რომელიც არის მიმღები, ნაყოფის მატარებელი და სიცოცხლის მიმცემი. გლობალურ დონეზე, ასტეროიდების აღმოჩენა იმ სამშობიარო ტკივილებს ეხმიანება, რომელსაც კაცობრიობა განიცდის ახლა, როცა მერწყულის ეპოქას ვუახლოვდებით.

ასტეროიდები და პლანეტარული ტრანსფორმაცია

მერწყული ჯგუფური აზროვნების და პლანეტარული ცნობიერების ნიშანია. ამჟამად, ჩვენ ვართ პერიოდში, რომელსაც ასტროლოგები ,,ეპოქალურ ტრანზიციას“ უწოდებენ. ეს ტრანზიცია თევზებისა და მერწყულის ეპოქებს შორის ინტენსიური ტრანსოფრმაციის ხანაა. ამ ფაზის დროს, 2200-წლიანი ციკლის ენერგიას მომავალი ეპოქის ენერგია ანაცვლებს. უკეთ რომ გავიგოთ, როგორ მოქმედებს ეს ტრანსფორმაცია, წარმოვიდგინოთ, რომ ენერგია, რომელიც ისტორიის ჩვენეულ გამოცდილებას ქმნის, მოგზაურობს ტალღაში, რომელსაც ჩვენ დროს ვუწოდებთ. მსგავს ტრანზიტულ პერიოდებში, ტალღის ამპლიტუდასა და სიხშირეში ცვლილება ხდება (იხ. სურათი 1-1). ზუსტად ისე, როგორც ოკეანეს აქვს ტალღების ციკლური რიტმი, ასეთივე ციკლები აქვს ისტორიასაც. როგორც ოკეანის გარკვეული ოდენობის ტალღები განსაკუთრებით დიდები არიან, ასევეა ისტორიაშიც: მის გარკვეულ მონაკვეთებში, ჩვენ ცვლილების ,,ექსტრა დიდ“ ტალღას ვიღებთ, რაც კვანტური ნახტომის სახელითაა ცნობილი. ინტენსივობის ამგვარ ცვლილებას საზოგადოება წნევის, დაძაბულობისა და ცვლილების ტემპის მატების სახით განიცდის იქამდე, ვიდრე საკმარისი ენერგია არ წარმოიშობა, რომ ცნობიერებაშიც მოხდეს კვანტური ნახტომის პროვოცირება.    

ეს ფენომენი მნიშვნელოვან ცვლილებებს იწვევს ჩვენს საზოგადოებრივ წესრიგში და ახალ კულტურულ გამოცდილებებს უკაფავს გზას. არა მხოლოდ ასტროლოგები, არამედ ფილოსოფოსებიცა და ადამიანური პოტენციალის თეორეტიკოსებიც თვლიან, რომ კაცობრიობის ცნობიერება კვანტური ნახტომის ზღვარზეა. მაგალითად, კომპიუტერი (რომელსაც მერწყული მართავს) ინფორმაციულ აფეთქებას მოასწავებს, რაც ფიზიკურად მოქმედებს ადამიანის ტვინის ინფომრაციის გადამამუშავებელ შესაძლებლობაზე. აქამდე, ადამიანები ალბათ ტვინის უჯრედთა სადღაც 13%-ს იყენებდნენ აქტიურად. ამ ინფორმაციული აფეთქების კვალდაკვალ, ზოგი ადამიანი ინფორმაციის გადამუშავებას იმ სიჩქარით იწყებს, რაც მნიშვნელოვნად აღემატება ტვინის ამჟამინდელ შესაძლებლობებს. ისინი ახალ ცენტრებს ,,აღვიძებენ,“ ეს კი, თავის მხრივ, ელექტროქიმიურ დონეზე, აზროვნების იმგვარ ნეირონულ სტრუქტურებს ქმნის, რომლებიც ზრდის ტვინის ფსიქიკური ინფორმირებულობის უნარებს. ეს ცვლილებები და ტვინში მოქმედი ახალი ცენტრები შეესატყვისება ადამიანის ცნობიერებაში ასტეროიდების აღმოცენებას.

ჩვენ გლობალური ტრანსფორმაციის ისტორიულ ეპოქაში ვცხოვრობთ. რაც უფრო ვუახლოვდებით მერწყულის ხანას, კაცობრიობა, როგორც მთლიანი, მით მეტად განიცდის შესაძლებლობას, ხელახლა დაიბადოს კოლექტიურ ცნობიერში. ამ პერიოდში, ჩვენ შევძლებთ, გავაცნობიეროთ მერწყულის ძმობის, დობისა და პლანეტარული ოჯახის იდეალები ასევე მერწყულისეული დაბნეულობა, რომელიც თან ახლავს ანარქიას, ქაოსსა და თავზეხელაღებულ გაქცევას ახლისაკენ ძველის გონივრული ინტეგრაციის გარეშე; მოჭარბებული აქცენტი ინდივიდუალობაზე, რომელიც უარყოფს სხვებთან კავშირს.

ემოციური ტრანსფორმაციული კრიზისები ცვლიან ჩვენს ფსიქოსპირიტუალურ ვიბრაციებს ისე, რომ შესაძლებელი ხდება, ჩვენი ინდივიდუალური ინტენსივობა ჰარმონიაში მოვიყვანოთ სპირიტუალურ ბირთვთან, რომელიც მთელ სამყაროსთან რეზონირებს. ცერერას, პალას ათენას, იუნონასა და ვესტას პოზიციები ჩვენს ნატალურ რუკებში ასახავს ჩვენს პირად გზას, რითიც ამ ცვლილებებზე შეგვიძლია, ვიმოქმედოთ.ჩვენ ისტორიის ტრანზიტულ სტადიაზე ვართ. ასტროლოგებს კი ასტეროიდები იმიტომ სჭირდებათ, რომ ტრადიციული პლანეტები უბრალოდ ვერ ხსნიან ამ ახლად წარმოქმნილ საკითხებს. მიზეზი მარტივია: ეს საკითხები ზედმეტად ახალია (მართალია ისიც, რომ წარსულში, ცალკეულ ინდივიდებს, შეზღუდულ დონეზე, გამოუვლიათ ეს საკითხები, მაგრამ არა ისეთ მასობრივ დონეზე, როგორც დღეს ხდება). სწორედ ის ფაქტი, რომ ფემინურობასა და მასკულინობას შორის არსებულ ბალანსთან დაკავშირებული საკითხები ბევრისათვის, დღეს, მნიშვნელოვანია, ამ ტრანსფორმაციას როგორც ინდივიდუალურ, ისე საზოგადოებრივ მოვლენად აქცევს.        

ასტეროიდები, როგორც პირადი ტრანსფორმაციის აგენტები

ფემინურობის პრინციპის არსის სიმბოლო მთვარეა. როგორც ფიზიკური მთვარის მოძრაობის ბუნება არის ციკლური და მისი ზრდა–კლების ფაზები მიქცევათა მიმართულებაზე აისახება, ზუსტად ასევე უკავშირდება ასტეროიდი ქალღმერთების მთავარი მოძღვრებები წასვლა–მოსვლის ციკლებს. ეს ტრანსფორმაციის ციკლის სახელითაც არის ცნობილი. ასტეროიდები არა მარტო იმ ახალ არქეტიპულ პრინციპებს უკავშირდებიან, რომლებიც ამჟამად აქტივირებულია და ინტეგრირებული ფსიქიკაში, არამედ ისინი ინდივიდთა ტრანსფორმაციულ პროცესში აქტიური აგენტების ფუნქციასაც ასრულებენ.

ასტეროიდები მოქმედებენ, როგორც მაკავშირებელი რგოლები პიროვნულ და კოლექტიურ ცნობიერს შორის. ეს კავშირი სამი სიმბოლური სისტემით არის გამოხატული: ზოდიაქოს ნიშანთა ციკლით, პლანეტარული პოზიციებით მზის სისტემაში  და თანავარსკვლავედებით.

1) პირველი ფორმა ზოდიაქოს ნიშანთა ციკლის მეშვეობით ვლინდება.

ეზოთერულ დონეზე, ეს ციკლი ასახავს ადამიანის ცნობიერების ზრდასა და განვითარებას. ეს ევოლუციური პროცესი ვერძში იწყება ინდივიდუალიზირებული ცნობიერების დაბადებით – ,,მე“-თი, როგორც დამოუკიდებელი, უნიკალური, თავისუფალი ერთეულით – და მთავრდება თევზებში ინტუიციური ცოდნით, რომ ინდივიდი უფრო დიდი მთლიანის უჯრედოვანი კომპონენტია. შუაში არსებული ნიშნები გამოხატავენ პროგრესულ სტადიებს ვერძიდან თევზებისკენ.

პირველ ხუთ პიროვნულ ნიშანში, ვერძის ჩანასახოვანი ცხოვრების ნაპერწკალი გამოიხატება კუროს ფიზიკურ სხეულში, ტყუპების მენტალურ სხეულში, კიბოს ემოციურ სხეულში და სრულყოფილ ფორმას აღწევს ლომის შემოქმედებით ექსპრესიულობასა და რეპროდუქციულ ძალაში. ბოლო ოთხი კოლექტიური ნიშანი – მშვილდოსანი, თხის რქა, მერწყული და თევზები – ასახავენ ინდივიდის ფუნქციონირებას უფრო ფართო საზოგადოებრივ კონტექსტში. მშვილდოსანი უზრუნველყოფს წვდომას კოლექტიურ ცოდნასთან, თხის რქა – კოლექტიურ სტრუქტურებში მონაწილეობასთან, მერწყული – კოლექტიურ იდეალებსა და ხედვებთან, ხოლო თევზები – თანაგრძნობასა და ემპათიასთან, რაც ერთიანობის განცდიდან წარმოიქმნება.