ინსპირაცია

რა იგულისხმება სინთეზურ აზროვნებაში, როდესაც მხოლოდ ინტელექტუალურ ცოდნას და გამოცდილებას კი არ ეყრდნობი არამედ ზეცნობიერიდან ჩამოგაქვს ცონდა და უმაღლესი გონებიდან უმდაბლეს ინსტიქტებით შეიგრძნობ, აქ უკვე სწავლობ კითხვების დასმას და სამყაროში გაშვებას და პასუხებს იღებ სხვადასხვა გამოვლინებებით: მუსიკით, თითქოს ტექსტები პირდაპირ შენ გველაპარაკება ამ დროს გრძნობ რომ ფაქიზი გზავნილია რადგან ამ შეგრძნებას მუდმივად თან ახლავს იდუმალი ბიძგი რომ დეტალებს მიაქციო ყურადღება, ციფრული კოდებით, ცოხოველთა ტოტემით, სიზმრებით და აშ.

თუკი ჩვენ შინაგან ხმას მუდმივად ვაჩუმებთ, ისე რომ მისი უკვე აღარც კი გვესმის, თვალებში ცეცხლი ჩაგვიქვრა და ბიორობოტად ვიქეცით, ჩვენი აუსრულებელი და რეპრესებული სურვილები კი დემონებათ იქცნენ რომლებსაც მთელი ცხოვრება გავურბივართ, უბრალოდ უნდა შევჩერდეთ, შემოვბრუნდეთ, თვალებში ჩავხედოთ და გავიცნოთ ისინი : ) დავაკვირდეთ რატომ გაჩნდენ ეს დემონები ჩვენს ცხოვრებაში ჩავყვეთ ძირეულ მიზეზებს, ვის მივყიდეთ საკუთარი სულის ნაწილი? საზოგადოების აზრს? კარგ სამსახურს? მშობლებს? 

მაგალითად მე მთელი ცხოვრება ვებროძოდი სიგარეტს რომელიც ძალიან პატარა ასაკიდან შემიყვარდა, ის ჩემთან ერთად იყო როცა სევდიანი ვიყავი, როცა მიხაროდა როცა მიმძაფრებდა არასიფხიზლეს, მაგრამ ამასთანავე ვგრძნობდი რომ საშინლად მინგრევდა ჯანმრთელობას და ვცდილობდი მომეშორებინა ჩემი ცხოვრებიდან, მაგრამ რაც უფრო ვებრძოდი უფრო ძლიერდებოდა სურვილი, ათასი სტრატეგია და ტექნიკა მოვიფიქრე მის დასავიწყებლად მაგრამ არაფერმა არ იმუშავა ყოველი შებრძოლების მერე უფრო და უფრო ძლიერდებოდა ჩემი სიყვარული მის მიმართ : ) ამ თემაზე ცალკე დავწერ უფრო ვრცალდ მაგრამ აქ მოკლედ გეტყვით როგორ დამთავრდა ჩვენი ურთიერთობა : ) ის თითონ გაქრა ჩემი ცხოვრებიდან როდესაც შევწყვიტე ზოგადად ჩემ თავთან ბრძოლა, როდესაც უბრალოდ დავიწყე ამ ჩვევაზე დაკვირვება რა იყო, რისგან შედგებოდა როგორ მუშაობდა და ზოგადათ როგორ მოქმედებდა ჩემს ცნობიერებაზე, სწორედ ეს არის პროგრამის დანგრევა ან დამუშავება ასევე ძაან მომწონს ტერმინი გადახარშვა რადგან პირდაპირ გამოხატავს ამ პროცესს.

სწორედ ამიტომაა ყველაზე მთავარი ცეცხლის ელემენტთან (შესაბამისად გონებასთან) მუშაობა. იოგა და ნებისმიერი სხვა ფსიქიკური ტრეინინგები, ფსიქოტექნიკები ან სულიერი პრაქტიკები საბოლოოდ მიმართულია იმაზე, რომ ეს ელემენტი განავითაროს ადამიანში. ეს ძალიან მნიშვნელობანი ელემენტია, რომელიც ეხმარება ადამიანს, გადახარშოს ყველაფერი რაც მის თავს ხდება. თუ გონება ძლიერი მაქვს, შხამი არ დაგროვდება. პირიქით, რაც განვიცადე ენერგიად და ძალად გარდაიქმნება. მოგცემს შესაძლებლობას რომ წინ იარო. ყველაფერი ‘ცუდის’ მიზეზი ადამიანის სუსტი გონებაა და ამ ‘ცუდის’ მონელების შეუძლებლობაა. თუ სწორად გადავხარშავ, რაც არ უნდა შეგემთხვეს, შენთვის საბოლოოდ სასარგებლო გახდება.

ავტორი: ნინო ტოგონიძე

ავტორი: 22 33 

ბერძნულ მითოლოგიაში გაია იყო უპირველესი ქალღმერთი,ნედლი, მატერიალური ენეგიისა. თავდაპირველად არსებობდა მხოლოდ უსაზღვრო ქაოსი, ბუნდოვანი ეთერი, ჰესიოდეს მიხედვით იგი პირველად თავისთავად გამოეყო ქაოსს და შვა ურანოსი, მთები, პლანეტები და ყველა სიცოცლხლის ფორმა რაც დედამიწაზე არსებობს. იგი შემოქმედის ფემინური ასპექტია ჩვენი უნივერსალური დედა რომელიც უპირობოდ ზრუნავს ჩვენზე. იგია გამოხატული ბუნების ყველა ქმნილებაში ყოველ მცენარეში თუ ცხოველში. კაცობრიობის განვითარებამ უდიდესი დისბალანსი შეიტანა სამყაროს ჰარმონიულად არსებობაში, რადგან იგი კოლექტიურად უფრო მასკულინური ხაზით პროგრესირდა.

სამყარო ორი ფუნდამენტური ენერგიისგან შედგება მასკულინური და ფემინური იგივე ინ და იან ერეგიები, როგორც კომპიუტერულ პროგრამირებაში ვიყენებთ 1 და 0 ასევე ‘ინ’ და ‘იან’ ენერგიები წარმოადგენს ჩვენი სამყაროს კოდირების ენას.ეს ძალიან ფაქიზი ენერგიებია და მისი აღქმა ადამიანების ურმრავლესობას უჭირს. ინ ენერგია სუბსტანციაა იანი კი მოძრაობა, მაგალითად ზღვა ინ ენერგია ხოლო ტალღები იანი.ეს ორი განუყოფელი დაამავედროს ურთიერთსაწინააღმდეგო და ურთიერთკომფლიქტური ძალები არსებობენ ყველა მოქმედებაში. ისინი სიმბოლიზირებენ ორ საწინააღმდეგო ენერგიას, რომლებიც თავიანთი მონაცვლებლობით და ურთიერმოქმედებით წარმოადგენენ სამყაროს დინამიკას. ეს სიმბოლიკა მეტყველებს, რომ რეალობა შედგება ურთიერთსაწინააღმდეგო ზემოქმედებითა და ურთიერთ საწინააღმდეგო პრინციპებით. „ინი“ და „იანი“ ერთმანეთზე დამოკიდებულნი არიან. ქმნიან რა მუდმივ მოძრაობას, ვიბრირებენ ისე, როგორც ტალღა და ხელს უწყობენ ურთიერთჰარმონიას, როგორც ქალი და მამაკაცი არიან პარტნიორები სიცოცხლესა და სიყვარულში. „ინი“ და „იანი“ არა მარტო საწინააღმდეგონი არიან, არამედ ისინი ჰარმონიულად ავსებენ ერთი მეორეს. „ინი“-სა და „იანი“-ს ურთიერთმოქმედება განიხილება, როგორც უსასრულო სიკვდილის და სიცოცხლის ციკლური პროცესები. ჯამრთელი სხეული დაფუძნებულია სრულყოფილ წონაწორობაზე ინსა და იანის შორის. ხოლო როდესაც ბუნებისგან შექმნილი ეს ბალანსი ირღვევა, ჩნდება ავადმყოფობა. 

სწორედ ასე დაავადდა ჩვენი კოლექტიური ცნობიერება რადგან ჩვენ ასწლეულების მანძილზე რეპრესირებას ვუკეთებდით ინ ენერგიებს, მუდმივად ომის რეჟიმში ვიყავით, იდეოლოგიებზე და პროგრესსზე ორიენტირებულები, მუდმივად სამსახურზე და გემებზე კონცენტრირებულები. დაუმორჩილებელი სიხარბიე და კონსუმერიზმი ჩვენი უსაყვარლესი დედამიწის ხარჯზე გადაგვქონდა. დავაზიანეთ ეკოსისტემა, შევარყიეთ კლიმატი რათა ბოლომდე გამოგვეწოვა ბუნებრივი რესურსები. უპასუხისმგებლო სამომხმარებლო პრაქტიკის შედეგად ათასობით არსება ვაზარალეთ. ღარიბი უფრო ღარიბდებდებოდა რადგან კორპორატიული ინტერესები საზოგადოებრივ აზრზე მოქმედებს რათა პოლიტიკის ფორმირება მოახდინოს, რომელსაც სარგებელი მხოლოდ მდიდრებისთვის მოქონდა. ჩვენ გვეზიზღებოდა და გვეშინოდა იმის რაც არ გვესმოდა, ჩვენ ჩვენი უსაშინლესი თვისებების პროექცირებას ვახდენით ჩვენივე ‘მტრებზე’ რათა მათზე ძალადობა გაგვემართლებინა, სხვების ხარჯზე ჩვენი რესურსების მარაგს ვზრდით და ვზრდით, ვაიგნორებთ სხვა ადამიანების ტანჯვას და დაუფიქრებლად ვაგრძელებდით ჩვენი პლანეტის, ქვეყნის და ქალაქების დაბინძურებას. ეს პრობლემა მარტო დასავლეთის ან აღმოსავლეთის არ იყო, ამ პრობლემაში ყველანი ვმონაწილეობდით ჩვენი უმოქმედობით! 

დღეს რაც ხდება ჩვენს გარშემო ჩვენი კოლექტიური ცნობიერების ანარეკლია.ჩვენ ჩვენი ინდუსტრიული ზრდით და პოლარული განვითარებით გადავიქეცით დედამიწის სიმსივნედ. ეს ვირუსი კი მისი ანტისხეულებია რომელიც მის განკურნებას ემსახურება.

ჩვენ ემოციებზე წინ ინტელექტი დავაყენეთ, სხეულზე წინ გონება, თანამშრომლობაზე წინ იერარქია, უპირობო სიყვარულზე წინ თაყვანისცემა, სიბრძნეზე წინ იდეოლოგია, ბუნებაზე წინ სოციალური სტრუქტურები, ეკოლოგიაზე წინ ეკონომიკა, ერთიანობაზე წინ იზოლაცია და რეალურზე წინ იდეალური.. 

ამ სამყაროში კანონზომიერება უპირველესია, ვინც კოსმოლოგიას და ციკლებს შეისწავლის მისთვის ეს მოვლენები სურპრიზრს არ წარმოადგენს. 10 იანვარს უდიდესი სტელიუმი შედეგა თხის რქის თანავარსკვლავედში რომელიც უდიდესი რყევების მომტანი იყო მაშინ ჩემ ამ სტატაიაში დავწერე კიდეც კაცობრიობას კარმა დაუბრუნდებათქო. პლუტონის და სატურნის შეერთება ყოველთვის უდიდესი ტრანსფორმაციების და ცვლილებების მომტანი იყო და მაგალითებიც მაქვს მოყვანილი.

თუკი დროზე არ გამოვფხიზლდებით და არ გავიაზრებთ რასაც უკვე ასე უმკაცრესად გვაჩვენებს სამყარო როგორც კიბოს ისე მოგვკვეთავს ბუნების ძალები დედამიწას. სატურნი ჩვენი დიდი მასწავლებელი გვიწესებს სოციალურ შეზღუდვას რათა კოლექტიურად ინ(ფემინური) ენერგიების ინტეგრაცია მოვახდინოთ. იგი პირველ რიგში გვასწავლის შეჩერებას, დაფიქრებას, თანაგრძნობას, მოთმინებას, გვასწავლის ბუნების დაფასებას და მასთნ ჰარმონიულად ცხოვრებას, გვასწავლის გონების გაჩერებას და გულის მოსმენას, ინტუიციის განვითარებას და უმთავრესად სამყაროს სულის amina mundi-ის შეცნობას და პატივისცემას.

თბილისის დროით ეს ხდება 5 აპრილს, დილის 6:45. არ გავუშვათ ეს შანსი ხელიდან და შევუერთდეთ გლობალურ მედიტაციას მსოფლიო მაშტაბით. ამ დროს მილიონამდე ადამიანი, მსოფლიოს სხვადასხვა კუთხიდან, ერთდროულად იმედიტირებს დედამიწისთვის.მნიშვნელობა არა აქვს, მედიტირებ თუ არა. თუ პირველად აკეთებ, შეგიძლია გიდირებული მედიტაციას მიჰყვე:  https://www.youtube.com/watch?v=zG2MmmiUJ-Y

სასწაული არის დედამიწა, სასწაული არის მისი ბუნება, მისი არსი, სასწაულები ვართ ჩვენ და შეგვიძლია მასობრივი საწაული მოვახდინოთ.

მედიტაციის დეტალები:

გთხოვ ხელი შეუწყო ამ ინფორმაციის გავრცელებას, გააზიარე, მოიწვიეთ მეგობრები, გაუგზავნე პირად შეტყობინებებში, თუ გაქვთ ბლოგი ან იუთუბ ჩენელი დაწერე ან ჩაწერე ვიდეო.

სიყვარულით.

მოუსმინოთ გაიას, მოვეფეროთ და გული გავუღოთ ჩვენს უნივერსალურ დედას.

ძალიან სიმბოლურია და არ შემიძლია რომ არ აღვნიშნო რომ დღეს დედაჩემის დაბადების დღეა, გილოცავ დედა, შენ ჩემთვის ყოველთვის უდიდესი ინსპირაცია იყავი ნამდვილი ქალურობის, შენ მასწავლე უპირობო სიყვარული, თავმდაბლობა და მოთმინება ❤️

მთარგმნელი: ლიკა მარღანია

წყარო: MAGMA

ყველაფრის თეორია ათენესგან

ნაწილი 1 – სოციალური ნევროლოგია

განსაკუთრებით გამორჩეული ნეირონები და ნეირომედიატორები, როგორიცაა ნორეპინეფრინი,ისინი დაცვით მექანიზმს ააქტიურებენ, როდესაც ვგრძნობთ, რომ ჩვენს აზრებს/ფიქრებს აუცილებლად ესაჭიროება ‘გარე’ ზემოქმედებისგან დაცვა. თუკი ვინმეს აზრი განსხვავდება ჩვენი საკუთარი შეხედულებისგან, ტვინისკენ მიემართება იგივე ქიმიური ნივთიერებები, რომლებიც უზრუნველყოფენ ხოლმე ჩვენს გადარჩენას საშიშ სიტუაციებში. ამ თავდაცვით მდგომარეობაში ტვინის შედარებით პრიმიტიული ნაწილი ერთვება რაციონალურ აზროვნებაში, ხოლო ლიმბურ სისტემას შეუძლია დაბლოკოს ჩვენი მუშა მეხსიერება და ფიზიკურად გამოიწვიოს „აზროვნების შეზღუდვა“.

ამაზე დაკვირვება შეიძლება, მაგალითად, დაშინების, ან პოკერის თამაშის დროს, ან როდესაც ვინმე ჯიუტად იცავს თავის პოზიციას კამათის დროს.

როგორც არ უნდა ღირებული იყოს იდეა, ამგვარ მდგომარეობაში ტვინი უძლურია დაამუშავოს იგი. ნეირონულ დონეზე, იგი მას საფრთხედ აღიქვამს, თუნდაც საქმე სრულიად უწყინარ შეხედულებებს, ან ფაქტებს ეხებოდეს, რომლებსაც, სხვა შემთხვევაში, შესაძლოა, დავეთანხმებოდით კიდეც.

მაგრამ, როდესაც ჩვენ ვავლენთ საკუთარ თავს და ჩვენს აზრებს და შეხედულებებს ჯეროვნად აფასებენ, დამცავი ნივთიერებების დონე ტვინში მცირდება, დოფამინის გადაცემა ააქტიურებს მოწონების, წახალისების ნეირონებს და ჩვენ ვგრძნობთ საკუთარ ძალას და გვემატება თავდაჯერება. ჩვენი შეხედულებები არსებით გავლენას ახდენენ ჩვენი სხეულის ქიმიაზე. სწორედ ამას ეფუძნება პლაცებოს ეფექტი.

თვითშეფასება და საკუთარ თავში დაჯერებულობა კავშირშია ნეირომედიატორ სეროტონინთან. აღნიშნულის ძლიერ დეფიციტს, ხშირ შემთხვევაში, დეპრესიასთან, თვითგამანადგურებელ ქმედებებთან, და, თვითმკვლელობამდეც კი მივყავართ.
როდესაც საზოგადოება გვაფასებს, ტვინში დოფამინის და სეროტონინის დონე მატულობს და გვეხმარება ემოციური ფიქსირებულობისგან გათავისუფლებასა და თვითშეგნების ამაღლებაში

ნაწილი 2- სარკისებრი ნეირონები და ცნობიერება

სოციალური ფსიქოლოგია ხშირად მიმართავს ადამიანის საბაზისო მოთხოვნილებას „იპოვოს თავისი ადგილი“ და უწოდებს ამას „ნორმატიულ სოციალურ გავლენას“. ადამიანის ზრდა-განვითარებასთან ერთად, ჩვენი მორალური და ეთიკური კომპასი თითქმის მთლიანად გარემოს გავლენით ყალიბდება. ამგვარად, ჩვენი ქცევები ხშირად იქიდან მომდინარეობს, თუ როგორ გვაფასებს საზოგადოება.

თუმცა, ახალი მონაცემები ნევროლოგიის სფეროში კულტურისა და ინდივიდუალობის ბევრად უფრო მკაფიო გაგებას გვთავაზობს.

ახალმა ნევროლოგიურმა კვლევებმა დაადასტურეს ემპათიური სარკისებრი ნეირონების არსებობა. როდესაც განვიცდით გარკვეულ ემოციებს, ან გარკვეულ ქმედებებს ვახორციელებთ, კონკრეტული ნეირონები იწყებენ მუშაობას. მაგრამ, როდესაც ვხედავთ, თუ როგორ აკეთებს ამას ვიღაც სხვა, ან წარმოვიდგენთ ამას, ამოქმედდება იმავე ნეირონების დიდი ნაწილი, იმგვარად, თითქოს ამ ყველაფერს ჩვენ ვაკეთებდეთ.

აღნიშნული ემპათიური ნეირონები გვაკავშირებენ სხვა ადამიანებთან და გვაძლევენ საშუალებას შევიგრძნოთ ის, რასაც სხვები განიცდიან. იმდენად, რამდენადაც იგივე ნეირონები რეაგირებენ ჩვენს წარმოსახვაზე, მათგან ისევე ვიღებთ ემოციურ უკუკავშირს, როგორც სხვა ადამიანისგან. ეს სისტემა გვაძლევს სწორედ თვითანალიზის შესაძლებლობას.

სარკისებრი ნეირონები ვერ ხედავენ განსხვავებას საკუთარ თავსა და სხვებს შორის. ამიტომაც არის, რომ ჩვენ ასერიგად ვართ დამოკიდებული გარშემომყოფთა შეფასებაზე და გვიჩნდება სურვილი შევესაბამებოდეთ მას. ჩვენ მუდმივად ვექვემდებარებით გაორებას: იმას, თუ როგორ ვხედავთ ჩვენს თავს და იმას შორის, თუ როგორ აღგვიქვამენ სხვები. ამას შეუძლია ხელი შეუშალოს ჩვენს ინდივიდუალურობას და თვითშეფასებას. თავის ტვინის ფოტოები გვიჩვენებს, რომ ჩვენ ამ უარყოფით ემოციებს განვიცდით იქამდეც კი, ვიდრე მათ გავაცნობიერებდეთ. მაგრამ, ჩვენი თვითშეგნებით ჩვენ შეგვიძლია შევცვალოთ უარყოფითი ემოციები, რადგან შეგვწევს უნარი ვაკონტროლოთ მათი გამომწვევი აზრები ჩვენში. აღნიშნული გახლავთ ნეიროქიმიური შედეგი იმისა, თუ როგორ სუსტდებიან მოგონებები და როგორ ხდება მათი აღდგენა ცილის სინთეზით.

თვითანალიზი ძლიერ გავლენას ახდენს ტვინის მუშაობაზე. ის ააქტიურებს თვითრეგულაციის ნეოკორტიკულ უბნებს, რომლებიც საშუალებას გვაძლევენ მკაფიოდ ვაკონტროლოთ საკუთარი გრძნობები. ყოველ ჯერზე, როდესაც ამას ვაკეთებთ, ჩვენი რაციონალურობა და ემოციური მდგრადობა მყარდება. თვითკონტროლის გარეშე, ჩვენი ფიქრებისა და ქმედებების უმეტესობა იმპულსურია, და ის ფაქტი, რომ შემთხვევით ვრეაგირებთ და არ ვაკეთებთ ცნობიერ არჩევანს, ინსტიქტურად გვაღიზიანებს. ამის თავიდან ასაცილებლად, ტვინი მიისწრაფის გაამართლოს ჩვენი საქციელი და ფიზიკურად ახდენს მოგონებების ‘გადაწერას’ მეხსიერების რეკონსოლიდაციის გზით, გვაიძულებს რა, დავიჯეროთ, რომ ჩვენ ‘ვაკონტროლებდით’ ჩვენს ქმედებებს.

ამას ეწოდება რეტროსპექტული რაციონალიზაცია, რომელიც ჩვენი უარყოფითი ემოციების უმეტესობას გადაუჭრელად (უპასუხოდ) ტოვებს და მათ შეუძლიათ თავი ნებისმიერ დროს წამოყონ. ისინი კვებავენ შინაგან დისკომფორტს მაშინ, როდესაც ტვინი განაგრძობს ჩვენი ირაციონალური ქცევების გამართლებას. ეს ყოველივე, ქვეცნობიერის რთული და თითქმის შიზოფრენიული ქმედება ჩვენს ტვინში ფართო, პარალელურად განაწილებული სისტემების მუშაობის შედეგია. ცნობიერებას არ გააჩნია კონკრეტული ცენტრი. მოჩვენებითი ერთიანობა განპირობებულია იმით, რომ ყოველი ცალკეული ჯაჭვი აქტიურდება და თავს ავლენს დროის კონკრეტულ მომენტში.

ჩვენი გამოცდილება მუდმივად ცვლის ნერვულ ბმებს, იმავდროულად, ფიზიკურად ცვლის რა ჩვენი ცნობიერების პარალელურ სისტემას. ამაში პირდაპირმა ჩარევამ, შესაძლოა სიურეალისტური ეფექტები გამოიწვიოს, რაც აღძრავს კითხვას, თუ რა არის ცნობიერება და სად მდებარეობს იგი.

თუკი მარცხენა ნახევარსფეროს განვაცალკევებთ მარჯვენა ნახევარსფეროსგან, როგორც იმ პაციენტების შემთხვევაში, რომლებმაც გადაიტანეს ტვინის განცალკევების პროცესი, თქვენ მარცხენა ნახევარსფეროს მეშვეობით შეინარჩუნებთ ლაპარაკის და ფიქრის უნარს, მაშინ, როდესაც მარჯვენა ნახევარსფეროს შემეცნებითი უნარები ძლიერ შეზღუდვებს დაექვემდებარება. მარცხენა ნახევარსფერო ვერც იგრძნობს მარჯვენა ნახევარსფეროს არარსებობას, თუმცა ეს მნიშვნელოვნად შეცვლის თქვენს აღქმას.

მაგალითად, თქვენ ვერ შეძლებთ აღწეროთ სხვა ადამიანის სახის მარჯვენა ნაწილი, მაგრამ თქვენ ამას ვერ შეამჩნევთ. თუმცა, პრობლემას ამაში ვერ დაინახავთ და ვერც მიხვდებით, რომ რაღაც შეიცვალა. ეს ხდება, რადგან აღნიშნული პროცესი მხოლოდ თქვენს მიერ რეალური სამყაროს აღქმას კი არ შეეხება, არამედ თქვენს აზრობრივ ხატსახეებსაც, და ეს არამხოლოდ აღქმის პრობლემაა, არამედ ცნობიერების ფუნდამენტური ცვლილება.

ნაწილი 3 – ღმერთი ნეირონებში

თითოეულ ნეირონს გააჩნია ელექტრული ძაბვა, რომელიც იცვლება, როდესაც იონები შედიან მასში, ან ტოვებენ მას.როდესაც ძაბვა გარკვეულ დონეს აღწევს, ნეირონი უშვებს ელექტროსიგნალს სხვა უჯრედებისკენ, სადაც პროცესი მეორდება. როდესაც ბევრი ნეირონი ერთდროულად უშვებს სიგნალებს, ჩვენ ამის გაზომვა ტალღის სახით შეგვიძლია.

ტვინისმიერი ტალღები პასუხს აგებენ თითქმის ყველაფერზე, რაც ჩვენს ტვინში ხდება, მეხსიერების, ყურადღებისა და თვით ინტელექტის ჩათვლით. სხვადასხვა სიხშირის რხევები კლასიფიცირდება, როგორც ალფა, ბეტა და გამა ტალღები. ტალღების ყოველი ტიპი კავშირშია სხვადასხვა ამოცანებთან. ტალღები საშუალებას აძლევენ ტვინის უჯრედებს მოიმართონ/გადაეწყონ ამოცანის შესატყვის სიხშირეზე, და უგულებელყონ სხვა უცხო სიგნალები. ისევე, როგორც რადიომიმღები მოიმართება ხოლმე რადიოსადგურის ტალღაზე. ნეირონებს შორის ინფორმაციის გადაცემა ოპტიმალური ხდება მაშინ, როდესაც მათი ქმედებები სინქრონიზებულია. აი, რატომ განვიცდით კოგნიტურ დისონანსს, გაღიზიანებას, რაც ორი არათავსებადი იდეითაა ხოლმე გამოწვეული. ნება, ეს არის სწრაფვა ცალკეულ აქტიურ ნეირონულ ჯაჭვებს შორის დისონანსის შემცირებისკენ.

ევოლუციაც მსგავს პროცესად შეიძლება განვიხილოთ, სადაც ბუნება ცდილობს ადაპტირდეს, ანუ „რეზონირდეს“ გარემოსთან. მან განვითარების გზა განვლო, ვიდრე მიაღწევდა იმ დონეს, სადაც დაიწყო თვითშემეცნება და ფიქრი საკუთარი არსებობის რაობაზე. როდესაც ადამიანი შეეჯახება მიზნისაკენ სწრაფვის პარადოქსს და ფიქრს იმაზე, რომ არსებობას აზრი არ აქვს, ხდება კოგნიტური დისონანსი. ამიტომ მიაშურებენ ხოლმე ადამიანები სულიერებას და განუდგებიან ხოლმე მეცნიერებას, რომელსაც არ აქვს პასუხები ამ ეგზისტენციალურ კითხვებზე: ვინ ვარ? და რისთვის ვარსებობ?

ნაწილი 4 – მე – Athene

„სარკისებრი ნეირონები ვერ აღიქვამენ სხვაობას საკუთარ თავსა და სხვებს შორის“. 

მარცხენა ნახევარსფერო მნიშვნელოვანწილად აგებს პასუხს შეხედულებების მწყობრი სისტემის შექმნაზე, რომელიც უზრუნველყოფს ჩვენი ცხოვრების უწყვეტობის განცდას. ახალი გამოცდილება ედარება შეხედულებათა არსებულ სისტემას და თუ ვერ ეწერება მასში, მას უბრალოდ უგულებელყოფენ.

ბალანსის როლში მარჯვენა ნახევარსფერო გვევლინება, რომელიც სრულიად საპირისპირო მისიას ასრულებს. მაშინ, როდესაც მარცხენა ნახევარსფერო ისწრაფვის მოდელის შენარჩუნებისკენ, მარჯვენა გამუდმებით ეჭვქვეშ აყენებს სტატუს-ქვოს. თუკი განსხვავებები უკიდურესად დიდია, მარჯვენა ნახევარსფერო გვაიძულებს გადავხედოთ ჩვენს მსოფლმხედველობას. მაგრამ, თუკი ჩვენი შეხედულებები ძალზედ მტკიცეა, მარჯვენა ნახევარსფერომ შესაძლოა ვერც დაძლიოს ჩვენი მხრიდან უარყოფა.

აღნიშნულმა, შესაძლოა, დიდი სირთულეები შექმნას სხვების არეკვლის პროცესში. როდესაც ნერვული ბმები, რომლებიც განსაზღვრავენ ჩვენს შეხედულებებს, არ არიან (საკმარისად) განვითარებულნი, ან აქტიურნი, ჩვენი ცნობიერება, როგორც ყველა აქტიური ჯაჭვის ერთობლიობა, შეივსება სარკისებრი ნეირონების ქმედებით. ისევე, როგორც მაშინ, როდესაც გვშია, და ჩვენი ცნობიერება ჭამასთან დაკავშირებული ნეირონული პროცესებით იტვირთება.

ეს არ გახლავთ ცენტრალური „მე“-ს შედეგი, რომელიც გასცემს ბრძანებებს ტვინის ცალკეული უბნებისთვის. ტვინის ყველა ნაწილი შესაძლოა იყოს აქტიური ან არააქტიური და ურთიერთქმედებდეს ცენტრალური ბირთვის გარეშე. ისევე, როგორც პიქსელებმა ეკრანზე შეიძლება მიიღონ ნაცნობი ფორმა, ნეირონული ურთიერთქმედებების ჯგუფი შესაძლოა გამოვლინდეს, როგორც ცნობიერება.

ნებისმიერ მომენტში ჩვენ განსხვავებულ ხატ-სახეს წარმოვადგენთ. როდესაც ვირეკლავთ სხვებს, როდესაც გვშია, როდესაც ვუყურებთ ამ ფილმს. ყოველ წამს ჩვენ სხვა ადამიანი ვხდებით, გამომდინარე სხვადასხვა მდგომარეობებიდან, რომელსაც განვიცდით. როდესაც ჩვენს თავს ვუყურებთ სარკისებრი ნეირონების გავლით, ჩვენ ვქმნით ინდივიდუალობის იდეას. მაგრამ, როდესაც ამას მეცნიერული თვალთახედვით ვახორციელებთ, ჩვენ სრულიად სხვა რამეს ვხედავთ. 

ნეირონული ურთიერთქმედებები, რომლებიც ჩვენს ცნობიერებას ქმნიან, ჩვენი ნეირონების ფარგლებს საკმაოდ სცდება.

ჩვენ წარმოვადგენთ ტვინის ნახევარსფეროებსა და ჩვენს გრძნობებს შორის ელექტროქიმიური ურთიერთქმედებებების შედეგს, რომლებიც ჩვენს ნეირონებს გარშემო მყოფ სხვა ნეირონებთან აკავშირებენ. არ არსებობს არავითარი ‘გარე’. ეს არ არის ჰიპოთეტური ფილოსოფია, ეს სარკისებრი ნეირონების ძირითადი თვისებაა, რომელიც საშუალებას გვაძლევს გავაცნობიეროთ საკუთარი თავი სხვების ‘გავლით’.

არასწორი იქნებოდა ამ ნეირონული ქმედების საკუთრად აღქმა, გარემოს გამორიცხვით. ევოლუციები ასევე ირეკლავენ ჩვენი ზეორგანიზმის მხარეებს, სადაც ჩვენი, როგორც პრიმატების თვითგადარჩენა კოლექტიურ უნარებზე იყო დამოკიდებული.

დროთა განმავლობაში განვითარდნენ ნეოკორტიკული უბნები, რომელიც ისნტინქტების შეცვლის და ჰედონისტური იმპულსების დათრგუნვის საშუალებას იძლეოდა ჯგუფის საკეთილდღეოდ.

ჩვენმა გენებმა იწყეს ორმხრივი სოციალური ქცევების განვითარება ზეორგანიზმის სტრუქტურებში, რომლითაც „უძლიერესის გადარჩენის“ იდეას უარყოფდნენ. ტვინი განსაკუთრებულად ეფექტურად მუშაობს, როდესაც არ არსებობს დისონანსი ტვინის მოწინავე უბნებსა და შედარებით ძველ, პრიმიტიულ უბნებს შორის. ის, რასაც ჩვენ ‘ეგოისტურ მიდრეკილებებს’ ვუწოდებთ, ეგოისტური ქცევის მხოლოდ დასაზღვრული განმარტებაა, როდესაც ადამიანის თვისებები აღიქმება ინდივიდუალობის არასწორი პარადიგმის გავლით… ნაცვლად მეცნიერული შეხედულებისა იმის შესახებ, თუ ვინ ვართ ჩვენ – ერთი მთლიანის წამიერი, მუდმივად ცვალებადი ხატსახე, რომელსაც არ გააჩნია ცენტრი.

ამ შეხედულებათა სისტემის ფსიქოლოგიურ შედეგად გვევლინება თვითაღქმა მოჩვენებით „მე“-სთან მიჯაჭვულობის გარეშე, რასაც მივყავართ უფრო ნათელ გონებასთან, საზოგადოებრივ შეგნებასთან, თვითკონტროლთან, და იმასთან, რასაც ხშირად უწოდებენ „ყოფნას აქ და ახლა“.

გავრცელებულია შეხედულება, რომ ჩვენ აუცილებლად გვჭირდება ისტორია, ჩვენი ცხოვრების ქრონოლოგიური ხედვა, იმისთვის, რომ შევქმნათ მორალური ფასეულობები. მაგრამ, ტვინის ემპათიური და სოციალური ბუნების ჩვენი თანამედროვე გაგება გვიჩვენებს, რომ წმინდა მეცნიერული შეხედულება, ინდივიდუალურობასა და „ისტორიასთან“ მიჯაჭვულობის გარეშე, თვითაღქმის ბევრად უფრო ზუსტ, კონსტრუქტიულ და ეთიკურ სისტემებს იძლევა, ვიდრე ჩვენივე გაბნეული ფასეულობები.

ეს ლოგიკურია, რადგან ჩვენი ჩვეული მიდრეკილება, განვსაზღვროთ საკუთარი თავი, როგორც წარმოსახვითი ინდივიდუალური კონსტანტა, ტვინს ისეთი კოგნიტური აშლილობებისკენ უბიძგებს, როგორიცაა აკვიატებული სტერეოტიპები და მოლოდინების შექმნის მოთხოვნილება.

კლასიფიცირებისკენ სწრაფვა ჩვენი ურთიერთქმედების ყველა ფორმის საფუძველშივე დევს. მაგრამ ამის, როგორც შინაგანის, ხოლო გარემოს, როგორც გარეგანის კლასიფიცირებისას, ჩვენ ვზღუდავთ საკუთარ ნეიროქიმიურ პროცესებს და გვიჩნდება გაუცხოების შეგრძნება.

პიროვნული ზრდა და მისი გვერდითი ეფექტები, მაგალითად, როგორიცაა ბედნიერება და კმაყოფილება, სტიმულირდება, როდესაც ჩვენს ურთიერთქმედებებში არ ვექვემდებარებით სტერეოტიპებს.

ჩვენ, შესაძლოა, განსხვავებული შეხედულებები გაგვაჩნდეს და არ ვეთანხმებოდეთ ერთმანეთს, მაგრამ ურთიერთქმედებები, რომლებიც ჩვენ აღგვიქვამენ ისეთებად, როგორებიც ვართ, განსჯის გარეშე, ნეიროფსიქოლოგიურ კატალიზატორებად გვევლინებიან, რომლებიც ახდენენ ტვინის სტიმულირებას მიიღოს სხვები და მიიღოს შეხედულებების რაციონალურად დამტკიცებადი სისტემები კოგნიტური დისონანსის გარეშე.

ამ ნეირონული ქმედების სტიმულაცია და ურთიერთქმედება გვათავსუფლებს ყურადღების გადამტანი ფაქტორების და გართობის საჭიროებისგან და ქმნის კონსტრუქციული ქცევების ციკლს ჩვენს გარემოში. სოციოლოგებმა აღმოაჩინეს, რომ ისეთი მოვლენები, როგორიცაა მოწევა და ჭარბი კვება, ემოციები და იდეები, ისევე ვრცელდება საზოგადოებაში, როგორც გადაეცემა ნეირონების ელექტროსიგნალები, როდესაც მათი ქმედებები სინქრონიზებულია.

ჩვენ წარმოვადგენთ ნეიროქიმიური რეაქციების გლობალურ ქსელს. შეფასებისა და აღიარების თვითგანვითარებად ციკლს, რომელიც მყარდება ყოველდღიური გადაწყვეტილებებით – ეს ჯაჭვური რეაქციაა, რომელიც, საბოლოო ჯამში, განსაზღვრავს ჩვენს კოლექტიურ უნარს გადავლახოთ მოჩვენებითი უთანხმოებები და შევხედოთ ცხოვრებას სამყაროსეული სტრუქტურის პრიზმაში.

ჩირენის კვლევების მიმდინარეობის პროცესში მე გავაკეთე ამ კვლევების მიმდინარე შედეგების გამარტივებული, მაგრამ ყოველმხრივი ანალიზი. ეს გახლავთ კვანტური ფიზიკისა და ფარდობითობის თეორიის გაერთიანებაზე მისი მუშაობის პირველი თვეების ჩემეული ინტერპრეტაცია. მოცემული თემა საკმაოდ რთულია და შესაძლოა, ძნელად გასაგებიც იყოს თქვენთვის. ასევე, ის მოიცავს გარკვეულ ფილოსოფიურ დასკვნებს, რომლებზეც საუბარი იქნება ეპილოგში.

უამრავმა გასაოცარმა მიღწევამ უკანასკნელი ასწლეულის მანძილზე მიგვიყვანა სამყაროს შეცნობის მეცნიერული სისტემის ცვლილებასთან. აინშტაინის ფარდობითობის თეორიამ გვიჩვენა, რომ დრო და სივრცე ერთიან ქსოვილს ქმნიან. ხოლო ნილს ბორმა კვანტური ფიზიკის მეშვეობით გამოავლინა ნივთიერების საბაზისო კომპონენტები – ის სფერო, რომელიც მხოლოდ „აბსტრაქტული ფიზიკური აღწერილობის“ სახით არსებობს. ამის შემდეგ, ლუი დე ბროილმა აღმოაჩინა, რომ ნივთიერებას მთლიანად, და არა მხოლოდ ფოტონებსა და ელექტრონებს, ახასიათებს კვანტური კორპუსკულურ-ტალღური დუალიზმი. ამან მიგვიყვანა რეალობის ბუნების შესახებ აზროვნების და, ასევე, პოპულარული მეტაფიზიკური და ფსევდომეცნიერული თეორიების ახალ სკოლებთან. მაგალითად, იმასთან, რომ ადამიანის გონებას ძალუძს სამყაროს მართვა პოზიტიური აზროვნების გზით. ეს თეორიები მიმზიდველია, მაგრამ ისინი არ ექვემდებარებიან გადამოწმებას და მათ შეუძლიათ მეცნიერების პროგრესის შეფერხება.

აინშტაინის ფარდობითობის სპეციალური და ზოგადი თეორიის კანონები გამოიყენება თანამედროვე ტექნოლოგიებში, მაგალითად GPS თანამგზავრებში, სადაც გათვლების სიზუსტე შესაძლოა დღეში 10 კილომეტრზე მეტად გადაიხაროს, თუ არ გავითვალისწინებთ ისეთ შედეგებს, როგორიც დროის შენელებაა. ესე იგი, მოძრავი საათებისთვის დრო უფრო შენელებულად გადის, ვიდრე უძრავისთვის. ფარდობითობის თეორიის სხვა ეფექტები მდგომარეობს მოძრავი ობიექტებისთვის მანძილის შემოკლებაში და ფარდობითობის ერთდროულობაში, რის გამოც შეუძლებელია დანამდვილებით ვამტკიცოთ, რომ ორი მოვლენა ერთსა და იმავე დროს ხდება, თუკი ისინი სივრცეში დაშორებულები არიან. არაფერი არ მოძრაობს სინათლის სიჩქარეზე სწრაფად. ეს ნიშნავს, რომ თუ 10 სინათლის წამის სიგრძის მილს წინ ვუბიძგებთ, 10 წამი გავა, ვიდრე მოქმედება მოხდება მეორე მხარეს. 10-წამიანი დროის ინტერვალის გარეშე მილი არ არსებობს თავისი მთლიანი მოცულობით. საქმე ჩვენი დაკვირვების დასაზღვრულობაში კი არ მდგომარეობს, არამედ ფარდობითობის თეორიის პირდაპირ შედეგში, სადაც დრო და სივრცე ურთიერთდაკავშირებულია და ერთს არ შეუძლია არსებობა მეორის გარეშე.

კვანტური ფიზიკა იძლევა კორპუსკულურ-ტალღური დუალიზმისა და ენერგიისა და მატერიის ურთიერთქმედების მთელი რიგი საკითხების მათემატიკურ აღწერას/ახსნას. ის განსხვავდება კლასიკური ფიზიკისგან, უპირველეს ყოვლისა, ატომურ და სუბატომურ დონეზე. აღნიშნული მათემატიკური ფორმულირებები აბსტრაქტული ხასიათისაა, ხოლო მათი დასკვნები ხშირად არაინტუიტიურია. კვანტი წარმოადგენს ნებისმიერი ფიზიკური არსის მინიმალურ ერთეულს, რომელიც მონაწილეობს ურთიერთქმედებაში. ელემენტარული ნაწილაკები – ეს სამყაროს კომპონენტებია. ეს ის ნაწილაკებია, რომელთაგანაც შედგებიან ყველა სხვა ნაწილაკები. კლასიკურ ფიზიკაში ჩვენ ყოველთვის შეგვიძლია დავყოთ ობიექტი უფრო პატარა ნაწილებად, კვანტურში – ეს შეუძლებელია. ამიტომ კვანტური სამყარო წარმოადგენს უნიკალურ მოვლენათა სიმრავლეს, რომელთა ახსნა კლასიკური კანონებით შეუძლებელია. მაგალითად, კვანტური ბმა, ფოტოეფექტი, კომპტონური განშლა (გაფანტვა) და სხვა მრავალი. კვანტურ სამყაროს უამრავი უჩვეულო ინტერპრეტაცია გააჩნია. შედარებით ფართოდ ცნობილებს შორისაა – კოპენჰაგენის ინტერპრეტაცია და მრავალსამყაროიანი ინტერპრეტაცია. დღევანდელობაში ძალას იკრებენ ისეთი ალტერნატიული ინტერპრეტაციები, როგორიცაა, მაგალითად, „ჰოლოგრაფული სამყარო“.

 

ნაწილი 1

დე ბროილის განტოლება

 

მიუხედავად იმისა, რომ კვანტური ფიზიკა და აინშტაინის ფარდობითობის კანონები ერთნაირად აუცილებელია სამყაროს მეცნიერული გაგებისთვის, არსებობს მთელი რიგი გადაუჭრელი სამეცნიერო პრობლემები და ჯერჯერობით არ ჩანს გამაერთიანებელი თეორია. რამდენიმე მიმდინარე საკითხს შორისაა შემდეგი: რატომაა დაკვირვებადი მატერია სამყაროში მეტი, ვიდრე ანტიმატერია? რა ბუნებისაა დროითი ღერძი? როგორია მასის წარმომავლობა?

მნიშვნელოვან გასაღებებს ამ პრობლემების ასახსნელად დე ბროილის განტოლებები წარმოადგენენ, რომელთა გამოც მას ფიზიკაში ნობელის პრემია მიენიჭა. ეს ფორმულა გვიჩვენებს, რომ მთელი მატერია კორპუსკულურ-ტალღური დუალიზმით ხასიათდება, ანუ, ზოგ შემთხვევაში, ის იქცევა, როგორც ტალღა, ხოლო ზოგან – როგორც ნაწილაკი. ფორმულა თავის თავში მოიცავს აინშტაინის განტოლებას E = mc^2 ენერგიის კვანტური ბუნებით. ექსპერიმენტული მტკიცებულებები თავის თავში აერთიანებენ ფულერენის C60 მოლეკულის ინტერფერენციას ორი ხვრელის ექსპერიმენტში. იმ ფაქტმა, რომ თვით ჩვენი ცნობიერება კვანტური ნაწილაკებისგან შედგება, სათავე დაუდო მრავალრიცხოვან მისტიკურ თეორიებს. და მიუხედავად იმისა, რომ კვანტური მექანიკისა და ცნობიერების ურთიერთობა არც ისე “ჯადოსნურია”, როგორც ამას ეზოთერული ფილმები და წიგნები ამტკიცებენ, აქედან გამომდინარე დასკვნები საკმაოდ სერიოზულია.

რამდენადაც დე ბროილის განტოლებები მთელ მატერიას მიემართება, ჩვენ შეგვიძლია დავამტკიცოთ, რომ C = hf, სადაც С – ცნობიერებაა, h – პლანკის მუდმივა, ხოლო f – სიხშირე.

„С“ – პასუხისმგებელია იმაზე, რასაც ჩვენ აღვიქვამთ, როგორც „ახლა“, ურთიერთქმედების კვანტური, ანუ მინიმალური ერთეული. „С“ -ს ყველა მომენტის ჯამი მიმდინარე მომენტის ჩათვლით – ეს სწორედ ის არის, რაც ჩვენს მიერ ცხოვრების აღქმას აყალიბებს. ეს ფილოსოფიური ან თეორიული მტკიცება კი არ გახლავთ, არამედ მთლიანად მატერიის და ენერგიის კვანტურობის პირდაპირი შედეგი.

ფორმულა გვიჩვენებს, რომ სიცოცხლე და სიკვდილი „С“-ს აბსტრაქტული ერთობლიობაა.

დე ბროილის განტოლების მეორე შედეგი იმაში მდგომარეობს, რომ მატერიის ან ენერგიის რხევის ტემპი და მისი, როგორც ტალღის ან ნაწილაკის ქმედება დამოკიდებულია ათვლის სისტემის სიხშირეზე.

სიჩქარის გამო სიხშირის მატება ეფარდება სხვას და მივყავართ ისეთ მოვლენებთან, როგორიცაა დროის შენელება. ამის მიზეზი გახლავთ ის, რომ დროის აღქმა არ იცვლება ათვლის სისტემასთან თანაფარდობაში, სადაც სივრცე და დრო – კვანტების თვისებაა და არა პირიქით.

ნაწილი 2

ანტიმატერია და შეუვალი დრო

ანტინაწილაკები წარმოიქმნებიან მთელ სამყაროში, სადაც ხდება ნაწილაკების მაღალენერგეტიკული შეჯახებები. ეს პროცესი ხელოვნურად მოდელირდება ნაწილაკების ამაჩქარებლებში. მატერიის თანადროულად იქმნება ანტიმატერიაც. ამრიგად, ანტიმატერიის ნაკლებობა სამყაროში დღემდე რჩება ფიზიკის ყველაზე დიდ გადაუჭრელ საკითხად. 

ელექტრომაგნიტური ველების მიერ ანტისხეულების მიტაცებით ჩვენ შეგვიძლია მათი თვისებების კვლევა. ნაწილაკებისა და ანტინაწილაკების კვანტური მდგომარეობები ორმხრივად ჩანაცვლებადია, თუკი მათ მიმართ გამოვიყენებთ დამუხტული წყვილის ოპერატორს (C) (რაც გულისხმობს, რომ ნაწილაკის ტალღური ფუნქცია ანტინაწილაკის ტალღური ფუნქციაა, ხოლო ოპერაცია მდგომარეობს ნაწილაკის ჩანაცვლებაში შესატყვისი ანტინაწილაკით, მაგალითად, ელექტრონის პოზიტრონით ჩანაცვლებაში) , ჯერადობის (P) და დროის უკუქცევას (T) (დროის უკუქცევის ოპერაცია გულისხმობს „t“-ს შეცვლას „-t“-ით ) . ესე იგი, თუ, ვთქვათ, ფიზიკოსი, რომელიც ანტიმატერიისგან შედგება, ჩაატარებს ექსპერიმენტებს ლაბორატორიაში, რომელიც ასევე ანტიმატერიისგან შედგება, გამოიყენებს ანტინაწილაკებისგან შედგენილ ქიმიურ ნაერთებს და ნივთიერებებს, იგი მიიღებს ისეთივე შედეგებს, როგორსაც მისი „ნივთიერ(ებით)ი“ კოლეგა. მაგრამ, თუკი ისინი გაერთიანდებიან, მოხდება მათი მასის პროპორციული ენერგიის უზარმაზარი გამოტყორცნა.

ცოტა ხნის წინ, ფერმის ლაბორატორიაში აღმოაჩინეს, რომ ისეთი კვანტები, როგორიცაა მეზონები სამი ტრილიონი/ წამი სიჩქარით გადადიან ნივთიერების მდგომარეობიდან ანტინივთიერების მდგომარეობაში და პირიქით. „C“-ს კვანტური ათვლის სისტემაში სამყაროს განხილვისას აუცილებელია გავითვალისწინოთ ყველა ექსპერიმენტული შედეგი, რომელიც კვანტებს მიემართებოდა. იმის ჩათვლით, თუ როგორ წარმოიქმნება მატერია და ანტიმატერია ნაწილაკების ამაჩქარებლებში, და როგორ გადადიან მეზონები ერთი მდგომარეობიდან მეორეში. „C“-სთან მიმართებაში ამას სერიოზული შედეგები მოსდევს. კვანტური თვალსაზრისით „C“-ს ყოველ წამს გააჩნია ანტი-C.

აღნიშნულით აიხსნება სიმეტრიის, ანუ, ანტინივთიერებების არარსებობა სამყაროში, რაც ასევე კავშირშია გამომსხივებლის და შთანმთქმელის თავისუფალ არჩევანთან უილერ-ფეინმანის შთანთქმის თეორიაში. შეუვალი დრო T განუზღვრელობის პრინციპში წარმოადგენს დროს, ან ციკლს, რაც აუცილებელია კვანტების არსებობისთვის. ისევე, როგორც მეზონების შემთხვევაში, დროის ჩვენი პიროვნული აღქმის ზღვარი, ანუ მიმდინარე მომენტის დიაპაზონი წარმოადგენს „C“-ს გადასვლას „ანტი-C“-ში. თვითანიჰილაციის ეს მომენტი და მისი გამოხატვა „C“-ში მოქცეულია დროითი ღერძის აბსტრაქტულ ჩარჩოში. თუკი განვსაზღვრავთ ურთიერთქმედებას და განვიხილავთ კვანტის კორპუსკულურ-ტალღური დუალიზმის ძირითად თვისებებს, ყოველი ურთიერთქმედება შედგება ინტერფერენციისა და რეზონანსისგან. მაგრამ, რამდენადაც ეს არ არის საკმარისი იმისთვის, რომ ავხსნათ ფუნდამენტური ძალები, აუცილებელია სხვადასხვა მოდელების გამოყენება. ეს მოიცავს სტანდარტულ მოდელსაც, რომელიც შუალედური რგოლია ძალის მატარებელი ცნობილი სუბატომური ნაწილაკების დინამიკასა და ფარდობითობის ზოგად თეორიას შორის, რომელიც აღწერს მაკროსკოპულ მოვლენებს, ისეთებს, როგორიცაა პლანეტების ორბიტები, რომლებიც ელიპსურად მოძრაობენ სივრცეში და და სივრცე-დროით სპირალში. მაგრამ აინშტაინის მოდელს ვერ გამოვიყენებთ კვანტურ დონეზე, ხოლო სტანდარტული მოდელი საჭიროებს ძალის დამატებით მატარებლებს, რათა ახსნას მასის წარმომავლობა. ამ ორი მოდელის გაერთიანება, ანუ, ყველაფრის თეორია წარმოადგენს მრავალი, მაგრამ ჯერჯერობით წარუმატებელი კვლევის საგანს.

ნაწილი 3

 

ყველაფრის თეორია

ღმერთო, მე არ გთხოვ სასწაულებს და მირაჟებს არამედ ყოველი დღის ძალას – მაზიარე პატარა ნაბიჯების ხელოვნებას. მომეცი დაკვირვების უნარი, რომ ყოველდღიურობის მრავალფეროვნებაში დროულად შევჩერდე იმ აღმოჩენებზე და გამოცდილებაზე, რომლებმაც ჩემი სული ააღელვეს..

მასწავლე ჩემი ცხოვრების დროის სწორად განკარგვა. მაჩუქე უნარი, რომ გავარჩიო პირველხარისხოვანი მეორეხარისხოვანისაგან.

გთხოვ მომცე ზომიერების და თავშეკავების ძალა, რომ გონივრულად ვგეგმავდე ჩემს ყოველ დღეს, შემეძლოს მწვერვალების დანახვა და ხანდახან მაინც მრჩებოდეს დრო ხელოვნებით ტკბობისთვის.

დამეხმარე გავიგო, რომ არა აქვს მნიშვნელობა ოცნებებს წარსულზე და მომავალზე, დამეხმარე ვიყო აქ და ახლა და აღვიქვა ეს წუთი როგორც ყველაზე მნიშვნელოვანი.   

დამიცავი გულუბრყვილო შეხედულებისგან, რომ ცხოვრებაში ყველაფერი უნდა იყოს იდეალურად. მომანიჭე იმის ნათლად გაცნობიერების უნარი, რომ სირთულე, მარცხი, დაცემა და წარუმატებლობები არიან ცხოვრების ბუნებრივი შემადგენელი ნაწილები, რომელთა დახმარებითაც ჩვენ ვიზრდებით პიროვნულად.

შემახსენე ხოლმე, რომ გული ხშირად კამათობს გონებასთან…

მომივლინე საჭირო დროს ისეთი ვინმე, ვისაც ეყოფა სიმამაცე მითხრას მწარე სიმართლე, მაგრამ მითხრას სიყვარულით!

ვიცი, რომ ზოგიერთი პრობლემა მაშინ გვარდება, როცა არანაირ ზომებს არ ღებულობ, მაშ მასწავლე მოთმინება.

შენ იცი, თუ რა ძლიერ გვჭირდება ადამიანებს მეგობრობა. გთხოვ გამხადე ღირსი ამ ყველაზე მშვენიერი და ნაზი საჩუქრისა.

მომეცი მდიდარი ფანტაზია საიმისოდ, რომ საჭირო წამს, საჭირო დროს, საჭირო ადგილას, სიტყვით თუ უსიტყვოდ ვაჩუქო ვინმეს აუცილებელი სითბო.

გთხოვ, ამარიდე შიში იმისა, რომ ცხოვრებაში რამე გამომრჩება.

ღმერთო, მომეცი ის, რაც მე ჭეშმარიტად მჭირდება… მაზიარე პატარა ნაბიჯების ხელოვნებას.

 ავტორი: ანტუან დე სენტ ეკზიუპერი

როგორ შეუძლიათ იცოდნენ ამდენი და ერთ ადგილას იდგნენ? როგორ შეუძლიათ ისაუბრონ სიტყვების გარეშე და იყვნენ ერთად მაშინაც კი როცა მარტონი დგანან?

ხეები მუდამ გამჭრიახ მასწავლებლად მიმაჩნდა. პატივს ვცემდი მათ, როცა ტომებად და ოჯახებად ცხოვრობდნენ ტყეებსა და ბუჩქნარებში ხოლო მათი პატივისცემა უფრო მეტად მემატებოდა, როდესაც მარტოთ ვხედავდი. ხეები მარტოსულ ადამიანებს ჰგვანან. ისეთებს კიარა, რომელთაც საზოგადოებას საკუთარი სისუსტის გამო აქციეს ზურგი, არამედ დიად მარტოსულებს, მაგალითად ბეთჰოვენსა და ნიცშეს. მათ წინაშე მსოფლიო იხრის ქედს, მათი ფესვები უსასრულობაში ისვენებენ, ისინი არ კარგავენ საკუთარ თავს და მხოლოდ ერთი მიზნისთვის იბრძვიან: საკუთარი კანონების გამოყენებით შექმნან უნიკალური ფორმა და წარმოაჩინონ საკუთარი თავი. არაფერია ძლიერ ხეზე მეტად მშვენიერი.

როცა ხეს ჭრიან და მისი სასიკვდილო ჭრილობა მზის სინათლეზე იკვეთება, მის ნათელ ტანზე მთელი მისი ისტორია იკითხება: წლოვანების რგოლები, ჭრილობები, ბრძოლა, ტკივილი ტანჯვა – ყოველი ბედნიერება და კეთილდღეობა, რომლებიც მოვარდნილ ქარიშხლებს ებრძვიან.

ყველა ახალგაზრდა ფერმერმა ბიჭმა იცის, რომ ყველაზე კეთილშობილ ძლიერ ხეს, ყველაზე განიერი რგოლები აქვს და რომ მხოლოდ მაღალ მთებსა და საშიშ ადგილებში იზრდებიან ყველაზე ძლიერი ხეები. ხეები ტაძრები არიან. ვინც იცის როგორ ესაუბროს მათ და მოუსმინოს, მხოლოდ ის სწავლობს სიმართლეს.

ხე ამბობს: ჩემი სიძლიერე ნდობაა. მე არაფერი ვიცი სამშობლოს შესახებ, არაფერი მესმის ათასობით ახალი სიცოცხლის შესახებ, რომლებიც ყოველწლიურად ყვავილობენ ჩემში. მე მჯერა უფლის, მე მჯერა ჩემსი არსებული ძალის. მე სხვა არაფერი მადარდებს და ამ სიმართლით ვცხოვრობ. როდესაც ცხოვრებაზე გულგატეხილნი ხელს ჩავიქნევთ ხე გვეუბნება: იცხოვრე! იცოცხლე! ცხოვრება ადვილი არ არის, ცხოვრება რთული არ არის. ეს ბავშვური ფიქრებია. დაე, ღმერთმა ისაუბროს შენში და შენი ფიქრებიც დადუმდებიან. თუ შეშფოთებული ხართ, მხოლოდ იმიტომ რომ თქვენი გზა დედისა და სახლის გზას ამცდარა, მაგრამ ყოველ ნაბიჯსა და ყოველ ახალ დღეს ისევ დედის გზაზე მივყავართ. სახლი არც აქაა და არც იქ. სახლი შენშია, სხვაგან არსად.

გული ძლიერი გრძნობით მევსება, როდესაც მესმის როგორ შრიალებენ ხეები საღამოს ნიავში და თუ ვინმე დიდხანს დაუგდებს ყურს მათ ხმას, აუცილებლად მიხვდება სათქმელს. ეს იმდენად ტანჯვისგან დაღწევის მცდელობაა არაა, რამდენადაც შეიძლება ასე მოგეჩვენოთ, ეს სახლისკენ სწრაფვაა, საკუთარი დედის მონატრებაა. ამ ხმას სახლისკენ მივყავართ. ყველა გზაც ხომ საბოლოოდ სახლისკენ მიდის. ყოველი ნაბიჯი დაბადებაა და ყოველი მომდევნო ნაბიჯი სიკვდილი. როცა ჩვენი საკუთარი ბავშვური ფიქრების წინაშე მდგარნი ხის მოკრძალებულ საუბარს ვუსმენთ, მხოლოდ მაშინღა ვხვდებით რომ მათ დიადი ფიქრები აქვთ, ღრმა და მშვიდი სუნთქვა. ისინი ჩვენზე ჭკვიანები არიან.

როდესაც ჩვენ ვწავლობთ როგორ მოვუსმინოთ ხეებს ჩვენი გონების შეზღუდულობა და ბავშვური სიფიცხე, წარმოუდგენელ სიამოვნებად გარდაიქმნება.. და ვინც ისწავლა, როგორ უსმინოს ხეებს, მას აღარ სურს იყოს ვინმე სხვა, გარდა საკუთარი თავისა.

ეს არის სახლი.

ეს არის ბედნიერება…

დარგე შენი საკუთარი ხე, შემოგვიერთდი 9 ივნისს ჭალებში <3

წყარო

ალბათ ცოტამ თუ იცის რომ ქალაქი  სიეტლი აშშ-ში, ვაშინგტონის შტატში დუვამიშის ტომის ბელადის სახელს უკავშირდება. ეს იყო უდიდესი ადამიანი რომელიც თავდაუზოგავად იბრძოდა ინდიელებისა და თეთრკანიანების მშვიდობიანი თანაცხოვრებისთვის.

იგი 1786 წლის 7 ივნის დაიბადა, სიმაღლით 180 სანტიმეტრი იყო და ათლეტური სხეულით გაოირჩეოვოდა რის გამოც ზედმეტსახელად ‘დიდი’ უწოდეს, გარდა სიმამაცისა სიეტლი დაჯილდოვებული იყო ორატორული ნიჭით, სხვადასხვა წყაროების გადმოცემით როდესაც იგი საუბრობდა მისი ხმა შორეულ კუთხეებამდეც კი აღწევდა. 1848 წელს იგი კათოლიკურ ეკლესიაში ქრისტიანად მოინათლა და ნათლობის სახელი ნოე მიიღო, მიუხედავად იმისა რომ ქრისტიანი გახდა, იგი მის უძველეს რწმენას და ინდიელთა ღმერთებს უდიდეს პატივს მიაგებდა. მაშინ როდესაც მის ხალხს გასახლების საფრთხე შეექმნათ, ოლიმპიკის ნახევარკუნძულზე დოქტორ მეინარდომს შეხვდა, ისინი მალევე დამეგობრდნენ. სიეტლმა იმხელა შთაბეჭდილება მოახდინა დოქტორზე რომ მან ქალაქ დუომპსის მოსახლეობა დაარწმუნა რომ ქალაქისთვის დიდი ინდიელი ბელადის სახელი – სიეტლი ეწოდებინათ.

წერილი რომელიც სიეტლმა 1855 წელს ამერიკის შეერთებული შტატების პრეზიდენტს – ფრანკლინ პირსს გაუგზავნა, ეხებოდა ამერიკის ჩრდილო-აღმოსავლეთში (დღევანდელი ვაშინგტონის შტატი) დუვამიშის მიწების შეძენის შეთავაზებას. მკვიდრი იდიელები ძლიერად იყვნენ დაკავშირებულნი დედამიწასთან; მათთვის კერძო საკუთრების იდეა უცხო იყო და დედამიწას კაცობრიობის კუთვნილებად თვლიდნენ.

‘ვაშინგტონის პრეზიდენტი გვითვლის, რომ ჩვენი მიწის ყიდვა სურს. დიდი მეთაური მეგობრობისა და კეთილი სურვილების სიტყვებს გვიგზავნის, ეს მისგან დასაფასებელი საქციელია, ვინაიდან ვიცით, რომ მას ჩვენთან მეგობრობა დიდად არ სჭირდება. მაგრამ ჩვენ უნდა  მივიღოთ მისი შემოთავაზება, რადგან ვიცით, რომ თუკი ამას არ ვიზამთ თეთრკანიანები შეიძლება იარაღებით მოგვადგნენ და მიწა ძალით წაგვართვან.

როგორ შეგიძლიათ გაყოდოთ ცა – მიწის სითბო? ეს იდეა უცხოა ჩვენთვის. მაშინ, როცა არ ვფლობთ ჰაერის სისუფთავეს, წყლის სიკამკამეს, როგორ შეგიძლიათ იყიდოთ ისინი ჩვენგან? ამ მიწის ყოველი ნაწილი წმინდაა ჩემი ხალხისთვის. ფიჭვის ყოველი მბრწყინავი წიწვი, ყოველი ქვიშიანი ნაპირი, ბნელი ტყის ნისლი, ყველა სიწმინდე და მწერების ბზუილი წარმოადგენს სიწმინდეს ჩემი ხალხის მეხსიერებასა და გამოცდილებაში. ხეებში მჩქეფარე ენერგიით სავსე წვენი ინახავს წითელკანიანთა მოგონებებს.

გარდაცვლილი თეთრკანიანი ივიწყებს თავის დაბადების ადგილს როდესაც ვარსკვლავებს შორის გზას დაადგება. ჩვენი მკვდარი კი არასდროს ივიწყებს ამ მშვენიერ დედამიწას, რადგან იცის, რომ იგია წითელკანიანის დედა. ჩვენ დედამიწის ნაწილი ვართ, ხოლო ის ჩვენი ნაწილია. სურნელოვანი ყვავილები ჩვენი დები არიან: რქიანი მხეცები, ცხენები და დიდებული არწივები – ჩვენი ძმები. ველები, კვიცისა და ადამიანის თბილი სხეულები, ყველაფერი ერთ ოჯახს ეკუთვნის. ამდენად, როდესაც ვაშინგტონის დიდ ლიდერს მიწის ყიდვა უნდა, ის თავისთავად ძალიან დიდ შეთანხმებას ითხოვს. დიდი ლიდერი გვითვლის, რომ იგი გამოყოფს ადგილს ჩვენთვის, რათა ერთად კომფორტულად შევძლოთ ცხოვრება. ის იქნება მამაჩვენი, ჩვენ კი – მისი შვილები. ამის გამო ჩვენ განვიხილავთ მიწების ყიდვის შემოთავაზებას. მაგრამ ეს ადვილი არ იქნება, ვინაიდან ეს მიწები ჩვენთვის წმინდაა. მოკამკამე წყალი, რომელიც ჩქეფს მდინარეებსა და ნაკადულებში უბრალოდ წყალი არაა, ეს ჩვენი წინაპრების სისხლია. თუკი ჩვენ ამ მიწებს გავყიდით, თქვენ უნდა გახსოვდეთ და თქვენს შვილებსაც უნდა ასწავლოთ, რომ ისინი წმინდაა, რომ ტბების კრიალა წყლის ზედაპირზე ყოველი მოჩვენებითი ანარეკლი საუბრობს ჩემი ხალხის სიცოცხლესა და მოგონებებზე. 

მდინარეები ჩვენი დები არიან და წყურვილს გვიკლავენ. მდინარეებს მიჰყავთ კანოეები და კვებავენ ჩვენს შვილებს. თუკი ჩვენს მიწებს მოგყიდით, უნდა გახსოვდეთ და ასწავლოთ თქვენს შვილებს, რომ მდინარეები ჩვენი ნათესავებიც არიან და  თქვენიც, ამიერიდან მდინარეებს ისევე კეთილად უნდა მოექცეთ, როგორც თქვენს დებს და ძმებს.

ვიცით, რომ თეთრკანიანი ვერ მიხვდება ჩვენს გზას. მიწის ერთი ნაწილი ისეთივია მისთვის, როგორიც მეორე, ის უცხოა, რომელიც ღამით მოდის და იღებს მიწისგან იმას, რაც სჭირდება. მიწა არ არის მისი ძმა, ის მისი მტერია და როდესაც იპყრობს მას, წინ აგრძელებს გზას. იგი თავისი მამის საფლავებს ტოვებს და მათი შვილების უფლებებს ივიწყებს. შვილებს მიწას უძარცვავს და მასზე არ ზრუნავს. ავიწყდება მამამისის საფლავი და შვილების უფლებები. ის ისე ეპყრობა დედას, დედამიწას, ცას და მის ძმას, თითქოს გასაყიდი ან ნაყიდი იყოს, მისი დაუკმაყოფილებელი შიმშილი დედამიწას გადაყლაპავს და უდაბნოს დატოვებს.

ჩვენი გზები თქვენგან განსხვავებულია. თქვენი ქალაქების დანახვაც კი ტკივილს გვრის წითელკანიანს. მაგრამ ალბათ იმიტომ, რომ წითელკანიანი ველურია და არ ესმის. თეთრკანიანის ქალაქებში მშვიდი ადგილები არ არსებობს, ვერ მოუსმენთ მწერების ფრთების ან  გაზაფხულის ფოთლების შრიალს. მაგრამ ალბათ იმიტომ, რომ მე ველური ვარ და არ მესმის  რა არის ცხოვრება თუკი ადამიანი ვერ მოისმენს ჩიტების მშვენიერ გალობას ან ღამით ჭაობის გარშემო ბაყაყების ყიყინს? მე წითელკანიანი ვარ და არ მესმის. ინდიელი ამჯობინებს შუადღის წვიმით თავისთავად გაწმენდილი ან ფიჭვის სურნელებით გაჟღენთილი ქარის სუფთა ხმას.

ჰაერი ძვირფასია წითელკანიანისთვის. ყველაფერი ერთი და იმავეთი სუნთქავს – მხეცები, ხეები და ადამიანები. თეთრკანიანები ვერ ამჩნევენ ჰაერს, რომლითაც სუნთქავენ. თუკი ჩვენს მიწებს გავყიდით, უნდა გახსოვდეთ, რომ ჰაერი მნიშვნელოვანია ჩვენთვის, რომ ჰაერი თავის სულს უზიარებს ყველა სიცოცხლეს, რომელიც მას ინარჩუნებს და თუ მიწებს გავყიდით, ისინი უნდა გამოყოთ დანარჩენისგან და შეინარჩუნოთ მათი სიწმინდე, აქციოთ ისეთ ადგილად, სადაც თეთრკანიანიც კი ყვავილების ტკბილი სურნელით გაჟღენთილი ქარის შესაყნოსად მიდის.

თუკი მივიღებ თქვენს შემოთავაზებას, ერთ პირობას წაგიყენებთ. თეთრკანიანი უნდა მოეპყრას ამ მიწის მხეცებს, როგორც თავის ძმებს. მე ველური ვარ და სხვაგვარად არ მესმის. ნანახი მაქვს ათასობით გახრწნილი კამეჩი მინდორზე, რომელიც თეთრკანიანებმა დატოვეს მოძრავი მატარებლიდან სროლის შემდეგ. მე ველური ვარ და ვერ ვხვდები როგორ შეიძლება მბოლავი რკინის ცხენი უფრო მნიშვნელოვანი იყოს, ვიდრე კამეჩი, რა არის ადამიანი მხეცების გარეშე? . ყველაფერი დაკავშირებულია და რაც არ უნდა დაზიანდეს ამით დედამიწა და მისი შვილები ზიანდება.

უნდა ასწავლოთ თქვენს შვილებს, რომ მათ ფეხქვეშ არსებული მიწა მათი ბებია-ბაბუების ფერფლია. იმისათვის, რომ მათ პატივი სცენ დედამიწას, ასწავლეთ, რომ დედამიწა ჩვენი წინაპრების სიცოცხლითაა სავსე. უნდა ასწავლოთ თქვენს შვილებს ის, რაც ჩვენ ჩვენსას ვასწავლით: რომ დედამიწა დედაჩვენია. ყველაფერი, რაც დედამიწაზე გავლენას ახდენს, ასევე გავლენას ახდენს დედამიწის შვილებზე. როდესაც ადამიანები მიწას აზიანებენ, ისინი საკუთარ თავს აზიანებენ. ჩვენ ვიცით: დედამიწა არ ეკუთვნის ადამიანს. ადამიანი ეკუთვნის დედამიწას. ადამიანს არ მოუქსოვია სიცოცხლის ბადე – ის მხოლოდ ძაფია მასში. ყველაფერს, რასაც ბადეს უკეთებს, საკუთარ თავსაც უკეთებს. რაც დააზიანებს დედამიწას, დედამიწის შვილებსაც დააზიანებს. ჩვენ ეს ვიცით. ყველაფერი ერთმანეთს ისევე უკავშირდება, როგორც სისხლი აკავშირებს ოჯახს.

თეთრკანიანიც კი, რომლის ღმერთიც მასთან ერთად დადის და ელაპარაკება, არ შეიძლება გამოირიცხოს საერთო ბედიდან.  საბოლოოდ შეიძლება ძმებიც კი აღმოვჩნდეთ. ერთი რამ ვიცით, რასაც თეთრკანიანი ოდესმე მიხვდება რომ ჩვენი ღმერთი იგივე ღმერთია. შეიძლება ფიქრობთ, რომ მას ისევე ფლობთ, როგორც ჩვენი მიწის დაპატრონება გსურთ, მაგრამ არ შეგიძლიათ. ის ადამიანის სხეულია და მისი თანაგრძნობა ერთია წითელკანიანებისა და თეთრკანიანების მიმართ. ეს დედამიწა მნიშვნელოვანია მისთვის და დედამიწისთვის ზიანის მიყენება შემოქმედს აყენებს შეურაცხყოფას. შეიძლება თეთრკანიანები უფრო ადრე გადაშენდნენ  ვიდრე სხვა ტომები. გააგრძელეთ საკუთარი საწოლის წაბილწვა და ერთ ღამეს საკუთარ ნარჩენებში შეგეხუთებათ სული. მაგრამ უკანასკნელ წუთებშიც კი იფიქრებთ, რომ ღმერთმა მოგცათ ეს მიწები და განსაკუთრებული დანიშნულება მათზე და წითელკანიანებზე ბატონობისა. როდესაც ყველა კამეჩი განადგურდება, გარეული ცხენები მოთვინიერდებიან, ტყის საიდუმლო ადგილებიც დამძიმდება ადამიანის სუნით და მწიფე გორაკების ხედი განადგურდება მავთულებით,  გაქრება დაბურული ტყეები, გაქრება არწივები.. გინდათ გითხრათ რა მოხდება თუ ბუნების განადგურებას და  ნადირობას არ შეწყვეტთ? ცხოვრება დასრულდება და გადარჩენისთვის ბრძოლა დაიწყება. ‘

“ადამიანის ონტოლოგიური მდგომარეობა, ჯიუტი სიბრმავის მდგომარეობაა”

– მერამ მამარდაშვილი

ერთხელ ერთმა ჩემმა მეგობარმა მკითხა – რომ შეგეძლოს კაცობრიობას რაიმე თვისება ან შემატო ან გაუქროო რა თვისება იქნებოდაო?  ხოდა მე პირველი რაც გავიფიქრე იყო რომ სიჯიუტეს გავუქრობდი თქო. ჩვენ ხშირად გვერევა სიჯიუტე შეუპოვრობაში, შეუპოვრობა ღირსეული თვისებაა ხოლო სიჯიუტე უვიცობის, სიბეცის ანუ სიბრმავის მდგომარეობაა. როდესაც სამყარო ცდილობს რაღაც გასწავლოს შენ კი ვერ ხედავ და შენს მოძველებულ შეხედულებებს ებღაუჭები. ხოდა ამ თემაზე ხშირად მახსენდება ხოლმე ბებიაჩემის ნათქვამი – ნინო ყველაზე ცუდი წყევლაა როდესაც ადამიანს ეუბნები ‘შენი არ იცოდე და სხვისიც არ გესმოდესო’ : )) 

ადამიანებს ხშირად გვგონია რომ ცხოვრების რაღაც ეტაპზე უკვე ყველაფერი ვიცით. გვაქვს დიპლომები, ხარისხები, ვართ სხვადასხვა საკითხებში ‘ექსპერტები’, ერთმანეთს ხშირად ირონიულადაც კი გადავხედავთ, გამალებული ვამტკიცებთ საუთარ შეხედულებებს რომელიც რათმაუნდა ყველაზე მართალი გვეჩვენება. ჩვენ თითქოს გაგვაჩნია ‘პირციპები’არადა ეს უბრალოდ ხისტი გაუაზრებელი პოზიციებია რომელიც საკუთარ მწირ გამოცდილებაზეა დაყრდნობილი. ადამიანს უბრალოდ ერთი ცხოვრება არ ეყოფა რომ ინტელექტი ისე განავითაროს ან იმდენი გამოცდილება მიიღოს რომ გონიერი უწოდო. ეს სულ სხვა პროცესია, ამას შენ სულიერ საწყისთან ანუ უმაღლეს მესთან კავშირის გარეშე უბრალოდ ვერ შეძლებ. ამიტომ რაც მალე გააცნობიერებ რომ არაფერი იცი მით მალე დაიწყებ რეალურ შემეცნებას.

‘არსებობს სულელების სამი ტიპი:

პირველი ტიპი: სულელი, რომელმაც არაფერი იცის, და არ იცის, რომ არაფერი იცის, – მარტივი სულელი.

მეორე ტიპი: სულელი, რომელმაც არაფერი იცის, მაგრამ ფიქრობს, რომ იცის, – რთული სულელი, განათლებული სულელი.

და მესამე ტიპი: სულელი, რომელმაც იცის, რომ არაფერი იცის, – ნეტარი სულელი.

დასაწყისში ბავშვმა ცოდნა უნდა მოიპოვოს, ჯერ უნდა სცოდოს, და მხოლოდ ცოდვის, ცოდნის, დაუმორჩილებლობის შემდეგ, მას შემდეგ, რაც იგი ამ ქვეყნის უდაბნოში აღმოჩნდება, გზას გადაცდება, თავისი ეგოს ცხოვრებით იცხოვრებს, იგი შეძლებს ამ ყველაფრისგან განთავისუფლებას.

ყველას არ სჭირდება ამისგან განთავისუფლება. ყველა ბავშვი გადადის სულელის ერთი ტიპიდან მეორეზე, მაგრამ ცოტას ხვდება ბედნიერება, რომ მეორედან მესამეზე გადავიდეს, სწორედ ამიტომ ეწოდებათ მათ ნეტარი სულელები.

ნეტარ სულელს გაგების უდიდესი უნარი გააჩნია, რამეთუ იგი დარწმუნდა, რომ ცოდნა უსარგებლოა. მან გაიგო, რომ ცოდნა ბარიერს წარმოდგენს შემეცნებისთვის. ცოდნა – ბარიერია შემეცნებისთვის, ამიტომ იგი აგდებს ცოდნას და სუფთა შემმეცნებელი ხდება. იგი ხედვის სიცხადეს მოიპოვებს. მისი თვალები თავისუფლდება თეორიებისგან და აზრებისგან. ნაგვისგან და ნასესხები ცოდნისგან განთავისუფლებული, მისი ჭკუა წყვეტს ჭკუად ყოფნას და გონი (Buddhi) ხდება, წმინდა გონი. იგი უბრალოდ აცნობიერებს, გაცნობიერების ალი ხდება.

ნეტარი სულელი – ეს ისაა, ვინც ყოველთვის ენდობა; ვინც აგრძელებს ნდობას მიუხედავად ყოველგვარი გამოცდილებისა. თქვენ ატყუებთ მას, ის კი გენდობათ; თქვენ კვლავ ატყუებთ, ის კი გენდობათ; კიდევ ატყუებთ, ის კი კვლავ გენდობათ. მაშინ თქვენ იტყვით, რომ სულელია, და ვერ სწავლობს. მისი ნდობა საოცარია. მისი ნდობა იმდენად სუფთაა, რომ ვერავის შეუძლია მისი დანგრევა. იყავით სულელი დაოს თვალსაზრისით, ძენის თვალსაზრისით. ნუ ეცდებით საკუთარი თავის გარშემო ცოდნის კედლის აღმართვას. რა გამოცდილებაც არ უნდა მოვიდეს თქვენთან, დაე იგი მოხდეს, შემდეგ კი განაგრძეთ მისი გადაგდება. განაგრძეთ თქვენი გონების მუდმივად გაწმენდა, განაგრძეთ წარსულისთვის გარდაცვალება ისე, რომ აწმყოში დარჩეთ, აქ და ახლა, თითქოს ახლახანს დაიბადეთ, თითქოს ახალშობილი ხართ. თავიდან ეს ძალიან ძნელია. ადამიანები თქვენს მოტყუებას დაიწყებენ… მიეცით ამის საშუალება, ისინი უბედურები არიან. მაშინაც კი, თუ გასულელებენ, გატყუებენ და გძარცვავენ, დაე, ეს მოხდეს, რადგან ვერავინ წაგართმევთ იმას, რაც მართლა თქვენია, ვერავინ წაგართმევთ იმას, რაც ნამდვილად თქვენ გეკუთვნით. და ყოველ ჯერზე, როცა არ აძლევთ სიტუაციას საშუალებას, რომ დაგეუფლოთ, ეს შესაძლებლობა შინაგან ინტეგრაციად იქცევა. თქვენი სული უფრო კრისტალიზებული გახდება.’

მნიშვნელობა არ აქვს პროფესიას, განათლებას, ასაკს ყველასგან შეიძლება რაღაც ვისწავლოთ, სამყარო ყველა მხრიდან გველაპრაკება, ჩვენთვის საჭირო პასუხები შეიძლება ტაქსის მძღოლმა ან მათხოვარმა გვითხრას, სწორედ საიდანაც არ ველოდებით იქიდან მოდის პატარა სიბრძნეები, ჩვენ უბრალოდ უნდა ვიყოთ გახსნილები და მიმღებნი, შეიძლება ინტერნეტში ძაან ‘პაპსა’ პოსტიდან სწორედ ის ცოდნა მიიღო რომელიც იმ მომენტში გჭირდება. უნივერსალური გონი ყველგანაა და ყველა მხრიდან გასწავლის მთავარია არ იყო ჯიუტი და ზედმეტად სერიოზული. სამყარო ხშირად სერიოზულ ადამიანებს ყველაზე დიდი იუმორით ექცევა ; )

ავტორი: ნინო ტოგონიძე

გამოყენებული მასალა: მაგმა

როცა შიში გლობალური პანდემია ხდება, ტელევიზია თუ სოციალური ქსელები გამუდმებით ავრცელებენ შხამს, რომელიც ავტომატურად თავდაცვის რეჟიმში გვაგდებს, სამყარო ცივი და უსამართლო გვეჩვენება და ვცდილობთ საკუთარ ნაჭუჭში ჩავიკეტოთ, როდესაც გამუდმებით შიშს განვიცდით, კოლექტიურად ვქნით დაძაბულობის, უნდობლობის და ძლადობის ციკლს და ვცდილობთ სხვადასხვა საშუალებებით რეალობას გავექცეთ. 

მე ამ ვირუსის წინააღმდეგ აცრას გთავაზობთ და მოგიყვებით ნათელ ამბებზე რომელიც ჩვენი პლანეტის გარშემო 2018 წლის განმავლობაში მოხდა <3 იმედია თვენ იმ ადამიანების რიცხვს არ მიეკუთვნებით ვისაც მარტო საქართველოს გაბრწყინება აინტერესებს და პლანეტას საკუთარ სახლად არ მიიჩნევს ; ) 

• სინანგოაში, ეკვატორულ ამაზონში მცხოვრებმა კოფანის ხალხმა გაიმარჯვა სამართლებლივ ბრძოლაში მდინარე აგუარიკოს სათავეების დასაცავად, სადაც ანულირება მოახდინეს  52 კონცესიისა მაღაროს შესახებ და გაათავისუფლეს ტროპიკული ტყის 32,000 ჰექტარზე მეტი ფართობი. Amazon Frontlines
• ჩინელების 90%-მა მხარი დაუჭირა აკრძალვას, სპილოს ძვლის მოპოვების შესახებ, რის შედეგადაც მასზე მოთხოვნა თითქმის განახევრდა და ბრაკონიერობა შემცირდა ისეთ ადგილებში, როგორიცაა კენია. WWF
• ბოლო ცხრა წლის განმავლობაში, ნეპალში გარეული ვეფხვების პოპულაცია თითქმის გაორმაგდა, მადლობა ბუნების დამცველებს ძალისხმევისა და დაცული ტერიტორიების დაფინანსების გაზრდის გამო. Independent
• ინდონეზიაში გაუტყეურება შემცირდა 60%-ით, ტორფის მიწების კულტივირების აკრძალვის, ახალი სასწავლო კამპანიებისა და უკეთესი სამართალდამცავების წყალობით. Ecowatch
• გაერთიანებულმა ერებმა განაცხადა, რომ არქტიკის თავსა და ჩრდილოეთ ნახევარსფეროში ოზონის ხვრელი სრულიად გაქრება 2030 წლისთვის, დანარჩენ მსოფლიოში კი 2060 წლისთვის. Gizmodo
• 10 მილიარდი დოლარი გაიგზავნა ბალიში მსოფლიო ოკეანის 14 მილიონი კვადრატული კილომეტრის დასაცავად. MongaBay
• კალიფორნიაში, მსოფლიოს ყველაზე პატარა მელა ამოღებულ იქნა გადაშენებული სახეობების სიიდან, ეს იყო გადაშენებულ სახეობებში მყოფ ძუძუმწოვართა ყველაზე სწრაფი აღდგენა. Conservaca
• 10 წლის განმავლობაში მიმდინარე დებატების შედეგათ 2018 წელს,  140 ქვეყანა დათანხმდა მოლაპარაკების დაწყებას ‘პარიზის შეთანხმება ოკეანისთვის’ შესახებ, ეს იყო პირველი საერთაშორისო ხელშეკრულება გადაჭარბებული თევზაობის შესაჩერებლად და ზღვის სიღრმეებში სიცოცხლის დასაცავად. National Geographic
• ნიგერიამ განაცხადა, რომ მომავლი 3 ათწლეულის განმავლობაში დაირგვება 200 მილიონი ახალი ხე, რაც აფრიკის გარემოს დაცვის ისტორიაში  უდიდესი პოზიტიური ტრანსფორმაცია იქნება. Guardian
• ესპანეთმა განაცხადა რომ, იგი შექმნის ახალ საზღვაო რეზერვს ვეშაპებისა და დელფინების ხმელთაშუაზღვისპირეთში მიგრაციისთვის და სამომავლოდ აკრძალავს ტერიტორიის ექსპლუატაციას ყველანაირი საწვავი წიაღისეულის მოსაპოვებლად. Associated Press
• ბელიზის „ქმედითი“ ნაბიჯების შედეგად, UNESCO-მ საფრთხის ქვეშ მყოფი მსოფლიო მემკვიდრეობის ძეგლთა სიიდან ამოიღო, ბელიზის ბარიერული რიფი, რომელიც სიდიდით მსოფლიოში მეორე ადგილზეა. BBC
• კოლუმბიამ ოფიციალურად 4,3 მილიონ ჰექტარით გააფართოვა სერანია დე ჩირიბიქუეტი (ცნობილი როგორც იაგუარების კოსმოსური სოფელი),რითიც იგი მსოფლიოს ყველაზე დიდი დაცული ტროპიკული ტყეების ეროვნული პარკი გახდა. WWF
• მექსიკამ განაცხადა რომ ბოლო რვა წლის განმავლობაში იაგუარების პოპულარიზაცია 20% გაიზარდა.ასევე 14-მა ლათინურმა ქვეყანამ ხელი მოაწერა შეთანხმებას 2030 წლისთვის დიდი კატების რეგიონალური კონსერვაციის პროგრამის განხორციელების შესახებ. Phys.org
• ცენტრალური აფრიკის ტყეებში, მთის გორილების (გადაშენების პირას მყოფი სახობა) პოპულაცია 2010 წლამდე 25%-ით გაიზარდა. Reuters
• კანადაში ხელი მოეწერა კიდევ ერთ შეთანხმებას უდიდესი დაცული წიწვოვანი ტყის შექმნის შესახებ (ეს ტერიტორია ბელგიის ზომას ორჯერ აღემატება). BBC
• ჩილემ მიიღო ახალი კანონი, სანაპირო ზოლის გასწვრივ წყლის დაცვის, ცხრა საზღვაო რეზერვის შექმნისა და სახელმწიფო დაცვის ქვეშ არსებული ოკენის ტერიტორიის 4,3%-დან 42,4%-მდე გაზრდის შესახებ. BBC
• სეიშელის კუნძულებმა,  უკანონო თევზჭერისგან თავის დასაცავად, ინდოეთის ოკეანეში შექმნა 130,000 კვადრატული კილომეტრის საზღვაო რეზერვი.  National Geographic
• ახალი კალედონიამ განაცხადა რომ დაცვის ქვეშ აიყვანს მისი ოკეანური წყლების 28,000 კვადრატული კილომეტრს, მსოფლიოს ყველაზე ხელუხლებელი მარჯნის რიფების ჩათვლით. Forbes
•  გლობალურად, ქოლერის ვაქცინის 25 მილიონი დოზა იქნა ადმინისტრირებული   Declaration on Ending Cholera პროექტის ფარგლებში და დაიწყო ისტორიაში უდიდესი ვაქცინაციისთვის მზადება  UNICEF
• საფრანგეთში 2018 წელს  მწეველების მკვეთრი შემცირება გამოვლინდა, წინა წელთან შედარებით, მილიონზე ნაკლები მწეველია ხოლო ამერიკელებს შორის  სიგარეტის მოხმარებმ 1965 წლიდან დღემდე ყველაზე დაბალ მაჩვენებელს მიაღწია. France /  Americans
• რუანდა გახდა პირველი დაბალშემოსავლიანი ქვეყანა, სადაც  500-ზე მეტ კლინიკაში 3000 ექთანი მომზადდა რის შედეგადაც ქვეყნის მოქალაქეებს აქვთ შესაძლებლოდა უფასო თვალის მოვლის სევრვისით ისარგებლონ. Global Citizen
• ინდოეთში 2013 წლიდან დღემდე, მშოიბარობით გამოწვეული სიკვდილი  22%-ით შემცირდა . რაც იმას ნიშნავს რომ,  ყოველდღიურად 30 ადამიანით მეტი სიცოცხლის გადარჩენა გახდა შესაძლებელი, ვიდრე 5 წლის წინ.  The Wire
• განა გახდა პირველი ქვეყანა სუბ-საჰარაში, რომელმაც აღმოფხვრა ტრაქომა. 2000 წელს 2,8 მილიონ ადამიანს (მოსახლეობის 15%-ს) სიბრმავე ემუქრებოდა. Devex
• WHO-ს ცნობით, ევროპაში თინეიჯერების მიერ ალკოჰოლის მოხმარება საგრძნობლად შემცირდა, კონტინენტი რომელიც მსოფლიო მაშტაბით ალკოჰოლის მოხმარების ყველაზე მაღალი მაჩვენებლით გამოირჩეოდა. CNN
• გლობალურად 2010 წლიდან,  აივი/შიდსის ინფექციის მაჩვენებელი 16%-ით შემცირდა ზრდასრულებში და 35%-ით ბავშვებში Undark
• ამერიკაში 2018 წელს, ნიუ-იორკი და ვირჯინია გახდა პირველი ორი შტატი, რომლებმაც სკოლებში ფსიქიკური ჯანმრთელობის შესახებ სწავლება მოითხოვეს. CNN
• მალაიზია გახდა პირველი ქვეყანა დასავლეთ წყნარ ოკეანეში, რომელმაც აღმოფხვრა დედიდან შვილზე აივი ინფექციის გადაცემა Malaymail
• სამხრეთ აფრიკამ,  2012 წლის შემდეგ ახალი ინფექციების გავრცელება 44%-ით შეამცირა Telegraph
• ჭიისებრი დაავადებები კენიაში 2012 წლდან დღემდე 33,4%-დან 3%-მდე შემცირდა.  Evidence Action
• რუსეთში 2009 წლის შემდეგ თამბაქოს მოხმარება 20%-ით შემცირდა  ხოლო აკოჰოლის მოხმარება 2012 წლის შემდეგ შემცირდა 20%-ით. Straits Times
• ტანზანიის მონაცემებით, მათ ბოლო ათ წელიწადში მალარიით სიკვდილი 50%-ით შეამცირეს ზრდასრულებში და 53%-ით ბავშვებში. Borgen 
• WHO-მ პარაგვაი დაასახელა ამერიკის შემდეგ მეორე ქვეყანად, რომელმაც მალარიის აღმოფხვრა მოახდინა.  WHO
• კოსტა რიკის უზენაესმა სასამართლომ დაადგინა, რომ ქვეყანაში ერთსქესიანთა ქორწინების აკრძალვა იყო არაკონსტიტუციური და მთავრობას 18 თვე მისცა მის შესაცვლელად. BBC
• ტუნისი გახდა პირველი არაბული ერი, რომელმაც აღიარა ქალთა და მამაკაცთა თანასწორობა,  მათ მოახერხეს ძველი ისლამური წესის გადალახვა. Dhaka Tribune
• ნეპალი გახდა 54-ე ქვეყანა მსოფლიოში და პირველი ქვეყანა სამხრეთ აზიაში, რომელმაც მიიღო აკრძალვა ბავშვთა დასჯის შესახებ. End Corporal Punishment
• „ეკონომისტმა“ აღნიშნა, რომ მსოფლიოში სუიციდის მაჩვენებელი 1994 წლიდან დღემდე 38%-ით შემცირდა ოთხი მილიონი სიცოცხლის გადარჩენით, რაც ოთხჯერ აღემატება ამ დროის განმავლობაში ბრძოლებში დაღუპულთა რიცხვს.  The Economist
• UNDP-მა ახალი ანგარიში გამოაქვეყნა, რომლის მიხედვითაც ინდოეთში 2005 წლის შემდეგ 271-მა მილიონმა ადამიანმა გადააბიჯა სიღარიბის ზღვარს, რაც იმას ნიშნავს რომ ათწლეულის განმავლობაში ქვეყნის სიღარიბის მაჩვენებელი თითქმის განახევრდა. Times of India
• ბანგლადეშმა განაცხადა, რომ 1990 წლის შემდეგ ბავშვთა სიკვდილიანობის მაჩვენებელი 78%-ით შემცირდა. Kinder-World
• 1990 წლის შემდეგ სუფთა საწვავსა და უკეთესი ჯანდაცვის წყალობით, ჩნინეთში რესპირაციული დაავადებებით სიკვდილიანობის მაჩვენებელი 70%-ით შემცირდა. Twitter
• ამერიკის შეერთებულ შტატებში შავკანიანთა სიღარიბის მაჩვენებელი 41%-დან 18%-მდე დაეცა და მათი წილი საშუალო კლასსში გაიზარდა 38%-დან 57%-მდე. CNN
• 2018 წლის მეორე ნახევარში 14%-ით შემცირდა მზის და 6%-ით ქარის ელექტროსადგურების ღირებულება. მსოფლიოს უმეტეს ნაწილში ახალი სუფთა ენერგიის მიღება ბევრად იაფია, ვიდრე ბინძური ენერგიისა. BNEF
• რეპსოლი გახდა პირველი მსხვილი წიაღისეული საწვავის მწარმოებელი, რომელმაც უარი თქვა გაზისა და ნავთობის ძიებაზე.  Bloomberg
• ამერიკის შეერთებულმა შტატებმა ახალი რეკორდი დაამყარა ქვანახშირის ქარხნების დახურვაში, 22 ქარხნით 14 შტატში 15,4 გეგავატი ბინძური ენერგია სიბნელედ იქცა. Clean Technica
• ირლანდია მსოფლიოში პირველი ქვეყანა გახდა, რომელმაც უგულებელყო წიაღისეული საწვავი Guardian
• მალაიზიამ გააუქმა სიკვდილით დასჯა ყველა დანაშაულისთვის და შეაჩერა ყველა ეგზეკუცია. ეს მნიშვნელოვანი ნაბიჯი და გამარჯვებაა ადამიანის უფლებათა დამცველებისთვის აზიაში. SMH
  
• დანაშაულის რაოდენობა გერმანიაში 10%-ით დაეცა, ეს ყველაზე დაბალი მაჩვენებელია ბოლო 30 წლის განმავლობაში. Washington Post
• გერმანიამ გამოაცადა ერთ-ერთი ყველაზე ამბიციური ნარჩენების გადამუშავების სქემა. მთავრობა გეგმავს მომავალი ოთხი წლის მანძილზე ნარჩენების გადამუშავება 36%-დან 63%-მდე გაზარდოს. DW
• ევროპარლამენტმა სრულიად აკრძალა ერთჯერადი პლასტმასის კამოყენება, რაც საზღვაო ნარჩენების 70%-ს შეადგენს. ეს კანონი ძალაში 2021 წელს შევა. Independent
• ჩინეთმა განაცხადა, რომ 2008 წლის აკრძალვის შემდეგ პლასტიკური ჩანთების გამოყენება 66%-ით შემცირდა და თავიდან იქნა აცილებული 40 მილიარდზე მეტი ჩანთის გამოყენება.
• და ჩემთვის წლის ყველაზე აქტუალური პროექტი:  წყნარ ოკეანეში 600 მეტრიანი ნაკადია, რომელიც იყენებს წყლის ბუნებრივ ძალას და როგორც მტვერსასრუტი იწოვს ოკეანეში არსებულ პლასტმასის ნარჩენებს. პროცესს შეგიძლიათ თავად ადევნოთ თვალი. პროექტის შემქმნელი გუნდი ვარაუდობს რომ მომავალი 7 წლის განმავობაში მთლიანად გაწმენდს წყნარ ოკეანეს პლასტმასის ნარჩენებისგან  Ocean Cleanup