ეკოლოგია

როგორ შეუძლიათ იცოდნენ ამდენი და ერთ ადგილას იდგნენ? როგორ შეუძლიათ ისაუბრონ სიტყვების გარეშე და იყვნენ ერთად მაშინაც კი როცა მარტონი დგანან?

ხეები მუდამ გამჭრიახ მასწავლებლად მიმაჩნდა. პატივს ვცემდი მათ, როცა ტომებად და ოჯახებად ცხოვრობდნენ ტყეებსა და ბუჩქნარებში ხოლო მათი პატივისცემა უფრო მეტად მემატებოდა, როდესაც მარტოთ ვხედავდი. ხეები მარტოსულ ადამიანებს ჰგვანან. ისეთებს კიარა, რომელთაც საზოგადოებას საკუთარი სისუსტის გამო აქციეს ზურგი, არამედ დიად მარტოსულებს, მაგალითად ბეთჰოვენსა და ნიცშეს. მათ წინაშე მსოფლიო იხრის ქედს, მათი ფესვები უსასრულობაში ისვენებენ, ისინი არ კარგავენ საკუთარ თავს და მხოლოდ ერთი მიზნისთვის იბრძვიან: საკუთარი კანონების გამოყენებით შექმნან უნიკალური ფორმა და წარმოაჩინონ საკუთარი თავი. არაფერია ძლიერ ხეზე მეტად მშვენიერი.

როცა ხეს ჭრიან და მისი სასიკვდილო ჭრილობა მზის სინათლეზე იკვეთება, მის ნათელ ტანზე მთელი მისი ისტორია იკითხება: წლოვანების რგოლები, ჭრილობები, ბრძოლა, ტკივილი ტანჯვა – ყოველი ბედნიერება და კეთილდღეობა, რომლებიც მოვარდნილ ქარიშხლებს ებრძვიან.

ყველა ახალგაზრდა ფერმერმა ბიჭმა იცის, რომ ყველაზე კეთილშობილ ძლიერ ხეს, ყველაზე განიერი რგოლები აქვს და რომ მხოლოდ მაღალ მთებსა და საშიშ ადგილებში იზრდებიან ყველაზე ძლიერი ხეები. ხეები ტაძრები არიან. ვინც იცის როგორ ესაუბროს მათ და მოუსმინოს, მხოლოდ ის სწავლობს სიმართლეს.

ხე ამბობს: ჩემი სიძლიერე ნდობაა. მე არაფერი ვიცი სამშობლოს შესახებ, არაფერი მესმის ათასობით ახალი სიცოცხლის შესახებ, რომლებიც ყოველწლიურად ყვავილობენ ჩემში. მე მჯერა უფლის, მე მჯერა ჩემსი არსებული ძალის. მე სხვა არაფერი მადარდებს და ამ სიმართლით ვცხოვრობ. როდესაც ცხოვრებაზე გულგატეხილნი ხელს ჩავიქნევთ ხე გვეუბნება: იცხოვრე! იცოცხლე! ცხოვრება ადვილი არ არის, ცხოვრება რთული არ არის. ეს ბავშვური ფიქრებია. დაე, ღმერთმა ისაუბროს შენში და შენი ფიქრებიც დადუმდებიან. თუ შეშფოთებული ხართ, მხოლოდ იმიტომ რომ თქვენი გზა დედისა და სახლის გზას ამცდარა, მაგრამ ყოველ ნაბიჯსა და ყოველ ახალ დღეს ისევ დედის გზაზე მივყავართ. სახლი არც აქაა და არც იქ. სახლი შენშია, სხვაგან არსად.

გული ძლიერი გრძნობით მევსება, როდესაც მესმის როგორ შრიალებენ ხეები საღამოს ნიავში და თუ ვინმე დიდხანს დაუგდებს ყურს მათ ხმას, აუცილებლად მიხვდება სათქმელს. ეს იმდენად ტანჯვისგან დაღწევის მცდელობაა არაა, რამდენადაც შეიძლება ასე მოგეჩვენოთ, ეს სახლისკენ სწრაფვაა, საკუთარი დედის მონატრებაა. ამ ხმას სახლისკენ მივყავართ. ყველა გზაც ხომ საბოლოოდ სახლისკენ მიდის. ყოველი ნაბიჯი დაბადებაა და ყოველი მომდევნო ნაბიჯი სიკვდილი. როცა ჩვენი საკუთარი ბავშვური ფიქრების წინაშე მდგარნი ხის მოკრძალებულ საუბარს ვუსმენთ, მხოლოდ მაშინღა ვხვდებით რომ მათ დიადი ფიქრები აქვთ, ღრმა და მშვიდი სუნთქვა. ისინი ჩვენზე ჭკვიანები არიან.

როდესაც ჩვენ ვწავლობთ როგორ მოვუსმინოთ ხეებს ჩვენი გონების შეზღუდულობა და ბავშვური სიფიცხე, წარმოუდგენელ სიამოვნებად გარდაიქმნება.. და ვინც ისწავლა, როგორ უსმინოს ხეებს, მას აღარ სურს იყოს ვინმე სხვა, გარდა საკუთარი თავისა.

ეს არის სახლი.

ეს არის ბედნიერება…

დარგე შენი საკუთარი ხე, შემოგვიერთდი 9 ივნისს ჭალებში <3

წყარო

დღეს ჩვენი საზოგადოების უმეტესი ნაწილისთვის ძალიან რთულია იმის გააზრება რომ პლანეტა დედამიწა ჩვენი სახლია და როგორც საკუთრ სივრცეზე ვზრუნავთ ასევე უნდა ვიზრუნოთ მასზე. ჩვენ საუკუნეების მანძილზე ჩვენივე მოგონილი წესებით და კანონებით საზოგადოებაში  სიხარბე, მომხვეჭელობა და მესაკუთრეობა დავბადეთ. ბუნებასთან კონტაქტის დაკარგვით ჩვენ დავკარგეთ უდიდესი სიბრძნე ჩავიკეტეთ ბეტონის ნაგებობებში და ტვინს ვირეცხავთ ტელევიზიით თუ სოციალურ ქსელებში ერთმანეთის ცხოვრების გარჩევით.

ჩვენ დიდი ხნის წინ დავივიწყეთ რომ დედამწა ჩვენი უნივერსალური დედაა და უძღები შვილებივით როგორც პარაზიტები ვწოვთ და უკან არაფერს ვუბრუნებთ. მნიშვნელოვანია გავაცნობიეროთ რომ არა მარტო ჩევენი ქვეყანა არამედ პლანეტის ყოველი მიწის მტკაველი ყველასია და ამავდროულად არავის არ ეკუთვნის. 

KHIDI REBEL-ის რიგით მეორე პროექტი ‘ხიდის ჭალები’ სწორედ ეკოლოგიურ პრობლემებს ეხმიანება. ჩვენი მიზანია ამ უნმიშვნელოვანესი იდეის გარშემო გავაერთიანოთ ადამიანები. პროექტი გულისხმობს ყოველწლიურად გარე ღონისძიების ორგანიზებას, რომლის მთავარი მიზანი იქნება ეკოლოგიურ გამოწვევებში ჩართვა მწვანე საფარის შექმნით და სამომავლოდ მასზე ზრუნვის პასუხისმგებლობის აღებით.

ღონისძიებაზე დასასწრები ბილეთების ნაცვლად გაიყიდება ხეები რომლის არჩევანი წარმოდგენილი იქნება ღონისძიების გვერდზე. თითოეული ხის მეპატრონეს საშუალება ექნება QR კოდის მეშვეობით საკუთარ ხეში ჩადოს მესიჯი, რომლის წაკითხვის საშუალება ექნებათ ხიდის ტყეპარკში მისულ ადამიანებს. ეს იქნება ტყე რომელიც QR დეკოდერის საშუალებით მოგვიყვება ისტორიებს.

ასევე უმნიშვნელოვანესია რომ ამ პროექტით მონაწილეებს მივაწოდოთ გზანვილი თუ რამდენად არსებითია ხეების შემდგომი მოვლა და მათზე პასუხისმგობლობის აღება. ჩვენ კონსულტანტებთან ერთად შევიმუშავებთ ინსტრუქციებს თუ როგორ უნდა დავგეგმოთ ღონიძიებები რათა ტყემ სრულფასოვნად გაიხაროს. სამომავლოდ შეიქმნება აპლიკაცია რომელის საშუალებით შეამოწმებ შენი ხის მდგომარეობას როდის უნდა მორწყა როდის იგეგმება შეკრებები და ა.შ. ასევე შესაძლებლობა გექნება გაიცნო სხვა ხეები და წაიკითხო მათი მესიჯები 🙂 

ივენტისთვის მომზადდება საინფორმაციო ბუკლეტები, რომელის საშუალებითაც მონაწილეებს მივაწოდებთ რჩევებს თუ როგორ შეუძლიათ მოახდინოს ცვლილება ყოველდრიურ ჩვევებში რათა პლანეტაზე საკუთარი ნაკვალევი მინიმუმადე დავიყვანოთ. ჩვენი მცდელობაა საზოგადოებაში ავამაღლოთ ცნობიერება და დავანახოთ თუ რაოდენ მნიშვნელოვანია თითოეული ადამიანის ჩართულობა გარემოს დაცვაში.

ბილეთის და შესაბამისად ხის შეძენის საშუალება შესაძლებელია 30 მაისამდე. ირჩევთ ხეს და კომენტარში წერთ ხის სახელს და თქვენს გზავნილს. ღონისძიების დღეს, ადგილზე მიიღებთ თქვენ კუთვნილი ხის ბარათს უნიკალური QR კოდით.

ხის სახეობები:

ჭალის მუხა

არყის ხე

ჰიმალაის კედარი

მაღალმთის ნეკერჩხალი

დიდი მადლობა მინდა გადავუხადო ყველა არტისტს რომლებიც უერთდებიან  პროექტს, ასევე პლანტშოპის ჯადოსნურ ადამიანებს და მერიას ტექნიკური მხარდაჭერისთვის.

გელოდებით ყველას ასაკის განურჩევლად <3

ხის ყიდვა შეგიძლიათ მოცემულ ბმულზე

ხელოვნება ყოველთვის უდიდეს როლს თამაშობდა საზოგადოების ცნობიერების განვითარებაში. უძველესი დროიდან მოყოლებული მითოლოგია კაცობრიობას არქეტიპულ ხატსახეებს ზღპრების თუ პოემების სახით აცნობდა, რომლებიც ჩვენს თანამედროვე რეალობაში კინომატოგრაფიის, ლიტერატურის თუ მუსიკის მეშვეობით გადმოიცემა. 

ხელოვნების ყველა ფორმას შორის მუსიკა უმაღლესია,  რადგან ის იმ კანონის მინიატურულ ასლს წარმოადგენს, რომელიც მთელს სამყაროში მოქმედებს. გულის პულსირება, ჩასუნთქვა-ამოსუნთქვა, ყველაფერი რიტმში მუშაობს. სიცოცხლე მთელი სხეულის მექანიზმის რიტმულ მუშაობაზეა დამოკიდებული. სუნთქვით მიიღება ხმა, სიტყვა, ბგერა და ეს ხმა მუდმივად გვესმის, მათ შორის, შინაგანი ხმაც –  მუსიკაა. არქიტექტურა მუსიკაა, მხატვრობა მუსიკაა, პოეზია მუსიკაა. ყველა იმ საქმიანობაში, რასაც ჩვენ ცხოვრებაში ვაკეთებთ, სადაც შთაგონების წყარო მშვენიერებაა, არსებობს მუსიკა.

მუსიკას უდიდესი ძალა აქვს რადგან მას შეუძლია ერთი იდეის ქვეშ უმარავი ადამიანი გააერთიანოს, მნიშვნელოვანი პრობლემები წამოწიოს და მთვლემარე საზოგადოება გამოაფხიზლოს. ჩვენს თანამედროვეობაში სწორედაც რომ ეს იყო როკენროლის იდეა, დაენგრია სტერეოტიპები და ცრურწმენები, დაპირისპირებოდა კონფორმიზმს და ყოველგვარ სიყალბეს. ჯონ ლენონი და იოკო ონოთი დაწყებული ბობ დილანი, პატი სმიტი და კიდევ მრავალი მეოამბოხე მუსიკოსი თაობების შთაგონების წყარო გახდა. კურტ კობეინი მნიშვნელოვნად უპირისპირდებოდა საზოგადოებრივ დოგმებს, ბავშვობიდან გეებთან მეგობრობდა და პოპლულარობის მერე უდიდეს მხარდაჭერას უცხადებდა უმცირესობებს. როცა Nirvana  ჟურნალ როლინგ სტოუნის ყდაზე დაბეჭდეს კობეინს ეცვა მაიკა წარწერით “Corporate Magazines Still Suck.”  : )

ალბათ ცოტამ თუ იცის რომ 80-ანი წლების დასაწყიში დეტროიდში სწორედაც რომ მეამბოხე ადამიანების გაერთიანებამ წარმოშვა ტექნო მუსიკის პირველი სცენა. ისინი იყვნენ შავკანიანი უმცირესობა, რომლებიც ჩაგვრის და შევიწროვების წინააღმდეგ ერთიანდებოდნენ.

დღესაც უამრავი პრობლემის წინაშე ვდგავართ და KHIDI როგორც მედიატორი ხელოვნებასა და ხალხს შორის, ჩვენც ვიაზრებთ ჩვენს წილ პასუხისმგებლობას და  ვთვლით, რომ თუკი გვინდა რაიმე შევცვალოთ ჩვენს გარშემო უკეთესობისკენ, უნდა ვიმოქმედოთ.

KHIDI REBELS (‘ხიდის მეამბოხენი’) არის KHIDI-ს ახალი მიმართულება – მოძრაობა, რომლის ქვეშ გაერთიანდება სხვადასხვა პროექტი, რომლებიც შეეხმიანებიან მნიშვნელოვან სოციალურ თუ ეკოლოგიურ პრობლემებს.

KHIDI REBEL-ის პირველ პროექტს წარმოადგენს: მეტალ კონცერტების სერია -‘უსმინე მარგრამ არ ისუნთქო მეტალი’ – რომლის მთავარი მიზანი ცოცხალი მუსიკის პოპულარიზაციასთან ერთად, მძიმე მეტალების შესახებ საზოგადოებაში ინფორმაციის გავრცელება და ამ პრობლემის გარშემო საკითხების წინ წამოწევა და  გადაჭრის მეთოდებზე ზრუნვაა. 

მძიმე მეტალები მაღალი ატომური მასის მქონე ქიმიური ელემენტების ჯგუფია. მრავალი მათგანი, მაგალითად, რკინა, სპილენძი, თუთია, მოლიბდენი, მონაწილეობს ბიოლოგიურ პროცესებში და განსაზღვრული რაოდენობით აუცილებელია ადამიანის, ცხოველისა და მცენარის ცხოველმოქმედებისათვის. მეორე მხრივ, მძიმე მეტალები და მათი ნაერთები მავნე გავლენას ახდენს ადამიანის ორგანიზმზე, გროვდება უჯრედებში და იწვევს მთელ რიგ დაავადებებს. მძიმე მეტალებს 40-ზე მეტი ქიმიური ელემენტი მიეკუთვნება. მათ შორის განსაკუთრებული ტოქსიკურობით გამოირჩევა: ტყვია, ალუმინი, ვერცხლისწყალი, კადმიუმი.

პირველ ივენტზე გვინდა გავამახვილოთ ყურადღება ჩვენი ყოველდღიურობის ერთ-ერთ უმნიშვნელოვანეს ნივთზე – ელემენტებზე მის შემცველობაზე და თუ რაოდენ საშიშია მისი ჩვეულებრივ საყოფაცხოვრებო ნაგავში გადაყრა. ელემენტის ქიმიკატების ზუსტი კომბინაცია განსხვავდება ელემენტის ტიპის მიხედვით, მათი ზოგადი შემცველობის ჩამონათვალში გვხვდება: კადმიუმი, ტყვია, მერკური, ნიკელი და ლითიუმი.

ოდესმე დაფიქრებულხართ იმაზე, თუ რა მოსდის მძიმე მეტალების შემცველ ელემენტებს იმ წუთიდან, რა წუთიდანაც თქვენ მას სანაგვე ურნაში აგდებთ? სანამ ამ კითხვას პასუხი გაეცემა, მანამდე ნაგვის უარყოფითი მხარეები განვიხილოთ. ადამიანების ჭარბი რაოდენობის ზრდასთან ერთად, იზრდება ნაგვის რაოდენობაც, რაც პირდაპირპროპორციულადაა დაკავშირებული გარემოს დაბინძურებასთან და ამ დაბინძურებით გამოწვეულ ეკოლოგიურ საფრთხეებთან.  მყარი ნარჩენები შეიცავს ყველანაირი სახის მომწამვლელ ნივთიერებას. თუ მას სწორად არ გავუმკლავდებით, ის გავრცელდება მიწაში, ჰაერსა და წყალში. შესაბამისად, ეს ყველაფერი არა მარტო ჩვენ გვაყენებს ზიანს, არამედ სხვა ცოცხალ ორგანიზმებსაც. იცოდით რომ ნაგავს შეუძლია ნიადაგის სტრუქტურა და შემადგენლობა შეცვალოს? ის ნიადაგის სტრუქტურას და ფიზიკურ-ქიმიურ თვისებებს არღვევს და ამცირებს მის ნაყოფიერებას.  ლითიუმი იწვევს მიწისქვეშა ნაგავსაყრელებში ხანძარს, რომელიც წლობით გრძელდება და გამოყოფს საშიშ ტოქსინებს. სახიფათო ნარჩენები ასევე მოქმედებს კვებით ჯაჭვზეც.

განსაკუთრებით საშიშია მძიმე მეტალის შემცველი ნარჩენების გადაყრა, რადგან მასში შემცველი ქიმიკატები ნიადგაში იჟონება და წყლის ნაკადებს უერთდება და საბოლოოდ ზღვებში და ოკეანეში ჩაედინება.

სამრეწველო წარმოშობის ამ მეტალის ნახევარი (910 ათასი ტონა) ხვდება ოკეანეში. ზოგიერთი ბაქტერია ვერცხლისწყლის ტოქსიკურ მარილებს (ქლორიდები) გარდაქმნის კიდევ უფრო ტოქსიკურ მეთილვერცხლისწყლად. ვერცხლისწყლის ნაერთებს დიდი რაოდენობით აგროვებს ზღვისა და მტკნარი წყლის მრავალი ორგანიზმი. საკვებად თევზისა და ზღვის პროდუქტების გამოყენება არაერთხელ გამხდარა მოსახლეობის ვერცხლისწყლით მოწამვლის მიზეზი.

რადგან საქართველოში არ არსებობს მძიმე მეტალების შემცველი ნაგავის ჩამბარებელი პუნქტები. გვინდა ეს პრობლემა წამოვწიოთ და ჩვენი წვლილი შევიტანოთ ამ საკითხის მოგვარებაში.

ივენტზე დაიდგმება ყუთი სადაც შეგეძლებათ დამჯდარი ელემენტები მოიტანოთ ჩვენ კი ვუზრუნველყობთ მათ უსაფრთხო გადამუშავებას.

ამ პრობლემის პრევენცია იწყება პირველ რიგში ამ საკითხის სერიოზულობის გააზრებით. შემდეგ კი ჩვენი რჩევა იქნება გამონახოთ ყუთი სადაც სამომავლოდ შეაგროვებთ დამჯდარ ელემენტებს და KHIDI REBELI-ის ივენტებზე წამოიღებთ ხოლმე ; ) ასევე ვისაც ფინანსურად მეტის გადახდა შეუძლია თბილიში უკვე ბევრგან იყიდება ეკო-ელემენტები, რომლებიც აბსოლუტურად ბიოდეგრადირებადია.

მოკლედ ყველას გელოდებით 8 დეკემბერს KHIDI REBELS -ის  პირველ მეტალ კონცერტზე: 

SCRATCH THE FLOOR 

VASGORSHALRUD

I Killed The Devil 

DETERAL 

EVERY DOG HAS ITS DAY 

KHIDI-ში დაშვებულია სლემი და მოშ პიტი

კარი გაიღება 19:00 საათზე 

კონცერტი დაიწყება 20:00 საათზე.

ბილეთები შეგიძლიათ იყიდოთ მოცემულ ბმულზე:  khidi.ge/product/rebels1

I Pre-Sale: 10 GEL

II Pre-Sale: 15 GEL

III Pre-Sale: 20 GEL

კარზე: 20 GEL

‘we live in a disposable society its easier to throw things out than to fix them’ – Neil Labute

პლასტმასი იაფი და გამძლეა და გასაგებიცაა თუ რატომ მოახდინა ამხელა რევოლუცია ჩვენს ყოველდღიურ ცხოვრებაში. თანამედროვე ადამიანი უკვე დამოკიდებული გახდა ამ მრავალმოხმარების სუბსტანციაზე, რომელიც თითქმის ყველაფერში გამოიყენება კომპიუტერებიდან დაწყებული, სამედიცინო ხელსაწყოებში თუ საკვები პროდუქტების შეფუთვა-მოხმარებაში. პრობლემას რომელსაც სერიოზულად ვერ ვიაზრებთ წარმოადგენს ის რომ დაახლოვებით 86 მილიარდი კილო პლასტმასის ნარჩენი ხვდება ყოვეწლიურად ოკიანეში. ამ ნარჩენების დიდი ნაწილი ერთჯერადი გამოყენების შეფუთვებია: გაზიანი სასმელების ბოთლები, პარკები, საწრუპები და სხვა.

მეცნიერები ვარაუდობენ რომ 2050 წლისთვის ოკიანეში ბევრად მეტი წონის პლასტმასი იქნება ვიდრე თევზი. პლასტმასით დაბინძურებას ჩვენ თითქმის ვერ აღვიქვათ, მაგრამ იგი მირდაპირ სასიკვდილოდ მოქმედებს ზღის ფაუნაზე.უამრავი ოკეანის მოიბინადრე ფიზიკურად იბლანდება პარკებში ან იხრჩობა ან შიმშილით კვდება. სხვები ჭამენ პლასტმასის ნარჩენებს, ზღვის კუებს ხშირად ერევათ პარკები მედუზებში და იგუდებიან. ზღვის ფრინველები, განსაკუთრებით ალბატროსები და ჩიტები რომლებიც ზღვიდან კენკავენ საკვებს, თავიათ ბუდეებში იხოცებიან პლასტმასით ამოვსებული მუცლებით : ((

‘water and air, the two essential fluids on which all life depends, have become global garbage cans.’ – Jacques Cousteau

კიდევ უფრო შემაშფოთებელია მიკროპლასტიკური დაბინძურება. პლასტმასის უმეტესობა არ არის ბიოდეგრადირებადი, რაც იმას ნიშნავს რომ ისინი იშლებიან მცირე ნაწილაკებად მაგრამ არასოდეს ტოვებენ სრულად გარემოს. 5 მილიმეტრზე მცირე ზომის ნაწილაკები კლასიფიცირებულია როგორც მიკროპლასტიკი და იგი წარმოადგენს ოკეანის პლასტმასის დაბინძურების მნიშვნელოვან ნაწილს. მიკროპლასტიკი ასევე გამოიყენება კოსმეტიკაში, სხეულის დასაბან საშუალებებში, კბილის პასტებში როგორც  ექსფოლიატორები და გამაპრიალებელი საშუალებები. ასევე სინთეტიკური ტანსაცმელი რომლებიც ყოველ გარეცხვაზე უმცირეს მიკროპლასტიკის ნაწილაკებს გამოყოფენ. ეს ბოჩკოები იმდენად პატარაა რომ გაფილტვრა შეუძლებელია და შესაბამისად ოკეანეშიც პირდაპირ ჩაედინება. აღასნიშნავია რომ ეს მიკროპლასტიკი  შეიცავს ქიმიურ ნივთიერებებს რომელიც არღვევს ენდოკრინულ სისტემას და ბიოაკუმულირებადია. მკვლევარებმა არა ერთი ზღვის მობინადრის ორგანიზმში აღმოაჩინეს მიკროპლასტიკი  რომელიც არღვევს მათ რეპროდუქციის უნარს და ქმნის საშიშროებას მათი სრულად გადაშენების. ამ ყველაფრის შედეგად მანკიერი წრე კაცობრიობას უკან გვიბრუნდება რადგან მიკროპლასტიკი ზღვის მარილში და ზღვის პროდუქტში აკუმულირდება.

ასევე შემაძრწუნებელია ის ფაქტი რომ, პლასტმასის გლობალური წარმოება ყოველ 11 წელიწადში ორმაგდება. რაც იმას ნიშნავს რომ პლასტმასის დაბინძურების მაჩვენებელი უფრო და უფრო იზრდება.

რა მოვიმომედოთ. როგორ დავეხმაროთ პლანეტას ამ საშინელი პრობლემის დაძლევაში?? როგორც კი დაკვირვებას დავიწყებთ შოკში ჩაგვაგდებს ის ფაქტი რომ თითქმის ყველაფერი პლასტმასის შეფუთვაშია : /ამ მომაკვდინებელ ინდუსტრიასთან ბრძოლა უზარმაზარი გამოწვევაა, მაგრამ როგორც პლასტმასი ნელნელა აკუმულირდება ისე ჩვენი პატარპატარა ქმედებები აკუმულიდება, ასე რომ დავიწყოთ ყოველდღიური ჩვევების გადაპროგრამებით. შეძლებისდაგვარად უარი ვთვათ მის გამოყენებაზე –  წალი ვიყიდოთ შუშის ბოთლებში, დილის ყავა ან ჩაი თერმოსებით მივირთვათ, პლასტმასის კონტეინერების მაგივრად შუშის კონტეინერები გამოვიყენოთ, მარკეტში ჩვენი ჩანთით ვიაროთ და ა.შ

ჩვენ უნდა შევიგრძნოთ ამ პრობლემის რეალური საშიშროება და არ გავექცეთ მას ტვინის დამაბუჟებელი საშუალებებით, რადგან გაცნობიერებულობა გვიბიძგებს რომ ვიმოქმედოთ და უკვე დიდი ხანია მოქმედების დროა!