ბიოფიზიკა

კოსმოსი კვანტური ვაკუუმია, სინათლე – კვანტური ოკეანე. ელექტრონებს შორის ვაკუუმური ველი კვანტურია. ადამიანთა ფიზიკურ სხეულებს მიღმა კვანტურ-მექანიკური სხეულია. რეალობა, რომელიც ჩვენს აზრებსა და ემოციებს მიღმაა კვანტურია. ერთიანი ინფორმაციულ-ენერგეტიკული ველი აკავშირებს ერთმანეთთან ხილულსა და უხილავს. მისი წყალობით,სამყარო გიგანტური ჰოლოგრამაა, სადაც ყველაფერი ურთიერთქმედებს ერთმანეთზე: ადამიანები შორეულ გალაქტიკებზე და პირიქით. სამყაროს მოწესრიგებული სტრუქტურების უკან ეს ველი იმალება. ის, რაც კაცობრიობას ელის უახლოეს მომავალში, კვანტური ნახტომია, ანუ ცნობიერების გადასვლა ერთი დონიდან მეორეზე, რის შემდეგაც აქტივირებული იქნება ყოფიერების ახალი მოდელი, რომელიც სამყაროს მთლიანობის აღქმაზეა დამყარებული. მომავალში ადამიანები თავად შექმნიან საკუთარ რეალობას.

კვანტური ველი – შეუზღუდავი შესაძლებლობების ველია, ნულოვანი ენერგიაა, კოლექტიური ცნობიერება და ენერგიების რეზერვუარია, რომელთან კავშირითაც ადამიანი იღებს შესაძლებლობის მაქსიმუმს.

კვანტური ფიზიკის კანონების მიხედვით, მოვლენები, რომლებიც ფიზიკურ სამყაროში ვითარდება ერთი სცენარით, პარალელურ სამყაროში სრულიად განსხვავებული სცენარით წარიმართება. ადამიანი ერთდროულად ორ სამყაროში არსებობს. მატერია, კვანტური თეორიით, არ არის მყარი. ის ატომის დონეზე ფლობს ინფორმაციას და ფიზიკურ დონეზე სიახლოვის გაწყვეტის შემთხვევაშიც ინარჩუნებს ენერგეტიკულ კავშირს. კვანტური ველი ობობას ქსელივითაა. რეზონანსული ენერგიების ვიბრირებისას კვანტური სამყაროს საიდუმლო საგანძურები იხსნება და ადამიანი იღებს მის საუნჯეს. სივრცეთაშორის არსებული ამ ატრიბუტის წყალობით,სამყარო ერთიანია და მას ერთი ცნობიერება აქვს. კვანტური ველის წყალობით,რომელიც მზის სისტემას აკავშირებს ერთმანეთთან, მზის სინათლის მეშვეობით, პლანეტის ერთ წერტილში მომხდარი მოვლენა გავლენას ახდენს სხვა პლანეტაზე. ერთი ადამიანის აზრებსაც კი შეუძლიათ სხვა კონტინენტზე გამოიწვიონ ცვლილებები.

კვანტური ველი დაკავშირებულია ადამიანის დნმ-თან, ანუ ადამიანის ეთერულ ტვინთან. დნმ ანტენაა, რომელიც კვანტურ სინათლეს იღებს. ადამიანის დნმ-ის 64 კოდიდან მხოლოდ მესამედია აქტიური. ის ინახავს ჩვენი მომავლის პროექტს, მაგრამ მისი შეცვლაც შეიძლება, რადგან გენებიც ევოლუციონირებენ. დნმ-ის ‘აკაშის ქრონიკებში’ ჩვენი წარსულის შესახებ ყველაფერი ჩაწერილია: ჩვენი სულიერი სახელი,სულიერი ტყუპისცალის ვინაობა, წინა ინკარნაციები და ა.შ. მასშია ჩვენი სულის დიზაინი და ჩვენი მომავლის ალგორითმები. ის მატრიცაა, რომლის 12 სპირალიდან მხოლოდ ორია აქტიური. მასში ჩადებული ინფორმაციით, ადამიანს შეუძლია რამდენიმე ასეული წელი იცოცხლოს.  დნმ ადამიანისა და ღმერთის გადაკვეთის ადგილია. ის იღებს კოსმოსიდან ენერგიების მარაგს და შეუძლია მიძინებული კოდების გამოღვიძებაც.

დნმ მზადაა მიიღოს ახალი ინსტრუქციები და გარეგნული ფაქტორების გავლენით შეცვალოს, გარდაქმნას ჯერ სინათლის სხეულის გეომეტრია, შემდეგ კი მთლიანად მატერია. მასში არსებობს რეპროდუქციული მექანიზმები, რომლებიც ცვლიან უჯრედებს. როდესაც დნმ-ს აწვდიან ახალ პროგრამას, ის იცვლება ქიმიურად, ვიბრაციულად და ხდება გენეტიკური კოდის მოდიფიკაცია. 40 დღის განმავლობაში გარკვეული მეთოდიკით შესაძლებელია ცვლილებების მიღწევა, რაც გარდაქმნის ადამიანის სულიერ-ფიზიკურ სხეულებს. ეს უფრო მეტია, ვიდრე კარმა, ასტროლოგია, მედიცინა და ა.შ.

სიჩუმეში, დუმილში, მოდუნებულ მდგომარეობაში შესვლა შინაგან სამყაროში, შინაგან ‘მე’-სა და გულზე კონცენტრაციით, არის გზა სხეულის კვანტური ეკვივალენტისკენ, ამიტომ მედიტაციები კვანტურია. ფერები, მუსიკა, ბგერები კვანტური ბუნებისაა. პოზიტიური მოთხოვნით, ხმით საუბარი საკუთარ უჯრედოვან სისტემასთან, თვითშთაგონება ან ხმით ლოცვა კვანტურ გარდაქმნებს იწვევს. სიზმრები –კვანტურ ველთან კავშირია და სიზმრების კორექციით რეალობის კორექციაც შეიძლება. აწმყოში, ახლა და აქ, საკუთარი თავის დაფიქსირება, აზრებსა და ემოციებს მიღმა გადასვლა, ანალიზის გარეშე საკუთარ სხეულზე, მოვლენებზე დაკვირვება, გამიჯვნა მათგან, რწმენა და მოტივირებული, სუფთა განზრახვა, სიყვარული, საკუთარ თავზე წარმოდგენის უკეთესობისკენ შეცვლა, თვითრეალიზება და პასუხისმგებლობის აღება, საკუთარი თავის იდენტიფიკაცია წარსულის ინკარნაციებთან ან რომელიმე პერსონაჟთან 1,5 საათის განმავლობაში, წარსულის ნეგატივებისაგან და მოძველებული შეხედულებებისაგან განთავისუფლება, სურვილების დაკმაყოფილება, ვიზუალიზაცია და აფირმაცია, ღრმა სუნთქვა და გულზე კონცენტრირება, პატიება, მშვენიერების ჭვრეტა, იმედი, მზის სინათლესთან, ცეცხლთან და რიტმთან ერთად იწვევს კვანტურ გარდაქმნებს. კვანტურ ნულოვან დონეზე მოვლენები უნივერსალური გონის ნებას ემორჩილება.

ავტორი: თამარ არაგველი

თუ გსურთ სამყაროს არს ჩაწვდეთ გაიაზრეთ რას ნიშნავს ენერგია, სიხშირე და ვიბრაცია.

– ნიკოლა ტესლა

ჩვენი სამყარო ერთი ძალით, ერთი ენერგიით იმართება, ერთი ენერგია მართავს როგორც უმაღლეს ასევე უმდაბლეს განზომილებებს განსხვავება კი ამ ენერგიის ინტენსიურობაში და მის ვიბრაციაშია. მატერია, ენერგია და სული წარმოადგენს ვიბრაციულ ერთობლიობას. სული, ყველაზე სწრაფი ვიბრაციის უკიდურესი პოლუსია, რომლის სიხშირეც იმდენად მაღალია, რომ პოლუსი უმოძრაო ჩანს. საწინააღმდეგო პოლუსი მხოლოდ მკვრივი მატერიისგან შედგება. შუქი, სითბო, მაგნეტიზმი, ელექტროობა — ვიბრაციის სხვადასხვა ფორმებია. აზრები, გრძნობა, იმპულსი — მხოლოდ და მხოლოდ ადამიანის ვიბრაციული მდგომარეობებია. ფიზიკური სხეული იმ სისტემების ერთობლიობას წარმოადგენს, რომლებიც ერთ სიხშირეზე ვიბრირებს. 

ეს ყველაფერი ალბათ არაერთხელ გვსმენია მაგრამ ცოტას თუ აქვს სიღრმისეულად გააზრებული თუ  როგორ შეიძლება ჩვენს გარშემო ყველაფერი ვიბრირებდეს და ჩევნს რეალობას საკუთრი ცნობიერების სიხშირით ვქმნიდეთ.

ფიზიკოსები უკვე დიდი ხანია ამტკიცებენ, რომ მატერიალური სამყარო სხვა არაფერია, თუ არა ენერგიის უზარმაზარი ზღვა, რომელიც გამუდმებით ვიბრირებს. სიმყარე არ არსებობს, იგი ილუზიაა — ესაა კვანტური ფიზიკის საფუძველი .

და რა იჭერს ამ მუდმივად ცვლად ენერგიას გარკვეული ტიპის საგნებად თუ სხეულებად? საინტერესოა, რატომ ვხედავთ ადამიანს ნაცვლად ვიბრირებადი ენერგიისა?

მოდი დავიწყოთ მატერიით. მატერია შედგება უჯრედებისგან, უჯრედები შედგება მოლეკულებისგან მოლეკულა კი შედგება ატომისგან, ატომი შედგება სუბატომური ნაწილაკებისგან, პროტონებისა და ნეიტრონებისგან რომლების ბირთვის გარშემო ბრუნავენ. მატერიაში არსებულ ყველა ატომს აქვს ვიბრაციული მოძრაობა. თითოეულ პერიოდულ მოძრაობას აქვს ‘სიხშირე’ (წამში რხევების რაოდენობა), რომელიც იზომება ჰერცებში. 

 1 ჰერცი (Hz) = 1 ერთი რხევა წამში (ops)

 1 კილო ჰერცი (KHz) = 1,000 ops

 1 მეგა ჰერცი (MHz) = 1,000,000 ops or 1 მილიონი

 1 გიგა ჰერცი (GHz) = 1,000,000,000 ops or 1 მილიარდი

 1 ტერა ჰერცი (THz) = 1,000,000,000,000 ops or 1 ტრილიონი

ყველაფერს ჩვენს გარშემო გააჩნია სიხშირე. პირდაპირი გაგებით. ყველაფერი და ყველა ფერი.  ფერებს აქვთ ძალიან მაღალი სიხშირე, წარმოიდგინეთ იმდენად მაღალი, რომ ჩვენ რეალურ ფერებად აღვიქვამთ. (რაც არ უნდა უცნაურად ჟღერდეს, სამყარო სინამდვილეში უფერულია, ეს ფერები უბრალოდ ილუზიაა. სამყაროში ფერი არ არსებობს, არსებობს მხოლოდ სიხშირე, და ჩვენი თვალები ამ სიხშირეს აკონვერტირებს და ტვინში აღვიქვამთ, როგორც ფერს). რადგან ფერი და ბგერა ორივე სიხშირეა, შეიძლება მოხდეს ტვინში მათი არასწორი აღქმა. მართალია ფერებსა და ბგერებს შორის ტრილიონი სიხშირეა განსხვავება, შეიძლება გაყოს შუაზე, მერე კიდევ შუაზე, მერე კიდევ და კიდევ, სანამ არ ჩამოვა ძალიან დაბალ სიხშირეებში, სადაც უკვე ყური იწყებს რეალურად ამ სიხშირეების აღქმას. უცბად აღმოაჩენ, რომ ფერს, რომელსაც უყურებ… გესმის! 

ტერმინები ‘სიხშირე’ და ‘ვიბრაცია’ ხშირად გამოიყენება ერთ კონტექსტში თუმცა, მათ შორის მნიშვნელოვანი განსხვავებაა. ჩვენ უკვე ვიცით, რომ სიხშირე არის რხევების ციკლი, რომელიც თანმიმდევრობით იზომება. ხოლო ვიბრაცია წარმოვიდგინოთ როგორც ენერგიის შეკუმშვა სიხშირის ფარგლებში. მაგალითად, ვიბრაცია ყოველ წამში ადგენს სიხშირის თანმიმდევრობას.

მოდით უფრო კარგად რომ გავიგოთ მოვიყავნ  ბგერის მაგალითს. ბგერა არის ჰაერში წყალში ან მყარ სხეულში გავრცელებული მოლეკულების რხევა. რხევა შეიძლება იყოს სხვადასხვა სიხშირის მაგ: ნელი, საშუალო და სწრაფი. თუ სიხშირე ნელია, ე.ი. ბგერა არის დაბალი (ბოხი), თუ სიხშირე სწრაფია, შესაბამისად ბგერა არის მაღალი (წვრილი). როდესაც გიტარის სიმს თითს გამოკრავ, ის ვიბრირებს, ირხევა გარკვეული სიხშირით. ბასგიტარის სიმი უფრო სქელია და სიხშირეც  დაბალია. ბუნებაში არსებულ ყველა ბგერას (იქნება ეს, ადამიანის მიერ აღქმადი თუ აღუქმელი ) აქვს კონკრეტული სიხშირე. რამდენჯერაც სიმი ირხევა წამში ტალღისებურად, იმდენია მისი სიხშირეც.  

შესაბამისად ჩევნი სხეულიც შედგება ვიბრირებად ატომებისგან რომლებიც კონკრეტულ სიხშირეზე ირხევიან. როდესაც სიხშირე იზრდება მატერია უფრო და უფრო მსუბუქდება.  ენერგიის ნიმუშები მოქმედებს ჩვენს ცნობიერებაზე და მის ზრდასა და შემცირებაზე.

ჯანმრთელი სხეული

ადამიანის ტვინი 72–90 MHz
სხეული ყელიდან ქვემოთ 62–78 MHz
ფარისებრი ჯირკვალი  62–68 MHz
თიმუსის ჯირკვალი  65–68 MHz
გული 67–70 MHz
ფილტვები 58–65 MHz
ღვიძლი 55–60 MHz
პანკრეასი 60–80 MHz

დასნეულებული სხეული

ავადმყოფობა იწყება 58 MHz
კიბოს უჯრედები 42 MHz
სიკვდილი იწყება 25 MHz

პროფესორ ვალერ ჰანტის მიხედვით, თითოეული ტოქსიკური სუბსტანცია ამრუდებს ნეგატიურ წონასწორობას, რომელიც არსებობს უჯრედულ დონეზე. ტოქსინები უჯრედის დეპოლარიზებას ახდენენ, რის შედეგად უჯრედი ხდება სამხრეთით პოლარიზებული და კარგავს ენერგიის მიზიდვის უნარს. ამან შეიძლება გამოიწვიოს ფიზიკური, ფსიქოლოგიური, ემოციური და სულიერი დაავადებები. ადამიანური უჯრედები იწყებენ მუტაციას, როდესაც მათი სიხშირე მცირდება 62Hz-მდე.  

საკვები

ცოცხალი, საღი საკვები (ხილი,ბოსტნეული) 20–27 Hz
მწვანილი 20–27 Hz
ჩირეული 15–22 Hz
სუნელები 15–22 Hz
გადამუშავებული/კონსერვირებული საკვები  Zero Hz

სურნელის საშუალებით შეგვიძლია ავიმაღლოთ ან დავადაბლოთ ჩვენი ვიბრაცია. მეცნიერული  კვლევები გვიჩვენებს, რომ ეთერზეთებს აქვთ უმაღლესი სიხშირე ადამიანისთვის ცნობილ ყველა სუბსტანციებთან შედარებით, ისნი ქმნიან ისეთ გარემოს, სადაც ვერ ცოცხლობენ დაავადებები, ბაქტერიები, ვირუსები, სოკოები და ა.შ 

სუნს ხმის მსგავსად, საკუთარი სიხშირე გააჩნია. თუკი მათ არ ექნებოდათ უნიკალური ვიბრაციები, ჩვენ ვერ შევძლებდით მათ განსხვავებას . სურნელის აღქმა ხდება ცხვირში არსებული რეცეპტორების მიერ  და მყისიერად გადაეცემა ზეთოვან ბოლქვს, რომელიც წარმოადგენს ლიმბური ტვინის ნაწილს.

სურნელი ტვინის პირდაპირი მაკავშირებელია გარემოსთან. ჩვენი ყნოსვის გრძნობა 10,000-ჯერ უფრო ძლიერია, ვიდრე სხვა ნებისმიერი გრძნობა. სუნის ამოცნობა დაუყოვნებლივია (სხვა გრძნობები, მაგალითად შეხება, ტვინს მიეწოდება ზურგის ტვინის საშუალებით). სუნი ასევე უძლიერესი მაკავშირებელია ქვეცნობიერთან და და კოლექტიურ არაცნობიერთან, სადაც ინახება მოგონებები.

აღსანიშნავია ასევე სხვადასხვა რელიგიურ რიტუალებში, სხვადასხვა სურნელოვანი საკმევლის გამოყენება მაგალითად სალბი და პალო სანტო წმენდს გარემოს დაბალვიბრაციული ენერგიებისგან.  საპირისპირო მოქმედება აქვს სიგარეტს. უჯრედულ დონეზე თუკი განვიხილავთ თამბაქოს სურნელს მომენტალურად ჩაჰყავს ჩვენი მოლეკულები დაბალვიბრაციულ სიხშირეებზე. სწორედ ამიტომაა ადამიანი რომელიც რეგულარულად მოიხმარს თამბაქოს,  გარდა იმისა რომ ორგანულად ვნებს საკუთარ სხეულს მისი ცნობერების სიხშირეც ეცემა.

როგორც  ფერებს, ბგერებს, სურნელს და ფიზიკურ ობიექტებს. ჩვენს ემოციებსაც გააჩნიათ სიხშირეები, მაღალი/დაბალი, ნელი/სწრაფი. როდესაც ბედნიერად ვგრძნობთ თავს, ჩვენი სხეულის ვიბრაციები უფრო მსუბუქია (მაღალი და სწრაფი). როდესაც დაღლილი ან ავად ვართ, ჩვენი ვიბრაციები უფრო მძიმეა (ნელი და დაბალი). სწორედ ამიტომაა  როცა შეყვარებული ვართ თავს უფრო ენერგიულად და მსუბუქად ვგრძნობთ, თითქოს ღრუბლებზე დავდივართო : ) 

ცნობიერის მკვლევარმა დევიდ ჰოკინსმა, გამოყენებითი კინეზოლოგიის მეშვეობით შექმნა ცნობიერის რუქა. რუქის თანახმად, ადამიანის ცნობიერი დაყოფილია დონეებად. სადაც, სიცოცოხლის აღსაქმელად, ესა თუ ის, ემოცია წარმოადგენს დომინანტს. თითოეული დონისთვის დამახასაითებელია გარკვეული რაოდენობის ენერგია. რაც უფრო მაღლა ადიხართ შკალაზე, მით მეტი სასიცოცხლო ენერგია შეესაბამება და მით მეტად, სასიკეთოდ იცვლება სიცოცხლის აღქმა. რაც უფრო დაბალია, შესაბამისად დაბალია სასიცოცხლო ენერგიაც და ემოციებიც ნეგატიურია.

აზრები, ფიქრები და განცდები სწორედ ის მაგნიტია, რომელიც შესაბამის სიხშირეზე მომუშავე შეგძნებებს, აზრებს და ქმედებებს იზიდავს. ჩვენ ვგავართ რადიო მიმღებს, რომელიც მუშაობს მხოლოდ და მხოლოდ, ჩვენს მიერ გამოსხივებულ ტალღებზე.

ენერგეტიკული ველი შეგვიძლია შევადაროთ, მანქანის საჰაერო ფილტრს. რაც უფრო მეტად დაბინძურებულია ფილტრი, მით მეტად ცუდად მუშაობს ძრავი. ზუსტად ასევეა, ჩვენი ენერგეტიკული ველიც. რაც მეტია ‘ენერგეტიკული ბლოკები’ წყენა, განკითხვა შური წუწუნი, შიში და მსგავსი ემოციები, მით მეტად ქვემოთაა მისი ვიბრაციები.

როცა, ადამიანის ვიბრაციები არის 200-ის ქვემოთ ის, უმეტესწილად ფიქრობს თვითგადარჩენაზე. ძირითადად ასეთი ადამიანები  ‘იღებენ’ ცხოვრებიდან და სისტემიდან, ვიდრე ‘გასცემენ’.  მათი ზეგავლენა ვრცელდება იმ ენერგეტიკული ველის ადამიანთა ჯგუფზე, რომლის ნაწილსაც თავად წარმოადგენს. ადამიანები დაბალი ვიბრაციებით ხშირად მიდრეკილნი არიან გამოავლინონ ისეთი ემოციები, როგორიცაა – ბრაზი, რისხვა, შიში, ეჭვიანობა, ცინიზმი, გულგრილობა, ცრუობენ და განიკითხავენ. გამოირჩევიან უარყოფითი, ნეგატიურო აზროვნებით.

ჰოკინსის კვლევების მიხედვით ადამიანთა 85% იმყოფება კრიტიკული 200 ერთეულის ქვემოთ.

იგი ამტკიცებდა რომ ინდივიდებს რომლებსაც მაღალვიბრაციული ცნობიერება გააჩნიათ აბალანსებენ კოლექტიურ ცნობიერს

• 1 ინდივიდს რომელიც იმყოფება ცნობიერების დონის 300 ერთულზე აბალანსებს 90.000 ადამიანს 200 ის ქვემოთ
• 1 ინდივიდს რომელიც იმყოფება ცნობიერების დონის 400 ერთულზე აბალანსებს 400.000 ადამიანს 200 ის ქვემოთ
• 1 ინდივიდს რომელიც იმყოფება ცნობიერების დონის 500 ერთულზე აბალანსებს 750.000 ადამიანს 200 ის ქვემოთ
• 1 ინდივიდს რომელიც იმყოფება ცნობიერების დონის 600 ერთულზე აბალანსებს 10 მილიონ  ადამიანს 200 ის ქვემოთ
• 1 ინდივიდს რომელიც იმყოფება ცნობიერების დონის 700 ერთულზე აბალანსებს 70 მილიონ ადამიანს 200 ის ქვემოთ
• 12 ინდივიდი რომელიც იმყოფება ცნობიერების დონის 700 ერთულზე უდრის ერთ ავატარს (ქრისტე,ბუდა, კრიშნა)